ANU MOMPOLELE POTATAE NU TUMPU 9:12 - KITAB NU TUMPU ALLA LELE MA'IMAI'

¹² Mian madi' monsumbu' pa' hipian na tempo'nyo toka mae. Susumo tomonsi' nu konamo nu so'o ka' mule' ikan nu konamo nu buani'. Sumo aitumo na manusia de nu tokaimo mae nu balaa' isa'angu' na tempo anu madi' sinangka-sangka.

ANU MOMPOLELE POTATAE NU TUMPU 9:12 ပူးပေါင်းရင်းမြစ်များ

MAZMUR 11:6

Mian anu ma'idek na kinyonyoa-Nyo nu hukum nu balaa' nu Tumpu, tiba apu, belelang, ka' mombun anu montoyo'i.

AMSAL 24:22

Mian anu sumo aijo' ola sangkinihap timbali mohopu', kalana balaa' anu nupotoka nu Tumpu Allah kabai tomundo misa' han anu ola dengke-dengke.

AMSAL 29:6

Mian anu ma'idek na kinyonyoanyo nuposikonamo nu so'onyo, mian anu madi'tageo' na kinyonyoanyo, mongoa'i sanang ka' bilahi nakan tumuu'onnyo.

AMSAL 6:15

Iwi-iwi' aijo' monsaduakonmo kasilaka'an anu monti-montiik mongkonamo butongnyo, ka' ia hansunmo totu-totu'u.

ANU MOMPOLELE POTATAE NU TUMPU 3:19

Mau mosiamo na nasib nu manusia ka' binatang pokakanamo. Sa'angu' timbali ahi' mate sumo aitu mule' sangga'at. Ohu-ohua' pokakanamo anu binau nu Tumpu. Jadi manusia madi' lebe untung molingkudui binatang kalana ohu-ohua' aitu kantumuu'annyo madi' ko gunanyo.

ANU MOMPOLELE POTATAE NU TUMPU 8:11

Kadaka' talalo dengke na mian mombau anu ma'idek aijo'? Kalana madi' sampa ohukum na ia.

ANU MOMPOLELE POTATAE NU TUMPU 8:8

Madi' ko samian pe'e na moko ala montewa' kabai montunda kasilakannyo; aijo' sa'angu' na han anu madi' opoko ala opimpalii; ia madi' moko ala luput i han aijo'; maumo kapandean apaa na obau.

ANU MOMPOLELE POTATAE NU TUMPU 9:13

Ka' mule' aiya daagi ko sa'angu' na sonto' anu totu'u hondo mosia na mian moholomati kapandean bapikin:

YESAYA 24:18

Mian anu nopalaimo kalana lele anu ma'idek aijo' nu konamo nu pohakop ka' anu madi' nu kona nu pohakop nu konamo nu so'o. Ujan anu daka' hondo tombulokmo engkat mae ilangit, ka' lananyo nu tano' tolohunjongmo.

YESAYA 30:13

Kalana aijo' belemiu sinala'mo. Belemiu sumomo ahi' pagan mesen tangka-tangkas anu noleetmo lengkat mae aita' toka-toka akaong i aluknyo; monti-montiik ahi' belemiu motuamo.

YEHEZKIEL 32:3

De to bansa-bansa sihukmo, Ku hakopmo na beleyum nu buani'-Ku ka' mompojohok bansa haha aijo' mohela' beleyum mokiita' ikatano'an.

HOSEA 7:12

Panyo de aha motulumo Kupokonamo na so'o ka' ohakopmo na aha susumo mian mohakop tomonsi'. Ku hukumo na aha kalana iwi-iwi' na palabuatan nu aha anu ma'idek aijo' sinumbu'-Kumo.

HOSEA 9:8

Tumpu nonsai mae aku salaku nabi da mompokinde'i belemiu mian-Nyo, anu palesayamo, panyo maumo ahi' pa' moya paku mamba belemiu mompagala monso'o aku susumo tomonsi'. Ilipu' anu Tumpu na tumpunyo kami to nabi-nabi nu ka'ideki nu mian da'isan.

LUKAS 12:20

Panyo Tumpu notatae hi ia, ‘O anu ponga'! Pihi uuka mule' beleyum matemo, lantas ihemo ahi' na mohumpak iwi-iwi' kakaya'an anu ilimu'umo bau kapentingan nu butongum?’

LUKAS 12:39

O inau' na aiya! De nusumbu' nu tumpu nu bonua jam sangkuka na anu mombuling toka, nu jagaimo da anu mombuling toka madi' minsoop i uno nu laigannyo.

2 KORINTUS 6:2

I uno nu Kitab nu Tumpu, Tumpu notataemo, “I tempo' anu kinaima'an-Kumo, Aku nohongomo beleyum, ka' i sinaa kasalamatan, Aku nontulungimo beleyum.” Tutugi ima-ima', uukamo aiya na tempo' anu Ku ka'ima'i aijo'. Uukamo aiya na sinaanyo bau pomposalamatan!

1 TESALONIKA 5:3

De mian motatae, “Iwi-iwi' aman ka' madi' ko anu mombau hengge',” sahingga aitumo na tempo'nyo anu madi' osumbu-sumbu' nu aha, nutokaimo nu bala, ka' madi' ko samian pe'e na anu moko popalai. Han aijo' toka madi' osumbu-sumbu', sumo mongoa'i sakit monganak kona hi samian na boune anu mompohampemo.

2 TIMOTIUS 2:26

Tiba jalan anu sumo aijo' aha po'ule'mo sinsumbu' ka' nolapasmo i ponggoda'an nu Ibilis anu nonsale'imo aha ka' nompakisamo aha mombatuki pongka'oho'nyo.

1 PETRUS 2:12

Kalakuan nu beleyum atina' hi mian anu madi' monsumbu' Tumpu, tionyo ahi' opokopiani ma'i-ma'ima' sahingga de aha mompitana' i belemiu tukoonyo mian anu ma'idek, panyo aha saidi' mae mongakuije kalakuan nu belemiu aijo' ma'ima', sahingga aha mompuji' Tumpu i sinaa katokaan-Nyo.

2 PETRUS 2:12

Panyo to gulu-gulu' haha aijo', palias! Aha ola sumo binatang anu inganakakon da o hakop ka' opatei. Aha madi' ko inau'an apa-apaa; panyo ola mokalaja montuluti kabiasa'an nu dunia, sahingga nu gagakon nu aha na hahan anu madi' nu pangalati'i nu aha nu potatae haha aijo' salaku bau ponjojoa. Kalana aijo' posi kalajamo nu aha haha aijo', na aha mate susumo to bina-binatang mangahas.