ANU MOMPOLELE POTATAE NU TUMPU 9:10 - KITAB NU TUMPU ALLA LELE MA'IMAI'

¹⁰ Baumo na pakalaja'an nu beleyum iwi-iwi' nu kahosonan nu butong nu beleyum. Dumo saidi' mae madi'mo ko pikilan kabai pakalaja'an Madi'mo ko ilimu' kabai kapandean bapikin i dunia nu mian anu sinilakamo. Ka' mokiijo'mo na kalambanan nu beleyum.

ANU MOMPOLELE POTATAE NU TUMPU 9:10 ပူးပေါင်းရင်းမြစ်များ

KAJADIAN 37:35

Iwi-iwi' na to ana-anaknyo, to momo'ane, kabai to bou-boune toka mongindeko'. Ia notatae, “Sidutu' silaka na aku, aku saja' mohangi anakku.” Sumo aijo'mo na ia saja'mo nolibos monginau', kalana i Yusuf anaknyo sinilakamo.

1 TAWARIKH 22:19

Jadi tionyo ahi' belemiu palesaya ka' mohongo-hongo Tumpu Allah nu belemiu i uno nu kinyonyoa totu-totu'u ka' i uno nu kantumuu'an nu beleyum. Tampu'unimo na mombau laigan anu bau ponsomban Tumpu, da Peti' Palajanjian-Nyo ka' iwi-iwi' na pakakas sangga'at anu opake samata-mata de monsombahmo Tumpu, opo'una'mo i kiijo'.”

1 TAWARIKH 28:20

Lapas aijo' i Tomundo' Daud notatae mule' hi Salomo anaknyo momo'ane, “Beleyum tionyo ahi' totu-totu'u na kinyonyoa ka' baani. Tampuunimo na kalaja ka' boli bata-bata maumo pa'apaa na o ahopi. Tumpu Allah anu ku ku sombah na montulungi beleyum. Ia madi' mompojohok beleyum. Ia saja' montoa kapalaluan nu beleyum sahingga iwi-iwi' na kalaja aijo' timbalimo, ka' madi'mo ko anu obau.

NEHEMIA 2:12

Pa' piniansinaamo i kiijo' madi' pinoto'ingku maumo pa' hi he na Tumpu Allah nonsaimo aku. Da po'ule'mo mombau kota' Yerusalem. Dodododopnyo pihi-pihi aku nobulamo ka' nongende pa' aha sangkuka na mian bau sangalungku mamba i sambiha' nu kota'. Keledai na kinasake'anku misa' binatang sangga'at na sinake'an.

NEHEMIA 4:2

I ahop nu to sanga-sangalunyo ka' hi to sulu-suludadu nu Samaria, ia notatae tukoonyo, “Apaa na anu nubaumo nu aha Yahudi aijo', anu madi' koko moko ala mompoposia? Pa' ugaat aha po'ule'mo mombau kota' aijo'? Ugaat koonyo nu aha kalaja aijo' ola sansinaa mingkotmo, asan monsombahkonmo koloban hi Tumpu nu aha? Pa' ugaat koonyo nu aha tambunan nu duhehe anu nopapu aijo' po'ule' mule' opotimbali nu aha batu ka' obau pagan mesen?”

NEHEMIA 4:6

Tempo'nyo aitu kami sabole-bolemo nombau pagan mesen aijo', ka' madi' pinin ingko-ingkot na pagan mesen aijo' inintonga'mo na kotangkasnyo na binau, kalana mian da'isan nakekemo hondo na nokalaja.

AYUB 10:21

Madi'mo pin aku mambamo ka' madi'mo minsusule' mae, mambamo i lipu' anu pikat hondo, ka' talalo hondo liing.

AYUB 10:22

Lipu' anu pikat hondo, ka' saja' mongkohiabakon hahan anu mombau kahengge'an, tampat anu madi' opoko ala obedakon na jingka tiba pintung.”

AYUB 21:13

Sansina-sinaa na kantumuu'an nu aha mingahen i kabilahian, ka' de silakamo sanang hondo na kinyonyoa nu aha.

MAZMUR 6:5

Po'ule'mo mae pinsusule', o Tumpu ka' potumuu'akonmo mae na aku, posalamatakonmo mae na aku nu kalibosan nu Belento.

AMSAL 3:28

Boli mompoto'i hi bubu' belemiu montanda'i sampe dodop de memang uuka aiya belemiu moko alamo montulungi ia.

ANU MOMPOLELE POTATAE NU TUMPU 11:3

Maumo pa' sasu moya na potua'an nu kau' aijo'; tataap ia matitimpas i tano' potu-potua'annyo. De kundom ko ueenyomo ka' manjoo'mo; ujan daka' tudunmo aiya i dunia.

