ANU MOMPOLELE POTATAE NU TUMPU 7:1 - KITAB NU TUMPU ALLA LELE MA'IMAI'

¹ Mian anu kalakuanyo ma'ima' molingkudui nohong nu minya-minya' anu mahan na olinyo; ka' sinaa anu kasilakan lebe ma'ima' molingkudui sinaa anu ki nahampean.

ANU MOMPOLELE POTATAE NU TUMPU 7:1 ပူးပေါင်းရင်းမြစ်များ

AYUB 3:17

Kiijo' mae i uno nu hagum, mian anu toto ue-uesan amdi'mo monguesani. Ka' mian anu nalaweno na nokalaja timbalimo minkain.

MAZMUR 133:2

Aijo' sumomo minya-minya' anu mahan na olinyo, anu dinudu'akonmo hi ubak i Harun, lantas no'ilimo mokaiyong i gogohong nu baju'nyo.

AMSAL 15:30

Ohup anu lame' mompobilahi suele kinyonyoa; lele anu ma'ima' mompolumu santu'.

AMSAL 22:1

Mian anu madi' ko palabuatan maidek lebe ko angga'nyo nulingkudui na halata' anu manjoo'; nu kalibosi nu mian lebe ma'ima' nulingkudui naobee'i salaka' tiba mosoni'.

AMSAL 25:10

Kalana, dumo beleyum saidi'mae osanggohimo, mian anu lewa' momboa sisik anu madi opalesaya, ka' sanggo nu beleyum madi' mo ma'ima' sidu-sidutu.

AMSAL 27:9

Susumo minya-minya' anu manohong ka' anu to noho-nohong moposanang kinyonyoa, sumo aitu mule' na kanonongan nu sangalu mompolumu santuu'.

ANU MOMPOLELE POTATAE NU TUMPU 10:1

Bangke' nu lalo mombusiki samboton na minya-minya'; kaponga'an mau ola sangkiding mongalini kapandean bapikin anu matangkas na alati'nyo.

ANU MOMPOLELE POTATAE NU TUMPU 4:2

Aku saja' hondo monginau' batu-batu mian anu pininmo na sinilaka kalana aha na lebe binilahimo molingkudui aha anu daagi' tumuu'.

ANU MOMPOLELE POTATAE NU TUMPU 7:8

Lebe ma'ima' ulusan nu palakala mingkotmo ka' de mule' montampu'unije ulusannyo. Lebe ma'ima sabaan ka' de mule' talalo takabun.

NYANYIAN ANU TALASANGGO 1:3

Beleyum talalo hondo manohong, sanggo nu beleyum sumomo minya-minya' anu nobubusmo; mokonyo aijo' to lalangkoyang monsindua'i beleyum.

NYANYIAN ANU TALASANGGO 4:10

Talalo hondo ma'ima' na ponsinta nu beleyum, sintangku, pangantinku, molingkuduimo tami'nyo nu anggur. Minya-minya' nu beleyum sinimpogahanmo na nohongnyo, molingkuduimo sinin na ngahan nu lampa.

YESAYA 56:5

saba' sanggo nu belemiu madi' okolilimi i uno nu Laigan-Ku, ka' mule' hi aha bansang-Ku. Aijo' na lebe ma'ima' nalingkudui na mohumpak anak to momo'ane ka' to bou-boune. Belemiu ku bee'imo sanggo sidu-sidutu', anu madi'mo okolilimi.”

YUNUS 4:3

Uuka aiya, o Tumpu pojohokmo da aku silakamo, kalana lebe ma'ima' aku silakamo ka' bolimo tumuu'.”

LUKAS 10:20

Mau mule' sumo aijo', boli bilahi kalana to roh-roh ma'idek mohongo-hongomo komiu. Sahanyo komiu bilahi kalana sanggoum tinulismo i suluga'.”

YOHANES 13:2

I Yesus tiba anu saja' mombatuki Ia hau-haunyo mongkaan malom. Ibilis nomposoopmo tanga'an i uno nu kinyonyoa i Yudas anak i Simon Iskariot da monguwesani Yesus.

2 KORINTUS 5:1

Kalana osumbu' mami de laigan – aijo'mo butong – anu ojojoonginto i dunia aiya o tataki, Tumpu montoukaije kita sa'angu' na laigan i suluga', anu binaumo nu Tumpu ka' anu montahan pin sampe toka sidu-sidutu'.

2 KORINTUS 5:8

mokonyo aijo' kinyonyoa mami sabaan. Kami lebe mongka'ima'imo mompala'imo butong mami aiya, da timbali jojoong hingga-hinggat ka' Tumpu.

IBRANI 11:2

Kalana bala'iman, sahingga to mia-mian naipuan mae kina'ima'anmo nu Tumpu.

IBRANI 11:39

Palias na kodaka'nyo na ka'untungan anu i humpakmo nu iwi-iwi' mian haha aijo', kalana iman nu aha! Panyo aha madi' mohumpak apaa na anu jinanji'mo nu Tumpu,

ANU PINOTO'I HI YOHANES 14:13

Lantas aku nohongo potatae lengkat mae i suluga' nontaloakon, “O tulis na aiya: Otampu'uni uuka aiya, mohumpakmo ka'ima'an na to mia-mian anu sinilakamo tempo'nyo saja' nombau anu pinalentahkonmo nu Tumpu!” “Totu'u!” tinaaman nu Roh nu Tumpu. “Aha madi'mo pagala mokalaja, kalana hasin nu kalaja nu aha aijo'mo na nomboa aha nohumpak ka'ima'an.”

I RUT 3:14

Sahingga i hoyotmo na i Rut ikiijo' koko tengke i Boas. Dodododopnyo subu-subu daagi' pikat, i Rut nobulamo da madi' nutoa nu mian. Kalana i Boas madi' mongka'oho' mau ola samian na monsumbu' i Rut tinokamo i tempat aijo'.