ANU MOMPOLELE POTATAE NU TUMPU 6:3 - KITAB NU TUMPU ALLA LELE MA'IMAI'

³ Maumo mian ko anak aha sa'atu ka' mule' pin na tumuu' sahingga nantan na umunnyo panyo de ia madi' mongoa'i kabilahian ka' madi' mule' mohumpak tano' bau polamunan anu pantas, saba aijo' de o ala ipikilanku bunga mea' anu salaje pinohampe lantas sinilakamo aijo' na lebe ma'ima' na nasibnyo nu lingkudui na mian aijo'.

ANU MOMPOLELE POTATAE NU TUMPU 6:3 ပူးပေါင်းရင်းမြစ်များ

KAJADIAN 33:5

Salatan i Esau nontoamo iwi-iwi' na boune ka' anak haha aijo', ia nompokilawamo, “Ihe na aha aiya anu namba mae hingga-hinggat tiba beleyum?” “Aha aijo' to ana-anakku”, tinaaman i Yakub, “Tumpu Allah nombalakatimo mae, nombee'imo mae aku to ana-anak.”

KAJADIAN 47:9

Tinaaman i Yakub, “Aku tinumuu'mo sa'atu ka tolumpulu'mo na taun salaku mian anu madi' tataap i sa'angu' na tampat. Kantumuu'anku saja' sinusa' ka' madi' tuu'an, de opokakanakon tiba umun nu mompolee'ku salaku mian anu madi' tataap i sa'angu' na tampat.”

2 TOMU-TOMUNDO' 10:1

I Tomundo' Ahab ko makumpunyo aha pitumpulu' i kota' Samaria. Kalana aijo' i Yehu nompakatumo sulat namba i Samaria hi mian anu nompotuu' makumpu i Ahab ka' hi anu balakuasa' ka' mule' hi to tu'a-tu'anyo i kota aijo'. Sulat aijo' sumo uuka na isinyo,

2 TOMU-TOMUNDO' 9:35

Panyo salatan to mia-mian nambamo nongala bangke'nyo da olamunmo, tinokan nu aha me ubaknyo ka' buku nu botokonnyo ka' tengkenyo.

1 TAWARIKH 28:5

Ia nombee'imo mae aku anak manjoo' ka' anak haha aijo' iwi-iwi' pinile'an-Nyomo na i Salomo nompalentah Israel kalaja'an nu Tumpu.

2 TAWARIKH 11:21

I Rehabeam bengkele'nyo aha 18, ka' silabo'nyo aha 60, aha 28 na anak to momo'ane, ka' aha 60 na anak to boboune. Iwi-iwi' na bengkele'nyo ka' silabo'nyo haha aijo', anu talalo hondo nu ka'ima'i i Maakha.

ESTER 5:11

Lantas i Haman nolabi-labimo na notatae hi aha ka' nontakabunakonmo kakaya'annyo, konjoo'nyo nu to ana-anaknyo to momo'ane, pangkatnyo anu daka', anu binee' i tomundo, ka' mule' pangkatnyo anu matangkas aijo' anu molingkudui anu ko pangkatnyo sangga'at.

ESTER 7:10

Sumo aijo' na i Haman pinokalayo'mo i ohi' anu pinototonnyomo anu kiniboli' bau pompokalayo'annyo i Mordekhai, lantas ilapas na aijo' atina'je ka' i tomundo madi'mo notambuha'.

AYUB 3:11

Kadaka' aku madi' sinilakamo ahi' i uno nu kompong nu tinangku, kabai kinodo'mo ahi' na nyawangku tempo'nyo aku pinohampemo?

AYUB 3:16

Kadaka' aku madi' i hampeakon ka' madi'mo ko nyawanyo da binobogonmo na aku i hoyot ka' madi'mo ko anu ku sumbu-sumbu?

MAZMUR 58:8

Bakas da aha mohopu'mo, susumo uee anu motismo, susumo hihis nu pana' anu madi'mo natajom.

AMSAL 17:6

Bau kasanangan nu anu langkai'mo ka' bengkele'mo aijo'mo to maku-makumpunyo; ka' bau kasanangan nu to ana-anak aijo'mo tinanyo ka' tuumanyo.

ANU MOMPOLELE POTATAE NU TUMPU 4:3

Panyo anu lebe bilahi aijo'mo to mia-mian anu ma'isa i hampe, kalana aha ma'isa nontoa ka idekan anu binau i dunia aiya.

ANU MOMPOLELE POTATAE NU TUMPU 6:4

Kalana kona hi bunga mea' aijo' madi' timbali bau pikilan, pa' ia pinohampe kabai imadi'; ia nambamo itampat anu pikat ka' sampa okolilimi.

YEREMIA 22:19

I Yoyakim ohela'mo ka' olumbu'akonmo isambiha'nyo nu sabatan daka' Yerusalem, susumo anu binaumo nu mian hi bangke' nu keledai.”

YEREMIA 36:30

Kalana aijo' Aku, Tumpu mompoto'i hi beleyum o Tomundo' Yoyakim, madi'mo daagi' ko samian na lee' nu beleyum na mompalentah salaku tomundo' lee' mae i Daud. Bangke' nu beleyum o'alinmo isambiha'nyo ka' nu penselimo nu singit de sinaamo ka' ombun nu bakin de pihimo.

YEREMIA 8:2

misa' da oposihukmo ka' po ule'mo okubun panyo opojohokmo aijo' itano' susumo duhehe. Buku nu mian haha aijo' motanatamo nu pense' nu sinaa, bitu'on tiba to manda-mandala' anu nu anggapmo nu aha salaku pilogot, anu nu ka'ima'i nu aha, anu nu tuluti nu aha, anu nu sombah nu aha ka' anu pompoitan nu aha pokinde'.

MATIUS 26:24

Memang Anak nu Mian tionyo mate, sumo anu tinulis i uno nu Kitab nu Tumpu. Panyo silaka na mian anu mongkabisa'i Anak nu Mian! Lebe ma'ima' na mian aijo' de ia madi' pinohampe!”