ANU MOMPOLELE POTATAE NU TUMPU 8:17 - KITAB NU TUMPU ALLA LELE MA'IMAI'

¹⁷ madi' opoko pangalati'into na anu kahanda' nu bau nu Tumpu. Mau mosiamo na kita bala usaha madi' opoko ala opangalati'into. Mian anu pande mangaku tukoonyo ia na monsumbu' panyo sabenannyo ia madi' ahi' monsumbu'.

ANU MOMPOLELE POTATAE NU TUMPU 8:17 ပူးပေါင်းရင်းမြစ်များ

AYUB 5:9

Iwi-iwi' na anu binaumo nu Tumpu Allah talalo hondo oka bangangi; madi' opoko ala osumbu-sumbu'to. Anu okabangangi iwi-iwi' bibinau-Nyomo madi' opoko ala osumbu'to na konjoo'nyo ka' madi' ko kamingkotannyo.

MAZMUR 104:24

Talalo hondo manjoo' na anu pinotimbalimo nu Belento, Tumpu, iwi-iwi' pinotutugakonmo nu Belento ima-ima' na nompotimbali; dunia nobuke'mo nu anu pinotimbalimo nu Belento.

MAZMUR 40:5

Mohumpak kantumuu'an ma'ima' na mian anu palesayamo hi Tumpu, anu madi' monsombah to pilo-pilogot, kabai momoita tulung hi mian anu buulon.

MAZMUR 73:16

Panyo tempo'nyo aku binala'usahamo da kusumbu' na han aijo' aijo' talalo hondo mahan hi belengku.

ANU MOMPOLELE POTATAE NU TUMPU 1:13

Pinagala sinelidikanku ka' nonggulu'i ima-ima' apaa na anu jinadimo i dunia aiya. Nasib anu pinosadiamo nu Tumpu Allah hi kita nonsaduakonmo da kinyonyoanto sinusa'mo hondo.

ANU MOMPOLELE POTATAE NU TUMPU 11:5

Tumpu na nompotimbali iwi-iwi' anu idunia aiya; ka' manusia madi' monsumbu' apaa na anu binau-Nyomo, sumo aitu mule' ia madi monsumbu' kantumuu'an anu salaje mae jadi i uno nu ma'alum nu samian na totina.

ANU MOMPOLELE POTATAE NU TUMPU 3:11

Ia nontantukanmo tempo' anu madi' sala' hi iwi-iwi' na anu jinadimo. Ia nombee'imo anu oka'ima' into da monsumbu' apaa na aiya mae i ahop, panyo kita madi' moko ala monsumbu' palabuatan nu Tumpu daagi' pe'e i monanyo toka-toka imihinyo.

ANU MOMPOLELE POTATAE NU TUMPU 7:13

Palahatikan na pakalaja'an nu Tumpu. Kalana ihe na moko ala mompohodi' apaa anu pinotageo'mo nu Tumpu?

YESAYA 40:28

Minsoop i, akan mule' na beleyum madi' monsumbu' ka' mule' madi' nohongo? Tumpu anu sampe toka sidu-sidutu' anu nompotimbalimo songko-songko na dunia aiya. Ia madi' toho' mongoa'i lawe kabai pa' lu'us; pikilan-Nyo madi' opoko ala osumbu'-sumbu'.

ROMA 11:33

Totu'u daka' na kakaya'an nu Tumpu! Totu'u daka' na kapandean-Nyo tiba ponsumbu'an-Nyo! Ihe na moko ala monsumbu' anu pinoko potantu-Nyomo? Ihe na moko ala monsumbu' bau-baunyo nu Ia mokalaja?