ANU MOMPOLELE POTATAE NU TUMPU 5:1 - KITAB NU TUMPU ALLA LELE MA'IMAI'

¹ Bapikin pe'e atina'je ka' otaeakon ka' boli sampa malia-lia' balajanji' hi Tumpu. Ia kiita i suluga ka' mule' beleyum aiya i dunia jadi o unggali ahi' na potatae nu beleyum.

ANU MOMPOLELE POTATAE NU TUMPU 5:1 ပူးပေါင်းရင်းမြစ်များ

2 TAWARIKH 26:16

Salatan i Tomundo Uzia dinaka'mo na kakuasaannyo, ia sinombongmo ka' aijo'mo na nonsaduakon sahingga ia sinilakamo. Ia nolanggaimo palentah nu Tumpu Allahnyo kalana nompinsopimo Laigan nu Tumpu ka' nompapuimo kamangian i mezbah i tampat nu kamangian.

AYUB 22:12

Te misa' Tumpu Allah jojoong ahi' aita' mae i langit anu matangkas hondo, ka' montudang mokaiyong, mandala' haha aijo' iwi-iwi' anu matangkas hondo?

MAZMUR 89:7

Aita' mae i langit madi' ko anu susumo Belento o, Tumpu, madi' ko malaekat nu suluga' anu mompokakanai Belento.

NOSABATMO 3:5

Lantas Tumpu Allah notataemo, “Boli mae mati ohani. Ulatakon na sandan nu beleyum, kalana beleyum tinuminjo i tano' anu susi'.

NOSABATMO 30:18

“Bau sa'angu' na tampat pongisian uee tambaga na obau ka' paningkokoannyo suele tambaga na obau. Pokoko na tampat aijo' i olot nu Kemah ka' mezbah lantas isii nu uee.

AMSAL 10:19

Talalo manjoo' na potatae, talalo manjoo' mule' ugaat na mombau dosa'; panyo mian anu moko ala monjagai jila'nyo atina'mo na mian pande.

AMSAL 15:8

Tumpu montalima do'a nu mian anu manonong; panyo Ia mongka'ideki palasombahan nu mian anu ma'idek na kinyonyoanyo.

AMSAL 21:27

Tumpu madi' sanang i palasombahan nu mian anu palaganta lebe-lebe mule, de monsombahkon aijo ko makisud ma'idek.

YESAYA 66:3

Panyo bansa haha aijo' ola mosi bau pongka'oho' nu aha; aha sanang hondo na monsombah mae panyo bau-baunyo anu okahegati. Hi aha madi' ko bedanyo: mongkolobanakon sapi' lakinyo ka' mongkolobanakon mian, mongkolobanakon anak nu domba ka' mompato'akon gogohong nu dedeng; monsombahkon gandum ka' mongkolobanakon baso' nu bau', mompapui kamangian ka' monsombah patong.

IMAMAT 10:3

Lantas i Musa notataemo hi Harun, “Aijo'mo na anu kokoonyo nu Tumpu tempo'nyo Ia notatae, 'Iwi-iwi' na anu mombau apaa na anu Ku poto'i tionyo ahi' mongadati kasusi'an-Ku. Aku mompotoamo katalasanggoan-Ku hi aha iwi-iwi' bansang-Ku.' ” Panyo i Harun ola nomohokot.

SISIKON NU TO RASUL-RASUL 10:33

Aijo' na sababnyo aku nalia-lia' nonsai mian mamba molaga i Tuan. Ka' i Tuan totu'u ma'ima' na kinyonyoa da toka mae. U'uka aiya kami iwi-iwi' silimu'mo i ahop nu Tumpu, da mohongo iwi-iwi' anu osaiakon nu Tumpu da otaloakon i Tuan hi kami.”

SISIKON NU TO RASUL-RASUL 17:11

To mia-mian i Berea madi' mompohowini apaa na anu i uno nu kinyonyoanyo, madi' pokakana to mia-mian i Tesalonika. Sanang hondo na kinyonyoa nu aha mohongo lele mongkona i Yesus, ka' toka nu sansina-sinaa aha monselidiki Kitab nu Tumpu, da nusumbu' nu aha pa' totu'u na pangajalan i Paulus aijo'.

1 KORINTUS 11:22

Kadaka' sumo aitu? Te madi' kita Utus ko laigan ahi'? Kita Utus timbali mongkaan ka' monginum i kiijo'! Kabai o kita Utus mongka'oho' mompopo'ise' jama'at nu Tumpu, ka' mongambangi to mia-mian kasiasi? Apaa na anu tionyo kutaloakon hi komiu? Pa' tionyo aku mompuji' komiu? Madi'! I madi' hondo-hondo aku mompuji' komiu.

IBRANI 10:26

Kalana de lele anu totu'u lengkat mae hi Tumpu pinotokamo hi kita, panyo saja' kita mombau dosa' ototonggolakon, saba' madi'mo daagi' ko koloban anu bau pongalini dosa'to.

YAKOBUS 1:19

O intomakon na aiya ima-ima', to Utu-utus anu okanonongi! Batu-batu mian tionyo ahi' malia' na mohongo, panyo momalas na motatae ka' boli sampa' motambuha'.

YOSUA 5:15

Kapala nu suludadu nu Tumpu aijo' nontaami, “Ukatakon na sapatu nu beleyum; tano kinatinjoan nu beleyum atina' tano' anu susi'.” Sahingga i Yosua nongukatakonmo sapatunyo.