ANU MOMPOLELE POTATAE NU TUMPU 11:6

Daagi subu-subu saumo na bine' nu beleyum; ka' boli mingkain mau mule' malomo, kalana madi' osumbu'to iya na anu sinaunto aijo' na anu tinumuu' ma'ima'. Ugaat ahi' ohu-ohua' tinumuu' ma'i-ma'ima'.

YESAYA 38:10

“Aku notataemo, salaje' mohintonga' na umunku, aku tionyo ahi' mambamo, mompomingkotmo kantumuu'anku anu daagi' tinontuha' idunia nu mian anu sinilakamo.

YEREMIA 29:13

Belemiu moliomo Aku ka' Aku ohumpakmo nu belemiu, kalana oliomo nu belemiu nu kinyonyoa anu totu-totu'u.

NOMBILANGMO 13:30

Panyo i Kaleb nompokinde'imo da sanang na kinyonyoa nu to mia-mian anu nososonmo hi Musa. Notatae na i Kaleb, “Lipu' aijo' tionyo ahi' otumbuhintomo ka' o alantomo uuka aiya, kalana kita to hoso-hoson timbali mompokala aha.”

MATIUS 20:7

To mia-mian aijo' nontaami, ‘Madi' ko mian anu mombee'i pakalaja'an hi kami.’ ‘Desumo aijo'’, koonyo nu tumpu nu ale' aijo', ‘lako'mo na komiu mokalaja i ale' nu anggurku.’

MATIUS 6:33

Jadi, o usahakon pe'e da Tumpu mompalentah i kantumuu'anum, ka' o bau na kahanda'-Nyo. Sahingga iwi-iwi' anu sangga'at nubee'je nu Tumpu suele hi beleyum.

YOHANES 4:34

Lantas i Yesus notatae, “Anu Ku kaan aijo'mo mombatuki pongka'oho'-Nyo anu nonsai mae Aku, ka' mompotimbali kalaja anu binee'-Nyo hi beleng-Ku.

YOHANES 5:4

Kalana toto minsan malaikat nu Tumpu mintatau' i talaga aijo' ka' mongkembong ueenyo. Ka' mian masakit anu momona makakiop i talaga aijo' de ueenyo mokokembongmo tionyo ma'alin mau mule' panyakit apaa na o'oa'i.]

YOHANES 9:4

De daagi' ko sinaa, kita tionyo mombau hia-Nyo nu anu nonsai mae Aku. De malom tokamo, samian pe'e madi'mo moko ala mokalaja.

ROMA 12:11

Makeke na mokalaja. Boli moluluk. Mombau kalaja nu Tumpu o bika-bikasakon nu Roh nu Tumpu na mokalaja.

1 KORINTUS 15:10

Panyo kalana balakat nu Tumpu aku tinimbalimo susumo tinuu'ku uuka aiya. Ka' madi' pinalasuma na Tumpu nongampunimo aku. Pakalaus aku ahi' na mokalaja lebe makeke molingkudui rasul kanjoo'annyo sangga'at. Panyo sabenannyo aijo' misa' usahangku; aijo' usaha nu Tumpu anu mongkalibosi aku ka' mokalaja hingga-hinggat ka' aku.

1 KORINTUS 16:10

De i Timotius tokamo itina', otalima na ia ma'i-ma'ima' da ia mongoa'i sanang itina' hi komiu, kalana ia pokakanamo sumo aku suele mokalaja mompojalan palentah nu Tumpu.

1 KORINTUS 9:24

Kita Utus tantu monsumbu' saba' i uno nu pailomban mopadeka', iwi-iwi' na mian mopadeka', panyo ola samian na mohumpak tambonyo. Mokonyo aijo' popadeka'mo hoso-hoson sahingga kita Utus mohumpak tambonyo.

1 KORINTUS 9:26

Mokonyo aijo' aku mopadeka ko kahanda' anu natantumo. Sumo anu bakutanding mahanjagun, madi' asan kujagunmo.

EFESUS 5:16

Pake ima-ima' na kasampatan anu daagi' hi beleyum, kalana tempo' uuka tempo'mo anu ma'idek.

KOLOSE 3:23

Maumo pa' apaa na kalaja anu obee' hi komiu, tionyo ahi' okalaja miu nu kinyonyoa totu-totu'u, susumo au'aitu Tumpu na tinulutan, ka' misa' ola mian.

1 SAMUEL 10:7

De iwi-iwi' aijo' jadimo, lantas baumo mau mule' pa' apaa na anu nu oa'i nu beleyum ma'ima', kalana Tumpu Allah na monsangalui beleyum.