11 Mian anu daagi' tutuu' na tionyo ahi' ko kapandean bapikin; angga'nyo nu kapandean bapikin sumomo buden.
Panyo iya mae na timbali polioan kapandean bapikin? Iya mae na timbali balagulu'anto da osumbu'to?
De hi belengku atulan nu Belento lebe ko angga'nyo molingkudui mosoni' ka' salaka i dunia aiya.
Mian anu pande opuji' kalana kapandeannyo; panyo mian anu punga' osumbu' kalana kaponga'annyo.
Ka'untungannyo lebe daka' molingkudui salaka anu i humpaknyomo ka' lebe ko angga'nyo molingkudui mosoni'.
Kapandean bapikin lebe ko angga'nyo molingkudui batu mainan; iwi-iwi' na anu nu kahanda'i madi' ko anu mongkakanai.
Jingka nu sinaa moko bilahi kantumuu'an; ibeh nako sanangnyo de moko ala ahi' mongoa'i.
Memang kusumbu' “kapandean bapikin lebe ma'ima' molingkudui kaponga'an. Susumo jingka lebe ma'ima molingkudui pikat.
Boli mompokilawa, ‘Kadaka’ tempo'nyo naipuan mae na lebe ma'ima' de opokakanakon tempo uuka aiya? Ola mian anu ponga' na mompokilawa susumo aijo'.