ANU MOMPOLELE POTATAE NU TUMPU 7:25 - KITAB NU TUMPU ALLA LELE MA'IMAI'

²⁵ Maumo ahi' aku saja balagulu' ka' molio ilimu'; da mohumpak kapandean bapikin aijo' ka' mule' mohumpak pontaaminyo mae iwi-iwi' na anu pinokilawamo. Aku nonsobamo da mangalati' taalu' dosa' aijo' kaponga'an; ka' palabuatan anu ma'idek aijo' anu tinotonggolakonmo.

ANU MOMPOLELE POTATAE NU TUMPU 7:25 ပူးပေါင်းရင်းမြစ်များ

KAJADIAN 34:7

Tempo'nyo aitu to ana-anak i Yakub ninsusule'mo mae lengkat i tampat padang bola. Nohongo han anu jinadimo aijo', aha tinolokengkengmo ka' na'idekanmo hondo na kinyonyoa nu aha. Kalana nompasala'mo anak i Yakub aijo', alati'nyo i Sikhem nongambangimo iwi-iwi' na mian nu Israel.

2 SAMUEL 13:12

“Ha, boli Amnon na koonyo nu boune aijo'!” “Boli nu pakisa na aku mombau anu moko ambang aijo'! Han anu sumo aijo' madi' toho' obau nu mian Israel.

AMSAL 17:12

Lebe ma'ima' singkabot tiba tina nu beruang anu nolapusmo na anaknyo; ka' de mule' tiba mian anu ponga' anu saja' tasiaga ikaponga'annyo.

AMSAL 26:11

Susumo dedeng po' ule' mompinsusule'i anu i lua'nyomo sumo aitu mule' na mian anu ponga' po'ule' mule' mongulit kaponga'annyo.

ANU MOMPOLELE POTATAE NU TUMPU 10:13

Ia montampu'uni motatae nu potatae anu madi' ko alati'nyo, panyo imihinyo mae potataenyo sumomo mian anu ulawon.

ANU MOMPOLELE POTATAE NU TUMPU 2:12

Mau pa' mosiamo samian na tomundo' ola ahi' mombau apaa na anu binaumo nu to tomu-tomundo' ma'isa pe'e kini ianyo. Lantas aku binapikinmo; Apaa na alati'nyo timbali pande kabai madi' sampa mangalati' kabai ponga'?

ANU MOMPOLELE POTATAE NU TUMPU 2:15

Sahingga binapikinmo na aku, ‘Nasib anu mongkona aha mian anu ponga' timbali ku oa'i suele. Jadi apaa na gunanyo na kapandeanku bapikin?’ Lantas tinolukumo kodo-kodo' taalu' ilimu' aijo' totu-totu'u madi' ahi' ko gunanyo.

ANU MOMPOLELE POTATAE NU TUMPU 2:20

Uuka aiya aku nompele-pelemo na nokalaja talalomo nakeke.

ANU MOMPOLELE POTATAE NU TUMPU 7:27

Toa na koonyo nu anu saja' Bapikin; iwi-iwi' aijo' kinabotkumo, salatan han aijo' saja'mo iliongku na pontaaminyo.

YOSUA 7:13

Uuka aiya pobulamo Yosua! Posusi' na aha mian nu Israel ka' pokau mae na aha sabole-bole mamba mae hi beleng-Ku. Palentah na aha da sabole-bole toka mae dodop kalana Aku Tumpu Allah nu aha Israel mompoto'imo sumo uuka hi aha: 'O, to mia-mian nu Israel, to bala-balang anu pinalentahkon-Kumo hi belemiu da ohopu'i sambagian daagi' itina' hi belemiu. De ma'isa pe'e o alin nu belemiu na balang haha aijo', belemiu madi' moko ala mongahopi mompahampateakon sampobali'!'