ANU MOMPOLELE POTATAE NU TUMPU 6:7 - KITAB NU TUMPU ALLA LELE MA'IMAI'

⁷ Manusia bakalaja ola molio anu okaan, panyo ia madi' toho' mongoa'i ma'osa.

ANU MOMPOLELE POTATAE NU TUMPU 6:7 ပူးပေါင်းရင်းမြစ်များ

AMSAL 16:26

Mongkahanda'i mongkaan mongkakeha'i mian da bala usaha; kalana monginau' ohop sahingga talapakisa bakalaja na ia.

ANU MOMPOLELE POTATAE NU TUMPU 1:8

Iwi-iwi' mongosaimo ka' kapa'osan madi'mo opoko ala otaeakon. Matanto aiya madi' ko kapobosuannyo na lewa' monjonohi, bihingto suele madi' kokapa'osannyo na mohongo.

ANU MOMPOLELE POTATAE NU TUMPU 5:10

Mompaka panjoo' na kakaya'an nu toto samian, mompaka panjoo' na mian sangga'at anu tionyo ahi' obee'i mongkaan. Madi' ko ka untungan nu tumpunyo ola nu sumbu' ia mian anu kaya.

ANU MOMPOLELE POTATAE NU TUMPU 5:9

Mian anu ola mompoginapa' doi madi' toho' sukup na doinyo; mian anu mangoa ihalata' madi' toho' puas i ka untungan. Iwi-iwi' aijo' madi' ko gunanyo.

ANU MOMPOLELE POTATAE NU TUMPU 6:3

Maumo mian ko anak aha sa'atu ka' mule' pin na tumuu' sahingga nantan na umunnyo panyo de ia madi' mongoa'i kabilahian ka' madi' mule' mohumpak tano' bau polamunan anu pantas, saba aijo' de o ala ipikilanku bunga mea' anu salaje pinohampe lantas sinilakamo aijo' na lebe ma'ima' na nasibnyo nu lingkudui na mian aijo'.

ANU MOMPOLELE POTATAE NU TUMPU 6:8

Jadi apaa na ka' untungannyo nu aha mian anu pande de o potimbang tiba mian anu ponga'? Apaa na gunanyo de mian mule' anu kasiasi na ko kalakuan ma'ima' hi aha mian da'isan?

MATIUS 6:25

Kalana aijo' o inau'; boli bata-bata i kantumuu'anum apaa na anu o kaan miu ka' o inum, kabai apaa na anu o pake miu. Te misa' kantumuu'an molingkudui anu o kaan, ka' butong molingkudui pakean?

LUKAS 12:19

Lapas aijo' kutaloakonje i posi butongku, ‘Beleyum mohumpakmo dale'! Iwi-iwi' anu ma'ima' daagi'mo hi beleyum ka' madi' ko kamingkotannyo sataun toka sataun. Pingkainmo tempo' uuka! Lewa'mo pongkaan ka' ponginum ka' o'oa'i na kasanangan nu kantumuu'an!’

YOHANES 6:27

Boli mokalaja de ola da mohumpak anu okaan anu timbali mingkot ka' mawa'i. Bakalaja da pohumpakan anu okaan, anu madi' toho' mawa'i ka' anu mombee'i kantumuu'an anu talakana' ka' sampe toka sidu-sidutu'. Anu okaan aijo' nubee'je nu Anak Mian hi beleyum, kalana Ia i hangkatmo nu Tumpu, Tuuman-To.”