ANU MOMPOLELE POTATAE NU TUMPU 5:13 - KITAB NU TUMPU ALLA LELE MA'IMAI'

¹³ Panyo halata' aijo' ningkotmo kalana kasusa'an sahingga madi'mo daagi ko anu i nguna'akon hi to ana-anaknyo.

ANU MOMPOLELE POTATAE NU TUMPU 5:13 ပူးပေါင်းရင်းမြစ်များ

KAJADIAN 14:16

I Abram po'ule' nongala to bala-balang anu pinahuhuanmo nu sampobali' ka' suele i Lot tiba iwi-iwi' na kakaya'annyo ka' to bou-boune ka' sangga'at anu i hakop nu sampobali'.

KAJADIAN 19:14

Lantas i Lot nambamo nompahakabot ua'aha na dohoi nu anaknyo, anu ua'aha aijo', ka' nompoto'i, “Sampamo posabatpala'imo na tampat aiya, kalana nuhopu'imo nu Tumpu.” Panyo aha nonsangka i Lot ola basedu'.

KAJADIAN 19:26

Panyo bengkele' i Lot nosiloi i hiku, sahingga ia nongabali'mo ka' tinimbalimo timuson sumo ohi' tinjo-tinjo.

AYUB 20:20

Kalana ia talalo ahi' mangoa, madi' ko kapa'osannyo, sahingga ia sabole-bole molio apa-apaa na anu nu kahanda'i.

AMSAL 1:19

Memang mian anu molio anu okaan panyo olio nu kalakuan lewa' pagala mompakisa, posi nyawanyo je na bau pombayannyo.

AMSAL 1:32

Mian anu madi' ko anu nu pisumbu-sumbu' saidi' mae silakamo kalana madi' mompajuli aku, ka' mian ponga' saidi' mae mohopu'mo kalana madi' mompajuli aku.

AMSAL 11:4

De montanda'imo kasilakan halata' madi'mo ko gunanyo; panyo kantumuu'an nu beleyum salamat de beleyum madi' tageo' na kinyonyoa.

AMSAL 23:4

Boli talalo basusa-susa' kahanda da timbali kaya. Bolimo ototu'ui na niat nu beleyum aijo'.

AMSAL 27:24

kalana kakaya'an madi' sampe toka sidu-sidutu'; ka' mule' kuasa mompalentah madi' tataap sampe toka sidu-sidutu'.

ANU MOMPOLELE POTATAE NU TUMPU 4:8

Daagi' ko mian anu ola tumuu' sausa' madi' ko anak, kabai pe'e utus. Mau sumo aitu ia saja' makeke na mokalaja ka' kinyonyoanyo madi' toho' ma'osa na montoa halata'nyo. Obee' hi he na hasin nu kalajanyo sahingga taha-tahahumo na mokalaja ka' madi'mo mongala kasanangan? Aijo' mule' madi' kogunanyo, ka' aijo'mo na kantumuu'an anu sansala.

ANU MOMPOLELE POTATAE NU TUMPU 5:14

Kita i hampeakon langgo-langgo' sumo aitu mule' de kita mompala'imo dunia aiya madi' momboa apa-apaa anu i humpak nu lawento.

ANU MOMPOLELE POTATAE NU TUMPU 8:9

Iwi-iwi' aiya tinoangkumo salatan pinalahatikankumo iwi-iwi' na anu jinadimo i dunia aiya. Toto minsan manusia mompake kakuasa'annyo de monsilakaimo sangalunyo.

ZEFANYA 1:18

Isinaa anu okabuhuk hondo aijo' saidi' mae Tumpu mompotoamo pusanyo sahingga iwi-iwi' na mosoni' tiba salaka nu aha madi'mo moko ala momposalamat aha. Songko-songko na dunia saidi' mae mingkotmo hansun nu papui nu apu nu tambuha'-Nyo. Monti-montik madi' pin Nu gautmo na nyawa iwi-iwi' anu i dunia aiya.

LUKAS 16:19

“Daagi' ko samian anu kaya. Pakeannyo to maha-mahan, tiba mule' kantumuu'annyo tumuu' molabi-labi sansina-sinaa.

LUKAS 19:8

Lapas mule' kiijo' i laigannyo, i Zakheus tinuminjo ka' notatae hi Yesus, “Tumpu, sambahagian na halata'ku, ku halala'akon hi mian kasiasi; tiba ihehe na anu toho' ingakalanku, po'ule' ku bayan hi ia pimpaton lipat!”