ANU MOMPOLELE POTATAE NU TUMPU 7:18 - KITAB NU TUMPU ALLA LELE MA'IMAI'

¹⁸ Opimpalii na ohu-ohua' aijo'. De kita mabuhuk hi Tumpu, totu-totu'u apaa na anu obaunto jadi ma'ima'.

ANU MOMPOLELE POTATAE NU TUMPU 7:18 ပူးပေါင်းရင်းမြစ်များ

AMSAL 12:21

Mian anu manonong madi' toho' nu kona nu balaa'; panyo mian anu ma'idek na kinyonyoanyo saja' nu tokai nu kasusa'an.

AMSAL 8:20

Aku mombatuki jalan anu adin, aku malalangkas i jalan anu madi' tageo' na kinyonyoa.

ANU MOMPOLELE POTATAE NU TUMPU 11:6

Daagi subu-subu saumo na bine' nu beleyum; ka' boli mingkain mau mule' malomo, kalana madi' osumbu'to iya na anu sinaunto aijo' na anu tinumuu' ma'ima'. Ugaat ahi' ohu-ohua' tinumuu' ma'i-ma'ima'.

ANU MOMPOLELE POTATAE NU TUMPU 12:13

Salatan iwi-iwi' pinotutugakonkumo; aiyamo na kasingkatannyo nu anu ihumpaku. Kabuhuk na Tumpu ka' otuluti na palentah-Nyo iwi-iwi'. Kalana makisud aijo' sahingga manusia pinotimbali-Nyomo.

ANU MOMPOLELE POTATAE NU TUMPU 3:14

Ku sumbu' iwi-iwi na usaha nu Tumpu tataap daagi' sampe toka sidu-sidutu'. Madi' bisa' montuangi kabai mongkulangi na mian. Ka' Tumpu mombau sumo aitu da kita mabuhuk hi ia.

ANU MOMPOLELE POTATAE NU TUMPU 5:7

De montoa polaya' mongkabisa'i mian anu kasiasi boli bangang, mongagoi hak nu aha ka' madi' mombee'i aha ka adilan. Toto samian na pegawenyo nu lindungi nu atasannyo ka' ua-ua aha aijo' na aha nu lindungi nu anu lebe matangkas na pangkatnyo.

ANU MOMPOLELE POTATAE NU TUMPU 8:12

Mau sa'atumo na palabuatan ma'idek binau nu mian baladosa', ia tataap tumuu' ka' mantan na umunnyo. De ihe na tulu-tulutan hi Tumpu Allah tantu kantumuu'annyo madi' susa'.

ANU MOMPOLELE POTATAE NU TUMPU 8:13

Panyo mule' ahi' mian anu ma'idek na palabuatannyo mohumpak kasusa'an. Kantumuu'annyo malia-lia' hondo madi' otoa susumo lolung. Ia de silakamo umunnyo ma'isa langkai' kabai bengkele'; kalana ia madi' tulu-tulutan hi Tumpunyo.

YEREMIA 32:40

Aku mombaumo palajanjian anu sampe toka sidu-sidutu' hi aha. Aku madi' toho' belenti na mombau palabuatan ma'ima' hi aha. Ku pojadimo na aha da mabuhuk ka' moholomati mae Aku nu kinyonyoa anu totu-totu'u ahi' da aha madi'mo matikojo'on hi Belengku.

MALEAKHI 4:2

Panyo kona hi belemiu anu tulu-tulutan hi beleng-Ku, kuasang-Ku na momposalamat anu bete'mo mae susumo batu nu sinaa ka' jingkanyo momboa mae kahosonan nu mian anu masakit. Belemiu bebasmo ka' mule' lame'mo susumo anak nu sapi' anu salaje' mosabat mae i pangkunnyo.

LUKAS 1:50

Mompolee' toka mompolee' Tumpu mongkalibosi mian anu mabuhuk hi bele-Nyo.

LUKAS 11:42

Silakamo na komiu to mia-mian nu Farisi! Hasin sosu'anonum sumo solasi, ka' inggu, ka' lampa-lampa sangga'at, sampulu' na bahagian obee' miu sambahagian hi Tumpu, panyo ka'adilan ka' liibos hi Tumpu madi' okalinga komiu. Padahan aijo'mo na anu tionyo obau miu, ka' boli momadi'akon anu sasangga'atannyo.