ANU MOMPOLELE POTATAE NU TUMPU 8:14 - KITAB NU TUMPU ALLA LELE MA'IMAI'

¹⁴ Panyo iwi-iwi' aijo' madi' hondo ko patu-patunyo. Toamo ahi' apaa na anu jinadimo i dunia aiya; daagi ko mian anu bala iman i hukum susumo mian anu palaganta. Daagi ko mian palabuatannyo ma'idek panyo binee'an palasen susumo mian anu bala iman. Jadi aijo' suele madi' ko gunanyo.

ANU MOMPOLELE POTATAE NU TUMPU 8:14 ပူးပေါင်းရင်းမြစ်များ

AYUB 1:22

Jadi, maumo i Ayub nongoa'imo iwi-iwi' na balaa' susumo aijo', ia madi' nombau dosa' ka' madi' nompisala'i Tumpu Allah.

AYUB 21:7

Kadaka' mian anu ma'idek na kinyonyoanyo nupotumuu' nu Tumpu Allah pipin, ka' halata' nu aha ola kopintu-pintuangnyo?

AYUB 27:12

Panyo, pinosi toamo nu belemiu iwi-iwi'. Jadi, kadaka' belemiu nompokinde'imo mae pokinde' anu madi'ko alati'nyo?”

MAZMUR 73:3

kalana aku nongka'idekimo mian anu saja' takabun, salatan aku nontoamo mian anu ma'idek na kinyonyoanyo nohumpakmo dale'.

ANU MOMPOLELE POTATAE NU TUMPU 10:5

Daagi mule' ko anu ma'idek na kalakuannyo sangga'attinoangku i dunia, aijo'mo anu balakuasa noteba'mo i jalan anu madi' ma'ima'.

ANU MOMPOLELE POTATAE NU TUMPU 2:14

Mian anu pande timbali montoa mau pa' moya na patujunyo; mian anu ponga' sumomo lumajang anu maha kanyangan.” Panyo kusumbu' mule' ahi' saba nasib anu pokakana mongkona suele aha iwi-iwi'.

ANU MOMPOLELE POTATAE NU TUMPU 4:4

Ku sumbu' mule' saba' manusia nakekemo hondo na nokalaja ola kalana milu montoa hasin usaha nu anu mompaha ohani na laigannyo. Iwi-iwi' aijo' madi' kogunanyo ola susumo usaha mololoi' mombun.

ANU MOMPOLELE POTATAE NU TUMPU 4:8

Daagi' ko mian anu ola tumuu' sausa' madi' ko anak, kabai pe'e utus. Mau sumo aitu ia saja' makeke na mokalaja ka' kinyonyoanyo madi' toho' ma'osa na montoa halata'nyo. Obee' hi he na hasin nu kalajanyo sahingga taha-tahahumo na mokalaja ka' madi'mo mongala kasanangan? Aijo' mule' madi' kogunanyo, ka' aijo'mo na kantumuu'an anu sansala.

ANU MOMPOLELE POTATAE NU TUMPU 7:15

Kantumuu'anku madi'mo ko gunanyo panyo tempo'nyo aku dagi' tutuu' tinoangku sumo uuka: Toto minsan mian anu ma'idek na gau'nyo na umun panjang maumo ahi' ia saja' mombau dosa'.

YEREMIA 12:1

“De ku poto'i na palakalangku hi Belento, o Tumpu, tantu saidi' mae onyata' je memang ahi' Belento na totu'u. Panyo aku ko kahanda'ahi' mompoto'i hi Belento mongkona han ka adilan: Kadaka' mian anu palabuatannyo ma'idek na mohumpak kantumuu'an ma'ima'? Ka' mule' kadaka' mian anu tageo' na kinyonyoanyo na mohumpak kabilahian?

MALEAKHI 3:15

Pinosi toantomo na to mia-mian anu bulon sanang na kantumuu'an nu aha. Mian anu ma'idek na kalakuannyo misa' ola mompaka kayamo, panyo de aha monguji' kasabalan nu Tumpu nu palabuatan anu ma'idek, aha madi' ahi' nu poposia nu Tumpu.’ ”