ANU MOMPOLELE POTATAE NU TUMPU 9:3 - KITAB NU TUMPU ALLA LELE MA'IMAI'

³ Jadi nasib anu pokakana suele mongkona ahi' aha iwi-iwi'. Ka' aijo' sa'angu' na han anu momposusa' kinyonyoa susumo suele iwi-iwi' na anu jinadimo i dunia. Tempo'nyo ia daagi tutuu' kinyonyoanyo nu pobuke'i nu pikilan anu ma'idek ka' mule' nu pobuke'i nu kaponga'an. Lantas monti-montik nu kabotmo na ukunnyo.

ANU MOMPOLELE POTATAE NU TUMPU 9:3 ပူးပေါင်းရင်းမြစ်များ

KAJADIAN 6:5

Tinoa nu Tumpu ma'idek hondo na kalakuan nu to mia-mian i dunia; iwi-iwi' na pikilan nu aha aijo' saja' ma'idek.

KAJADIAN 8:21

Hongohisnyo nu koloban anu sinombahkonmo aijo' nomposanangmo kinyonyoa nu Tumpu, sahingga Ia notataemo i uno nu kinyonyoa-Nyo, “Aku madi'mo daagi' mongkutuki dunia aiya kalana palabuatan nu manusia; Ku sumbu' saba' aha daagi' pe'e tempo'nyo ma'isa motu'a, pikilan nu manusia aijo' ma'idek. Aku madi'mo daagi' monsilakai iwi-iwi' apaa na anu ko nyawanyo, susumo anu sala'je binaung-Ku aiya.

AYUB 15:16

Apaa mule' manusia anu palaganta ka' anu ko kasala'annyo, anu monggotup kalakuan anu ma'idek susumo uee.

AYUB 21:26

Panyo i uno nu pinolamunan, aha pokakana bubu' pinomale'; ka' nukampuhimo nu ias.

MAZMUR 51:5

Kalana ku akuimo na kasala'an-kasala'anku, dosa'ku saja'mo sola' ku inau'.

MAZMUR 64:7

Aha montanga'imo mombau anu ma'idek, ka' montaloakonmo, “Kami batanga'mo mombau kapandean anu mongakali.” Kinyonyoa ka' pikilan nu aha manusia, maleeng hondo madi' opoko luntok.

AMSAL 14:32

Mian anu ma'idek na kinyonyoanyo mohumpak kabinasa'an kalana palabuatannyo anu ma'idek; panyo mian anu manonong madi' opoposia kalana hodi' na kinyonyoanyo.

ANU MOMPOLELE POTATAE NU TUMPU 1:17

Pinagalangku sinumbu'ku na kapandean tiba kaponga'an pa' mosia na bedanyo ka' mule' kapandean mompopikilakon apa-apaa ka' mule' anu ponga' hondo. Panyo inyata' kuje taalu' aku aiya ola ahi' susumo mimbalu-balu' mololoi mombun.

ANU MOMPOLELE POTATAE NU TUMPU 12:7

Butongto aiya minsusule'mo; timbalimo abu i dunia aiya. Napas te kantumuu'anto minsusule'mo hi Tumpu. Ia na nombee' salaku pongkalibosi'Nyo.

ANU MOMPOLELE POTATAE NU TUMPU 2:14

Mian anu pande timbali montoa mau pa' moya na patujunyo; mian anu ponga' sumomo lumajang anu maha kanyangan.” Panyo kusumbu' mule' ahi' saba nasib anu pokakana mongkona suele aha iwi-iwi'.

ANU MOMPOLELE POTATAE NU TUMPU 7:2

Lebe ma'ima' mamba i laigan nu mian anu ko kasilakan; ka' de mule' ola mamba i tampat anu nombau bau-bauon. Kalana kita saja' ahi' monginau'; saba toto samian nu tanda'imo ahi' saba' toto samian nu tanda'imo ahi' nu kasilakan.

ANU MOMPOLELE POTATAE NU TUMPU 7:25

Maumo ahi' aku saja balagulu' ka' molio ilimu'; da mohumpak kapandean bapikin aijo' ka' mule' mohumpak pontaaminyo mae iwi-iwi' na anu pinokilawamo. Aku nonsobamo da mangalati' taalu' dosa' aijo' kaponga'an; ka' palabuatan anu ma'idek aijo' anu tinotonggolakonmo.

ANU MOMPOLELE POTATAE NU TUMPU 8:11

Kadaka' talalo dengke na mian mombau anu ma'idek aijo'? Kalana madi' sampa ohukum na ia.

