ANU MOMPOLELE POTATAE NU TUMPU 9:1 - KITAB NU TUMPU ALLA LELE MA'IMAI'

¹ Iwi-iwi' aijo' pinopikilakonkumo hondo-hondo. Tumpu na mongatun mian anu ma'ima' na gau'nyo tiba anu pande ka' mule' de mian aijo' mongka ideki kabai mongkalibosi. Madi' ko anu monsumbu' pa apaa na jadi aiya mae imihi.

ANU MOMPOLELE POTATAE NU TUMPU 9:1 ပူးပေါင်းရင်းမြစ်များ

AYUB 12:10

Ia na mompalentah iwi-iwi' na kantumuu'an nu anu pinotimbali-Nyomo; ia na mongkuasai santuu' nu batu-batu manusia.

AYUB 27:12

Panyo, pinosi toamo nu belemiu iwi-iwi'. Jadi, kadaka' belemiu nompokinde'imo mae pokinde' anu madi'ko alati'nyo?”

AYUB 5:8

De aku susumo ahi' beleyum, hi Tumpu Allah na tantu pomoitanku tulung. Hi la na pompoto'ianku hanku aiya ka' ku bee'mo da pa' oposiaje na ulusanku.

MAZMUR 10:14

Panyo Belento na montoa ahi' ia, saja' nu inau' nu Belento na kasusa'an tiba kasansala'an, ka' saja' ahi' kahanda' montulungi. Mian anu madi'mo mahoson me saja' mongasanakon butongnyo hi Belento. Belento na saja' ahi' motulungi mian anu kasiasi.

MAZMUR 119:109

Aku saja'mo momboto'akon nyawangku, panyo aku madi' mongkolilimi atulan nu Belento.

MAZMUR 31:5

Boli mae nu kona nu so'o na aku anu tina'anmo nu aha pohakop aku kalana hi Belentomo na tampat bau pihohunganku.

MAZMUR 73:3

kalana aku nongka'idekimo mian anu saja' takabun, salatan aku nontoamo mian anu ma'idek na kinyonyoanyo nohumpakmo dale'.

AMSAL 16:3

Asanakon hi Tumpu iwi-iwi' na tanga'an nu beleyum; sahingga kohasinnyo na beleyum mokalaja.

ANU MOMPOLELE POTATAE NU TUMPU 1:17

Pinagalangku sinumbu'ku na kapandean tiba kaponga'an pa' mosia na bedanyo ka' mule' kapandean mompopikilakon apa-apaa ka' mule' anu ponga' hondo. Panyo inyata' kuje taalu' aku aiya ola ahi' susumo mimbalu-balu' mololoi mombun.

ANU MOMPOLELE POTATAE NU TUMPU 10:14

Memang mian anu ponga' manjoo' na potatae; sinaa anu aiya mae i ahop madi' osumbu-usumbu' nu kita iwi-iwi'. Madi' ko anu moko ala mongkila-kila kajadian salatan kita i madi'anmo.

ANU MOMPOLELE POTATAE NU TUMPU 7:15

Kantumuu'anku madi'mo ko gunanyo panyo tempo'nyo aku dagi' tutuu' tinoangku sumo uuka: Toto minsan mian anu ma'idek na gau'nyo na umun panjang maumo ahi' ia saja' mombau dosa'.

ANU MOMPOLELE POTATAE NU TUMPU 7:25

Maumo ahi' aku saja balagulu' ka' molio ilimu'; da mohumpak kapandean bapikin aijo' ka' mule' mohumpak pontaaminyo mae iwi-iwi' na anu pinokilawamo. Aku nonsobamo da mangalati' taalu' dosa' aijo' kaponga'an; ka' palabuatan anu ma'idek aijo' anu tinotonggolakonmo.

ANU MOMPOLELE POTATAE NU TUMPU 8:14

Panyo iwi-iwi' aijo' madi' hondo ko patu-patunyo. Toamo ahi' apaa na anu jinadimo i dunia aiya; daagi ko mian anu bala iman i hukum susumo mian anu palaganta. Daagi ko mian palabuatannyo ma'idek panyo binee'an palasen susumo mian anu bala iman. Jadi aijo' suele madi' ko gunanyo.

ANU MOMPOLELE POTATAE NU TUMPU 8:16

Salatan binala usahamo na aku da mohumpak kapandean bapikin; ka' pinalahatikankumo iwi-iwi' na anu jinadimo i dunia aiya, saba' sinumbu'kuje na aku taalu' maumo ahi' kita basusa-susa' sinaa ka' pihi madi'mo milawe,

ANU MOMPOLELE POTATAE NU TUMPU 8:7

Madi ko samian pe'e na moko ala monsumbu' pa' nasib apaa na o ahopi; ka' madi' ko anu moko ala montaloakon apaa na anu jadi saidi' mae.

ANU MOMPOLELE POTATAE NU TUMPU 9:6

Kinyonyoa mongka'ima'i, mongka'ideki, ka' mule' napisunyo, iwi-iwi' silakamo tiba ia. Ia madi'mo daagi mongala bahagian apa-apaa; i han iwi-iwi' anu jinadimo i dunia aiya.

YESAYA 26:12

O, Tumpu, Nu balakatimo mae na kami da mohumpak kantumuu'an anu ma'ima'; iwi-iwi' na anu obau mami, Belentomo na mombauakon apaa na anu opalalui mami.

YEREMIA 43:6

To momo'ane, to bou-boune, to ana-anak, ka' to lalangkoyang anak nu tomundo' anu binee'mo i Nebukadnezar da nu jagai i Gedalya tibamo aku ka' i Barukh, iwi-iwi' binoamo i Mesir.

PO'ULE' INGULIT 33:3

Totu-totu'u, Tumpu mongkalibosi bansa-Nyo. Nu jagai na mian iwi-iwi' anu tinimbalimo anu-Nyo. Imbo' da kita tolodadupu i ahop nu tengke-Nyo ka' montuluti iwi-iwi' apaa na anu pinalentahkon-Nyomo.

2 TIMOTIUS 1:12

Mokonyo aijo' aku nongoa'imo kasansala'an iwi-iwi' aiya, panyo aku tataap palesaya totu-totu'u, kalana kusumbu' ihe na anu ku palesaya. Ku palesaya totu-totu'u saba' apaa na anu pinalesayakon-Nyomo hi belengku Ia sanggup ahi' na monjagai sampe toka i Sinaa Kakiamatanmo.

1 PETRUS 1:5

Iwi-iwi' aijo' bau bagi miu, kalana komiu pinalesayamo hi Tumpu. Jadi komiu o jagai nu kuasa nu Tumpu da komiu mohumpak kasalamatan anu oponyata'je toka i tempo'nyo saidi' mae.

1 SAMUEL 2:9

Mian anu tulu-tulutan madi' ko anu mompoposia, Tumpu na monjagai. Panyo mian anu mombau anu ma'idek opatei iwi-iwi' i uno nu pintung ka' pikat hondo. Posi kahosonan madi' otaha imani, kahosonan nu mian madi' mombee'i ka'untungan mahampate.