ANU MOMPOLELE POTATAE NU TUMPU 7:15 - KITAB NU TUMPU ALLA LELE MA'IMAI'

¹⁵ Kantumuu'anku madi'mo ko gunanyo panyo tempo'nyo aku dagi' tutuu' tinoangku sumo uuka: Toto minsan mian anu ma'idek na gau'nyo na umun panjang maumo ahi' ia saja' mombau dosa'.

ANU MOMPOLELE POTATAE NU TUMPU 7:15 ပူးပေါင်းရင်းမြစ်များ

KAJADIAN 47:9

Tinaaman i Yakub, “Aku tinumuu'mo sa'atu ka tolumpulu'mo na taun salaku mian anu madi' tataap i sa'angu' na tampat. Kantumuu'anku saja' sinusa' ka' madi' tuu'an, de opokakanakon tiba umun nu mompolee'ku salaku mian anu madi' tataap i sa'angu' na tampat.”

1 TOMU-TOMUNDO' 21:13

Mian anu uwesan ua'aha aijo' sinumuhangmo mompaha ahop i Nabot, ka' i ahop nu mian da'isan aha nontuukmo ia au' aitu ia nontotobi'akonmo Tumpu Allah tiba tomundo'. Kalana aijo' ia sinabatakonmo i kota' ka' pinahambunu'akonmo nu batu sampe ia nate.

MAZMUR 10:3

Mian anu ma'idek na kinyonyoanyo sinombongmo nu tanga'annyo anu ma'i-ma'idek, miana nu mangoa nontotobi'akonmo ka' madi'mo nontalima Tumpu.

MAZMUR 39:6

Talalo ahi' sasaingoni' na tinantukan nu Belento na umunku! De hi Belento kopinnyo nu kantumuu'anku madi' ko alati'nyo. Memang, manusia ola susumo opuhakon nu sawo nu manusia,

ANU MOMPOLELE POTATAE NU TUMPU 2:23

Maumo apaa na anu binaunyomo tempo'nyo daagi ia tutuu' ola saja' ia sinansala ka' noko pa idekan kinyonyoanyo. Maumo pihi kinyonyoanyo suele ma' idekan ahi'. Jadi iwi-iwi' aijo' madi' ko gunanyo.

ANU MOMPOLELE POTATAE NU TUMPU 3:16

Daagi' mule' ko anu tinoangku i dunia aiya: sabenannyo ahi' daagi' ko ka'adilan ka' ka'ima'an.

ANU MOMPOLELE POTATAE NU TUMPU 6:12

Mosia na mian timbali monsumbu' apaa na anu lebe ma'ima' hi ia i uno nu kantumuu'annyo anu madi' umun ka' madi' ko gunanyo, ka' motulu ola susumo lolung? Mosia na mian timbali mangalati' apaa na anu jadi saidi mae i dunia aiya de ia silakamo?

ANU MOMPOLELE POTATAE NU TUMPU 9:9

Oa'i ahi' ima-ima' na kasanangan tumuu' tiba bengkele' anu nu kalibosi; i uno nu kantumuu'an nu beleyum anu ola pinalasuma bibine' nu Tumpu hi beleyum i dunia aiya. Oa'i sansina-sinaa maumo ahi' madi' ko gunanyo. Kalana tamboonyo nu lawe nu beleyum olamo atina'.

YESAYA 65:20

To ana-anaknyo madi'mo daagi' ko anu silaka daai' ise', ka'mian anu tu'anyomo mantanmo na umunnyo nu aha. Mian anu umunyo sa'atumo na taun daagi' o'anggap olitau, ka' mian anu sinilakamo ma'isa pe'e jinadi na aijo' o'anggapmo ahi' kinonamo nu hukuman-Ku.

YOHANES 16:2

Komiu osabatakon i laigan anu saja-saja' pogalejaan. Ka' tokaje na tempo'nyo saba' mian anu mompatei komiu tukoonyo ia mombau anu nu palentahkon nu Tumpu.

SISIKON NU TO RASUL-RASUL 7:52

Apaa daagi' ko nabi anu madi' sinakisa nu mompolee' miu? Aha nompateimo to posa-posaihon nu Tumpu anu u'utu pe'e mae nombebakonmo tukoonyo. Posaihon nu Tumpu anu totu'u, tokaje mae. Ka' uuka aiya komiu nongkabisa'imo ka' nompateimo Posaihon nu Tumpu aijo'.