ANU MOMPOLELE POTATAE NU TUMPU 9:11

I dunia aiya daagi mule' ko anu tinoangku; pailomba'an madi' saja'mo ko kamanangan na mian anu mopadeka', pahampatean madi' saja'mo ko kamanangan na mian anu mahoson. Mian anu pande madi' saja'mo mohumpak pakalaja'an polioan, ka' mian anu mangalati' madi' saja'mo mohumpak kakaya'an. Ka' mule' suele mian anu ahali madi' saja'mo talasanggo, Kalana maumo ahi' pa' ihe timbali nu tokai mae nu nasib soe'.

ANU MOMPOLELE POTATAE NU TUMPU 9:2

Memang nasib anu pokakana bubuu' mongkona mian. Mian anu madi' tageo' na kinyonyoanyo maumo mian anu palaganta, mian anu ma'ima' na gau'nyo kabai anu ma'idek na gau'nyo, mian anu belesi' kabai mian anu mahenyu, mian anu monsombahkon koloban kabai anu madi'. Mian anu ma'ima' na gau'nyo madi' lebemo mohumpak dale' molingkuduimo mian anu baladosa', mian anu binasumpa'mo pokakanamo ahi' tiba mian anu madi' mongka oho' basumpa'.

ANU MOMPOLELE POTATAE NU TUMPU 9:4

Panyo tempo'nyo ia daagi tutuu'; tempo'nyo aijo' daagi ko anu otaha imani. Temisa' dedeng anu daagi tumuu' na lebe bilahi na kantumuu'annyo, nu lingkudui na singa anu madi'mo ko nyawanyo?

YEREMIA 16:12

Panyo belemiu nombau mule' lebe ma'idek. Belemiu panggaga ka' ola saja' mombatuki posi pongka'oho' nu beleyum anu ma'idek atina'. Belemiu madi' mongka'oho' montuluti Aku.

YEREMIA 17:10

Aku, Tumpu monselidiki kinyonyoa kinyonyoa nu manusia Ku uji'. Batu-batu mian Ku balosakon sitimbang tiba kalakuannyo, ka' Ku bee'i hukuman sitimbang tiba palabuatannyo.”

YEREMIA 17:9

Kinyonyoa nu manusia na madi' ahi' opoko ala osumbu-sumbu' pande hondo, nu lingkudui na sinin na apaa ka' talalo ahi' tadok na belanyo.

LUKAS 15:17

Kinahimpusannyo ia sininsumbu'mo ka' notatae, ‘To mia-mian anu mokalaja hi tuumangku molabi-labi na kaanonnyo, jo aku i aiya mompai patemo nu ohop!

LUKAS 6:11

Panyo to gulu-gulu' agama tiba to mia-mian nu Farisi pinusamo hondo, ka' mulai binasale' pa' apaa na anu timbali nubau nu aha hi Yesus.

SISIKON NU TO RASUL-RASUL 12:23

I tempo'mo aitu na malaikat nu Tumpu nohapa' i Herodes, kalana ia madi' mongadati Tumpu. I Herodes kinaan nu ias lantas i mate.

SISIKON NU TO RASUL-RASUL 26:11

Saja' aku monsakisa aha i to lai-laigan pogalejaan, da mompakisa aha mombahakon apaa na anu nupalesaya nu aha. Sumo aijo' na ko singginyo nu kinyonyoangku hi aha, sahingga namba nokiijo' i kota-kota sangga'at mule' aku nololoi' aha i kiijo' mae.”

SISIKON NU TO RASUL-RASUL 26:24

Hau-haunyo i Paulus montutuhakon pompototu'u butongnyo aijo', i Festus nonsegaimo, “Beleyum notutuangmo Paulus! Ilimuu'um anu manjoo' atina' nompotimbalimo beleyum notutuang!”

TITUS 3:3

Kalana naipuan mae kita suele ponga', sala' na jalan, ka' madi' tulu-tulutan. Kita binotuananmo nu ngangahan na napisu tiba anu o ka'ima'i; kita tumuu' ko makisut ma'idek ka' madi' sanang hi sangalu, tiba mule' mompaha ka'i-ka'ideki.

2 PETRUS 2:16

Panyo ia nohumpakmo pokinde' anu mapohos hondo mongkona palabuatannyo anu ma'idek aijo', salatan keledainyo aijo' notataemo susumo potatae nu mian. Sahingga nabi aijo' pinakisamo da bolimo mombau palabuatan anu ulawon aijo'.