ANU MOMPOLELE POTATAE NU TUMPU 7:2 - KITAB NU TUMPU ALLA LELE MA'IMAI'

² Lebe ma'ima' mamba i laigan nu mian anu ko kasilakan; ka' de mule' ola mamba i tampat anu nombau bau-bauon. Kalana kita saja' ahi' monginau'; saba toto samian nu tanda'imo ahi' saba' toto samian nu tanda'imo ahi' nu kasilakan.

ANU MOMPOLELE POTATAE NU TUMPU 7:2 ပူးပေါင်းရင်းမြစ်များ

MAZMUR 90:12

Bee'i mae pangalati'an na kami da osumbu' mami na kantumuu'an anu ola kodo-kodo' aiya da kami timbali mian anu ma'ima' na kinyonyoanyo.

ANU MOMPOLELE POTATAE NU TUMPU 2:14

Mian anu pande timbali montoa mau pa' moya na patujunyo; mian anu ponga' sumomo lumajang anu maha kanyangan.” Panyo kusumbu' mule' ahi' saba nasib anu pokakana mongkona suele aha iwi-iwi'.

ANU MOMPOLELE POTATAE NU TUMPU 2:16

Mian anu ponga' malia' okolilimi panyo mian anu ko kapandean bapikin suele madi'mo o ‘inau'’. Mamanga ahi' kita iwi-iwi' okolilimimo i uno nu pikilannyo. Kita iwi-iwi' tionyo ahi' mate mau mian anu pande mau mian anu ponga'.

ANU MOMPOLELE POTATAE NU TUMPU 3:19

Mau mosiamo na nasib nu manusia ka' binatang pokakanamo. Sa'angu' timbali ahi' mate sumo aitu mule' sangga'at. Ohu-ohua' pokakanamo anu binau nu Tumpu. Jadi manusia madi' lebe untung molingkudui binatang kalana ohu-ohua' aitu kantumuu'annyo madi' ko gunanyo.

ANU MOMPOLELE POTATAE NU TUMPU 3:20

Aha montujui tampat anu pokakana. Aha asannyo lengkat i abu' ka' po'ule' mule' minsusule' i abu'.

ANU MOMPOLELE POTATAE NU TUMPU 6:6

Aijo' na lebe ma'ima' molingkudui mian anu tumuu' ua atu na taun panyo madi' toho' ko kabilahian. Te misa' ua-ua aha aijo' mamba itampat anu pokakana?

ANU MOMPOLELE POTATAE NU TUMPU 9:2

Memang nasib anu pokakana bubuu' mongkona mian. Mian anu madi' tageo' na kinyonyoanyo maumo mian anu palaganta, mian anu ma'ima' na gau'nyo kabai anu ma'idek na gau'nyo, mian anu belesi' kabai mian anu mahenyu, mian anu monsombahkon koloban kabai anu madi'. Mian anu ma'ima' na gau'nyo madi' lebemo mohumpak dale' molingkuduimo mian anu baladosa', mian anu binasumpa'mo pokakanamo ahi' tiba mian anu madi' mongka oho' basumpa'.

ANU MOMPOLELE POTATAE NU TUMPU 9:3

Jadi nasib anu pokakana suele mongkona ahi' aha iwi-iwi'. Ka' aijo' sa'angu' na han anu momposusa' kinyonyoa susumo suele iwi-iwi' na anu jinadimo i dunia. Tempo'nyo ia daagi tutuu' kinyonyoanyo nu pobuke'i nu pikilan anu ma'idek ka' mule' nu pobuke'i nu kaponga'an. Lantas monti-montik nu kabotmo na ukunnyo.

ANU MOMPOLELE POTATAE NU TUMPU 9:5

Madi' ko madi'nyo nu sumbu' nu mian anu daagi tutuu' na ukunnyo montanda'imo ia; sadangkan mian anu sinilakamo na madi'mo ahi' ko anu nu sumbu-sumbu'. Hi ia madi' ko tamboonyo kabai ko palasennyo; ka' sanggonyo mule' okolilimimo.

YESAYA 47:7

Nu sangka nu beleyum, beleyum timbalimo tomundo' boune sampe toka sidu-sidutu', ka' madi' mompangalati'i kabai mompopikilakon ka ahenannyo mae.

YEREMIA 16:8

Boli minsoop ilaigan nu mian anu mombau bau-bauon. Boli mongkaan ka' monginum tiba aha.

HAGAI 1:5

Soba palahatikan na ka'ada'an nu belemiu!

MALEAKHI 2:2

O adati mae na Aku nu palabuatan nu belemiu. De belemiu madi' mongka'oho' mompotombihing potataeng-Ku, belemiu Ku kutukimo. Iwi-iwi' na anu ihumpakmo nu belemiu salaku lejeki obali'mo timbali kutuk. Memang ahi' iwi-iwi' na anu toto ima-ima' aijo' kinutukan-Kumo kalana belemiu madi' montapali palentang-Ku.

NOMBILANGMO 23:10

Lee' mae i Yakub sumomo abu' madi'mo opoko bilang; bansa Israel konjoo'nyo tahahumo. O'amalakon da aku silaka susumo mian anu hodi' na kinyonyoanyo bisa-bisa' ukunku sumo ukun nu mian haha aijo'.”

MATIUS 5:4

Bila-bilahi na mian anu mongoa'i susa' na kinyonyoanyo; Tumpu mongindeko'je aha!

PO'ULE' INGULIT 32:29

De aha pande, aha mangalati'mo, ka' mompopikilakonmo apaa na anu saidi' mae jadi i mihinyo hi aha.

PO'ULE' INGULIT 32:46

i Musa notataemo, “Palahatikan na palentah iwi-iwi' anu binee'kumo hi belemiu sinaa aiya. Opotingan hi to ana-anak nu belemiu, da aha sabole-bole mombau iwi-iwi' na atulan nu Tumpu.

FILIPI 3:19

Kantumuu'an nu to mia-mian anu sumo aijo' mingahenje nu kapatean, kalana pilogot nu aha aijo'mo apaa na anu nu nuka'ima'i nu butong nu aha. Hahan anu mongambangi, aijo'mo ahi' na anu nunu kabubuulakon nu aha; kalana aha mompopikilakon ola saja' anu mompahakona tiba dunia aiya.

IBRANI 9:27

Tumpu nontantukanmo mian silaka ola minsan ka' lapas aijo' oputusimo nu Tumpu.