ANU MOMPOLELE POTATAE NU TUMPU 7:16 - KITAB NU TUMPU ALLA LELE MA'IMAI'

¹⁶ Boli talalo manonong ka' mule' boli talalo pande. Apaa na gunanyo minoo'?

ANU MOMPOLELE POTATAE NU TUMPU 7:16 ပူးပေါင်းရင်းမြစ်များ

KAJADIAN 3:6

Tinoa nu boune aijo' na pu'un nu kau' aijo' taalu' ma'ima' ka' bua'nyo tinoanyo ma'ima' na okaan. Ka' ia binapikinmo mosia na ko ima'nyo de ia timbalimo pande. Kalana aijo tinipunyomo na bua' nu kau' aijo' ka' kinaannyo, ka' suele binee'annyomo na langkai'nyo ka' suele nongkaanmo.

AYUB 11:12

De keledai tinanyo ma'ela monganakmo anaknyo manyaam, yo sumo aitumo na mian ponga' timbalimo pande ka' mangalati'.

AYUB 28:28

Tumpu Allah nompoto'imo hi manusia, “Da ohumpak na kapandean bapikin, Tumpu Allah tionyo ahi' o'adati nu belemiu. Da timbali opangalati'i, kalakuan anu ma'idek tionyo ahi' opimpaliakon jo'o-jo'on.”

AMSAL 23:4

Boli talalo basusa-susa' kahanda da timbali kaya. Bolimo ototu'ui na niat nu beleyum aijo'.

AMSAL 25:16

Boli monginum juu' manjo-njoo'; dumo beleyum monguwahi.

ANU MOMPOLELE POTATAE NU TUMPU 12:12

O anaku, sa'angu' na han tionyo ahi' nu bala'ingati. Montulisi kitab madi' ko ka ahenannyo; ka' de saja'mo balajan, malawemo na nyawa tiba butong aiya.

MATIUS 23:29

“Silakamo na komiu to gulu-gulu' agama ka' to mia-mian nu Farisi! Komiu ola ahi' mombau pula-pula! Komiu mombau tampat pongkubulan anu to ma'i-ma'ima' bau anu nu to nabi-nabi, ka' mombunga-bungai kubulan nu to mia-mian anu ma'ima' na kantumuu'annyo.

MATIUS 23:38

Kalana aijo', Tumpu madi' daagi' monjagai komiu.

MATIUS 23:5

Iwi-iwi' anu nu bau nu aha ola da nu toa nu mian. Aha sangaja' mompake kahohon anu opake balado'a opobolaa ka' opo uli-ulit ka' mompomantan na jambu-jambu nu juba' nu aha!

MATIUS 9:14

Ilapas aijo' anu saja' mombatuki Yohanes anu Mompalamandikan tinoka hi Yesus. Lantas aha nompokilawa, “Kadaka' kami tiba to mia-mian nu Farisi bapuasa', yo aitu anu saja' mombatuki Kita Tuuma i madi'?”

LUKAS 18:12

Aku bapuasa' pinduan saduminggu, ka' monsombahkon hi kita iwi-iwi' apaa na anu i humpakku, sampulu' na bagian, sambagian na anungku.’

ROMA 10:2

Aku baani na montaloakon aha makeke hondo na palesaya hi Tumpu. Panyo keke nu aha aijo' madi' mimpu'u i kapandean anu lengkat mae hi Tumpu.

ROMA 11:25

To Utu-utus! Kupoita da komiu boli mongoa'i au' aitu nonsumbu'mo iwi-iwi'. Kalana daagi' ko sangahan anu nukahanda'i nu Tumpu Allah, panyo anu ma'isa nusumbu' nu mian. Ka' ku kahanda'i da osumbu' miu; aijo'mo: Sambagian mian nu Yahudi panggaga, panyo kalakuan nu aha aijo' ola toka sampe pa'sangkuka na konjoo'nyo nu to mia-mian misa' Yahudi anu toka hi Tumpu aijo' sukupmo.

ROMA 12:3

Tumpu nombee'imo balakat hi belengku. Mokonyo aijo' aku mompokinde'i to Utu-utus iwi-iwi': Boli mongoa'i butong lebe matangkas molingkuduimo anu sahondo-hondonyo. Ola ahi' butong miu na otutugi ka' boli kobubuun; toto samian montoa butongnyo iya na anu opoko ala obau anu binee'mo nu Tumpu hi ia, kalana ia pinalesayamo hi Yesus.

1 KORINTUS 3:18

Boli kosamian pe'e mosi akali butongnyo. De daagi' ko mian itina' hi komiu mongoa'i butongnyo pande sumo kokoonyo nu dunia aiya, mian aijo' tionyo timbali pe'e ponga', da ia totu-totu'u timbali pande.

1 KORINTUS 3:20

Daagi' mule' ko anu tinulis sumo uuka, “Nusumbu' nu Tumpu na pikilan nu to mia-mian pande, te pikilan anu madi' kokaliangannyo.”

FILIPI 3:6

Aku binaani hondo, sahingga aku nonsakisa jama'at. De o'ala i atulan nu agama Yahudi, aku mian anu ma'ima', anu madi' ko kasala'annyo.

KOLOSE 2:18

Boli komiu mompojohok butong opolugi' nu mian anu mimpula-pula mati aluk, ka' anu monsombah to mala-malaikat. Mian aijo' mongkabubuulakon pikilannyo anu mombatuki dunia, ka' mompopodaka' anu saja' nutoa,

KOLOSE 2:23

Memang otoa han aijo' minsoop i akan, tiba mule' nupoto'i da mian monsombah malaikat, madi' timbali kobubuun, ka' monsakisa butong; panyo iwi-iwi' aijo' madi' ko kaliangannyo na bau pongkuasai napisu nu kinyonyoa nu mian.

1 TIMOTIUS 4:3

Aha mongajan mian da boli mo'osoa ka' boli mongkaan kaanon anu tinantukanmo. Padahan kaanon aijo' pinotimbalimo nu Tumpu Allah da okaan ka' montalima kase hi Ia nu to mia-mian anu pinalesayamo hi Kristus, ka' nonsumbu'mo pangajalan anu totu'u lengkat mae hi Tumpu.

ANU PINOTO'I HI YOHANES 18:19

Sahingga aha nongkakambuhakonmo abu' i ubak nu aha salaku tanda lewa'mo mongoa'i kasusa'an, lantas i humaang ka' lewa'mo noloboo', “Ibeh, palias na kota anu daka' hondo aiya i na'idekmo! Kakaya'annyo nonsaduakonmo iwi-iwi' na mian anu daagi' ko kapan i ambai kinayamo! Panyo ola i uno nu sajam, iwi-iwi' na anu daagi' hi ia madi'mo daagi'!”