ANU MOMPOLELE POTATAE NU TUMPU 6:12 - KITAB NU TUMPU ALLA LELE MA'IMAI'

¹² Mosia na mian timbali monsumbu' apaa na anu lebe ma'ima' hi ia i uno nu kantumuu'annyo anu madi' umun ka' madi' ko gunanyo, ka' motulu ola susumo lolung? Mosia na mian timbali mangalati' apaa na anu jadi saidi mae i dunia aiya de ia silakamo?

ANU MOMPOLELE POTATAE NU TUMPU 6:12 ပူးပေါင်းရင်းမြစ်များ

1 TAWARIKH 29:15

Osumbu' nu Belento o Tumpu, saba' susumo to aha-aha mompolee' mami, kami suele monjalani kantumuu'an aiya salaku mian anu tinokaje mae kabai mian anu lengkat mae i salipu'an. Kantumuu'an mami ola sumo loolung motulu, ka' kami madi' moko ala monggoliliakon da madi' silaka.

AYUB 14:2

Ia minsumpe lantas mangkalualemo susumo bunga-bunga; susumo lolung monti-montiik madi'mo otoa.

AYUB 14:21

To ana-anaknyo tinimbalimo mian anu tinalasanggomo, panyo ia madi' nonsumbu-sumbu'. Ka' de bisuannyo aha madi'mo o angga'i madi' ko anu mompoto'i hi ia.

AYUB 8:9

Kantumuu'anto madi' pin, madi' osumbu-sumbu'to; sansina-sinaa kita tumuu' ola susumo lolung.

MAZMUR 102:11

kalana tambuha' nu Belento anu taha-tahahumo sahingga aku i hangkatmo ka' ingalinmo nu Belento.

MAZMUR 109:23

Aku kinoboli' nolapusmo susumo, lolung de malomo, aku kinokabahakonmo susumo kihi-kihi'.

MAZMUR 144:4

Mian aijo' ola susumo mombun saimpotulu, susumo lolung motulu, sumomo aijo' na kantumuu'annyo.

MAZMUR 16:5

O Tumpu, olamo Belento na anu daagi' aiya hi belengku; Belento na mombee' mae iwi-iwi' anu ku palalui, kantumuu'anku pa' mosia itina' kongko-kongkom i lima nu Belento.

MAZMUR 17:15

Panyo aku na daagi' ahi' montoa Belento, kalana aku madi' ko kasala'an. Salatan aku mobulamo, kinyonyoangku lame'mo kalana Belento tokamo mae.

MAZMUR 4:6

Osombahkon na koloban anu ahi' sahondo-hondonyo ka' opalesaya na Tumpu.

MAZMUR 47:4

Ia nombee'imo mae kita ka untungan nahampate nongewa bansa-bansa, nompojadimo kita binalakuasa hi aha to tulu-tulunan nu bansa.

MAZMUR 89:47

Hipian na kopinnyo na Belento madi'mo mae manintoa o, Tumpu? Hipian na kopinnyo na Belento motambuha' anu sumomo apu na komoaknyo?

ANU MOMPOLELE POTATAE NU TUMPU 10:14

Memang mian anu ponga' manjoo' na potatae; sinaa anu aiya mae i ahop madi' osumbu-usumbu' nu kita iwi-iwi'. Madi' ko anu moko ala mongkila-kila kajadian salatan kita i madi'anmo.

ANU MOMPOLELE POTATAE NU TUMPU 12:13

Salatan iwi-iwi' pinotutugakonkumo; aiyamo na kasingkatannyo nu anu ihumpaku. Kabuhuk na Tumpu ka' otuluti na palentah-Nyo iwi-iwi'. Kalana makisud aijo' sahingga manusia pinotimbali-Nyomo.

ANU MOMPOLELE POTATAE NU TUMPU 2:24

Madi' ko anu lebe ma'ma' hi mian de misa' mongkaan ka' monginum ka' mule' molasa hasin nu kalaja. Aku iwi-iwi sumbu'je taalu' aijo' ola halala' nu Tumpu.

ANU MOMPOLELE POTATAE NU TUMPU 2:3

Ku gantang aijo'mo na palabuatan anu kubau, anu talalo hondo ma'ima' hi manusia da mongoa'i kantumuu'annyo anu madi' pin na tumuu' i dunia aiya.

ANU MOMPOLELE POTATAE NU TUMPU 3:22

Kalana aitu sinumbu'kumo, saba' madi' ko anu lebe ma'ima' hi manusia, kalana anu lebe ma'ima' mongoa'i hasin nu kalajanyo. Sangga'at madi' ko anu pinoko ala binaunyo. Madi' bisa ia monsumbu' apaa na anu jadi de ia silakamo.

ANU MOMPOLELE POTATAE NU TUMPU 6:11

Lebe ia mombanta lebe madi' ko alati'nyo na potataenyo, ka' mule' ia madi' mohumpak ka untungan apa-apaa.

ANU MOMPOLELE POTATAE NU TUMPU 7:15

Kantumuu'anku madi'mo ko gunanyo panyo tempo'nyo aku dagi' tutuu' tinoangku sumo uuka: Toto minsan mian anu ma'idek na gau'nyo na umun panjang maumo ahi' ia saja' mombau dosa'.

ANU MOMPOLELE POTATAE NU TUMPU 8:13

Panyo mule' ahi' mian anu ma'idek na palabuatannyo mohumpak kasusa'an. Kantumuu'annyo malia-lia' hondo madi' otoa susumo lolung. Ia de silakamo umunnyo ma'isa langkai' kabai bengkele'; kalana ia madi' tulu-tulutan hi Tumpunyo.

ANU MOMPOLELE POTATAE NU TUMPU 8:7

Madi ko samian pe'e na moko ala monsumbu' pa' nasib apaa na o ahopi; ka' madi' ko anu moko ala montaloakon apaa na anu jadi saidi' mae.

ANU MOMPOLELE POTATAE NU TUMPU 9:6

Kinyonyoa mongka'ima'i, mongka'ideki, ka' mule' napisunyo, iwi-iwi' silakamo tiba ia. Ia madi'mo daagi mongala bahagian apa-apaa; i han iwi-iwi' anu jinadimo i dunia aiya.

ANU MOMPOLELE POTATAE NU TUMPU 9:9

Oa'i ahi' ima-ima' na kasanangan tumuu' tiba bengkele' anu nu kalibosi; i uno nu kantumuu'an nu beleyum anu ola pinalasuma bibine' nu Tumpu hi beleyum i dunia aiya. Oa'i sansina-sinaa maumo ahi' madi' ko gunanyo. Kalana tamboonyo nu lawe nu beleyum olamo atina'.

MIKHA 6:8

Madi'! Tumpu nompoto'imo hi kita han anu ma'ima'. Anu nu tuntut hi kita aijo'mo: da kita mingkalakuan ahi' adin, ka' saja' ahi' balaniat mompahakali-kalibosi ka' mule' madi' ahi' ko bubun ka' tumuu' ahi' mosa'angu' tiba Tumpunto.

YAKOBUS 4:14

Apaa na anu timbali i kantumuu'an nu belemiu dodop, posi komiu pe'e madi' monsumbu'! Komiu ola sumo tibuk ola sasaingoni' na kantoan, lapas mae lanyapmo.