ANU MOMPOLELE POTATAE NU TUMPU 7:26 - KITAB NU TUMPU ALLA LELE MA'IMAI'

²⁶ Ihumpakkumo taalu' boune lebe mapakat molingkudui kapatean. Pongka'ima'i nu boune sumo buani kabai so'o anu sinadiamo mohakop kaanonnyo. Pontanggogolinyo sumo pompungu anu madodo hondo. Mian anu mombau pongka'oho' nu Tumpu madi' nu kona nu so'o aijo' panyo mian anu baladosa' memang nu hakopmo.

ANU MOMPOLELE POTATAE NU TUMPU 7:26 ပူးပေါင်းရင်းမြစ်များ

KAJADIAN 19:35

Sumo aitu mule' pihi-pihi aijo' aha nolangui mule' i Lot, ka' anaknyo anu ko ohua'nyo na noduhusmo tiba ia. Ka' i Lot talalomo nalangu mule' sahingga madi' sinumbu'nyo pa' apaa na anu tinimbali.

KAJADIAN 39:9

I aiya kuasangku pokakanamo tiba kodaka'nyo nu kuasanyo. Madi' ko sa'angu' pe'e na madi' pinotoongnyo hi belengku, panyo belento bengkele' nu tomundo na madi' ahi'. Te toho' mule' aku mombau palabuatan anu ma'idek aijo', ka' moko baladosa' hi Tumpu Allah?”

NOSABATMO 10:7

Singkapmo notatae na aha anu ko pangkatnyo hi tomundo, “Sampe toka hipian na kopinnyo na mian aijo' saja' mae momposusa' kita? Pobee'mo iwi-iwi' na mian nu Israel haha aijo' mamba monsombah Tumpu, Tumpu Allah nu aha. Toa lipu' to aiya na'idekmo!”

AMSAL 2:16

Beleyum, o anakku, timbalimo monggagakon de pagalamo nu sale'i nu to bou-boune anu saja'mo masala', anu mongusahakonmo da monggoda beleyum nu potatae anu toto ima-ima'.

AMSAL 22:14

Ponsale'i nu mian anu lewa' masala' sumomo bau mohakop; mian anu nu tambuha'i nu Tumpu nanabu'mo i unonyo.

AMSAL 6:23

Sinin na pangajalan nu tu'anyo nu beleyum sumomo sulu' anu majingka; pokinde nu aha mompotingaan hi beleyum jalan nu kantumuu'an anu ma'ima'.

AMSAL 6:24

Tiba jalan anu sumo aijo' beleyum majo'onmo hi to bou-boune anu lewa' masala', ka' sisin na potatae nu bengkele' nu mian sangga'at anu kahanda' monggoda.

AMSAL 9:18

Aha anu tinimbalimo kaanonnyo madi' monsumbu' saba' mian anu nambamo mae hi ia nongkabotmo ajannyo silakamo ikiijo' ka' mule' aha anu ninsoopmo ilaigannyo, uuka aiya jojoongmo i uno nu dunia nu mian anu sinilakamo.

ANU MOMPOLELE POTATAE NU TUMPU 2:26

Tumpu na mombee'i kapandean bapikin, tiba pangatahuan, ka' mule' kabilahian hi mian anu momposanang kinyonyoa-Nyo. Panyo mian anu baladosa' pinalentah-Nyo mokalaja molio lezeki ka' mule' montambun hasinnyo da obee' hi mian anu momposanang kinyonyoa nu Tumpu. Jadi iwi-iwi' aijo' madi' ko gunanyo ola ahi' susumo mompagala mololoi' mombun.

ANU MOMPOLELE POTATAE NU TUMPU 7:27

Toa na koonyo nu anu saja' Bapikin; iwi-iwi' aijo' kinabotkumo, salatan han aijo' saja'mo iliongku na pontaaminyo.