ANU MOMPOLELE POTATAE NU TUMPU 7:9 - KITAB NU TUMPU ALLA LELE MA'IMAI'

⁹ Boli malia' sampa mapanas na kinyonyoa; ola mian anu ponga' na saja monginau' ingunyo ikinyonyoanyo.

ANU MOMPOLELE POTATAE NU TUMPU 7:9 ပူးပေါင်းရင်းမြစ်များ

KAJADIAN 4:8

Lantas i Kain notataemo hi Habel, utus ise'nyo, “Imbo' da kita mamba i ale'.” Salatan aha tinokamo ikiijo' i Kain nompateimo i Habel utusnyo ise'.

2 SAMUEL 13:22

I Amnon kina'idekanmo hondo i Absalom ka' madi'mo nu samposisik na ia, kalana ia nompakisamo noduhus tiba i Tamar utus ise'nyo aijo'.

2 SAMUEL 13:28

To posa-posaihonnyo pinalentahnyomo, “Otoa ima-ima' de i Amnon malangumo kalana nonginumo anggur, ku bee'ije tanda lantas pateimo na ia. Boli mabuhuk, Aku na montanggung han aijo'. Babaani ka' boli bata-bata!”

2 SAMUEL 13:32

Panyo i Yonadab anak i Simea utus tu'a i Daud nompoto'imo, “Kita Tomundo' boli mangada' na kinyonyoa ka' boli pe'e monsangka au'aitu anak nu belento Tomundo' anu to momo'ane sinilakamo iwi-iwi'. Ola i Amnon na sinilakamo, kalana nanasamo saba' ia-iamo aijo' na nu kahanda'i i Absalom salatanmo pe'e i Tamar utusnyo ise' pagalamo pinakisa i Amnon noduhus tiba ia.

2 SAMUEL 19:43

Tinaaman nu aha mian Israel, “Hak mami hi tomundo' lebe daka' pinsampulu' lipat molingkudui hak nu belemiu maumo ahi' i tomundo' daagi julu miu mae. Kadaka' belemiu montemo mae kami? Boli okolilimi, saba' kamimo ahi' na momona hondo nonsale'i da mambamo po ule' o'ala mae na i tomundo'!” Panyo aha mian nu Yehuda na lebe baani na monggagakon sahingga ihungku'an nuaha na mian nu Israel, ka' madi' nongka'oho' tinundu'.

AMSAL 14:17

Mia nanu saja' motambuha' ponga' na mompopikilakon apa-apaa; panyo mian anu pande sipatnyo sabaan.

AMSAL 14:29

Mian anu pande madi' sampa pusa; panyo mian anu ponga' madi' moko ala sabaan.

AMSAL 16:32

Madi' sampa pusa lebe ma'ima', nu lingkudui na anu ko kakuasa'an mongkuasai lebe ma'ima' nu lingkudui na anu mompatundu' kota'.

AMSAL 25:8

Boli kosia-sia' na momboa palakala i mian kopian; kalana, de imihinyo mae beleyum memang sala' apaa mule' na daagi nu bau?

ANU MOMPOLELE POTATAE NU TUMPU 7:10

Boli mompokilawa, ‘Kadaka’ tempo'nyo naipuan mae na lebe ma'ima' de opokakanakon tempo uuka aiya? Ola mian anu ponga' na mompokilawa susumo aijo'.

YUNUS 4:3

Uuka aiya, o Tumpu pojohokmo da aku silakamo, kalana lebe ma'ima' aku silakamo ka' bolimo tumuu'.”

YUNUS 4:8

Salatan batu nu sinaa binete'mo, Tumpu nompalentahmo mae baleba' anu mapanas anu lengkat mae i kabete'an. I Yunus kiniboli' kinotusmo na kinyonyoanyo nu batu nu sinaa anu sumomo mompapui mae ubaknyo. Madi'mo kino halapan apa-apaa na ia ka' mongka'ima'imo da sahanyo silakamo. Ia notatae, “Lebe ma'ima' aku silakamo ka' de mule' aku daagi tumuu'!”

YUNUS 4:9

Panyo Tumpu notatae hi ia, “Beleyum madi' palalu susa' sumo aijo' kalana nu saduakon nu sosu'anon aijo'!” Tinaaman i Yunus, “Kadaka' madi'mo? Pantasnyomo na aku motambuha' taha-tahahumo sampe mate.”

MARKUS 6:19

Aijo'mo na sababnyo i Herodias monguna', i kinyonyoa ka'idekan hi Yohanes ka' kahanda' mompatei i Yohanes, panyo ia madi' moko bau han aijo', kalana nu polewo-lewot i Herodes.

MARKUS 6:24

Sahingga langkoyang aijo' nosabat ka' nompokilawa hi tinanyo, “Kita tina, apaa na anu ma'ima', anu tionyo ku poita?” Tinanyo nontaami, “Poitamo na ubak i Yohanes anu Mompalamandikan.”

YAKOBUS 1:19

O intomakon na aiya ima-ima', to Utu-utus anu okanonongi! Batu-batu mian tionyo ahi' malia' na mohongo, panyo momalas na motatae ka' boli sampa' motambuha'.