ANU MOMPOLELE POTATAE NU TUMPU 7:8 - KITAB NU TUMPU ALLA LELE MA'IMAI'

⁸ Lebe ma'ima' ulusan nu palakala mingkotmo ka' de mule' montampu'unije ulusannyo. Lebe ma'ima sabaan ka' de mule' talalo takabun.

ANU MOMPOLELE POTATAE NU TUMPU 7:8 ပူးပေါင်းရင်းမြစ်များ

AMSAL 13:10

Takabun ola monsaduakon painggagan panyo mian anu pande mongka'oho' montalima pangajalan.

AMSAL 14:29

Mian anu pande madi' sampa pusa; panyo mian anu ponga' madi' moko ala sabaan.

AMSAL 15:18

Mian anu malia' pusa monsaduakon painggagan; panyo mian anu sabaan momboa paladamean.

AMSAL 16:32

Madi' sampa pusa lebe ma'ima', nu lingkudui na anu ko kakuasa'an mongkuasai lebe ma'ima' nu lingkudui na anu mompatundu' kota'.

AMSAL 28:25

Lebe mompentingkan posi butong, monsaduakon painggagan, beleyum lebe untung de palesaya hi Tumpu.

ANU MOMPOLELE POTATAE NU TUMPU 7:1

Mian anu kalakuanyo ma'ima' molingkudui nohong nu minya-minya' anu mahan na olinyo; ka' sinaa anu kasilakan lebe ma'ima' molingkudui sinaa anu ki nahampean.

LUKAS 16:25

Panyo i Abraham nontaami, ‘Tutugi anakku: Salatanmo pe'e tinuu'um, beleyum nohumpakmo anu toto ima-ima'; sadang i Lazarus nohumpak anu toto ide-idek. Uuka ia sanangmo i aiya, ka' beleyumo na sansala.

LUKAS 21:19

De komiu moko tahan ka' sabaan, komiu saidi' mae salamat.”

GALATIA 5:22

Sumo aitu mule' de to mia-mian nupotiju'mo nu Roh nu Tumpu Allah, kasawe'annyo aijo'mo: Aha mompaha kali-kalibosimo, aha lame'mo, aha madi'mo lewa' mombau apa-apaa; aha sabaanmo ka' monginau' sangalu, aha mongkanonongi mian sangga'at, aha tulu-tulutan,

EFESUS 4:2

Tionyo ahi' komiu saja' mati aluk na kinyonyoa, motatae madi' ko pesa-pesa ka' sabaan. Potoa na kalibosanum montulungi samian ka' samian.

IBRANI 10:36

Komiu palalu sabaan, da komiu moko ala mombau anu nukahanda'i nu Tumpu, sahingga mohumpak anu jinanji'-Nyomo.

YAKOBUS 5:11

Aha osanggohi mohumpakmo ka'ima'an kalana aha madi' nompele-pele'. Komiu nohongomo i Ayub sinaban, ka' komiu nonsumbu'mo mosia na Tumpu imihinyo nombalakati ia. Kalana Tumpu talalo hondo mongkalibosi ka' manonong.

YAKOBUS 5:8

Komiu suele ahi' sabaan ka' oposanang na kinyonyoa, kalana sinaa katokaan nu Tumpu ohanimo.

1 PETRUS 1:13

Kalana aitu, tionyo ahi' komiu saja' mosadia. Bajaga-jaga ka' otaha'imani ahi' totu-totu'u na balakat anu obee'je mae hi beleyum de i Yesus Kristus po'ule'mo toka saidi' mae.