ANU MOMPOLELE POTATAE NU TUMPU 4:9 - KITAB NU TUMPU ALLA LELE MA'IMAI'

⁹ Lebe untung de ua'aha ka' de mule' ola samian. De aha mokalaja, hasinnyo lebe ma'ima'.

ANU MOMPOLELE POTATAE NU TUMPU 4:9 ပူးပေါင်းရင်းမြစ်များ

KAJADIAN 2:18

Lantas Tumpu Allah notataemo, “Madi' ma'ima' na manusia tumuu' sausa'nyo. Ku-bauje na anu timbali sangalunyo anu mompahakona ka' montulungi ia.”

1 TAWARIKH 19:12

I Yoab nottataemo hi utus ise'nyo aijo', “De aku madi'mo moko ala mongewa suludadu nu Siria sampe mae malia-lia' toka montulungi aku. Sumo aitu mule' suele de beleyum madi'mo moko ala mongewa suludadu nu Amon aku suele tokaje mae montulungi beleyum.

AMSAL 27:17

Susumo aja' monjatajomi aja'; sumo aitumo na manusia balagulu' hi sangalunyo.

ANU MOMPOLELE POTATAE NU TUMPU 4:10

De samian na susa' sangga'at na montulungi. Panyo de samian susa'mo, padahan ola sausa'nyo silakamo na ia saba' madi' ko anu montulungi ia.

ANU MOMPOLELE POTATAE NU TUMPU 4:8

Daagi' ko mian anu ola tumuu' sausa' madi' ko anak, kabai pe'e utus. Mau sumo aitu ia saja' makeke na mokalaja ka' kinyonyoanyo madi' toho' ma'osa na montoa halata'nyo. Obee' hi he na hasin nu kalajanyo sahingga taha-tahahumo na mokalaja ka' madi'mo mongala kasanangan? Aijo' mule' madi' kogunanyo, ka' aijo'mo na kantumuu'an anu sansala.

HAGAI 1:14

Sumo aijo' na Tumpu nongkakeha' kinyonyoa i Gubernur Zerubabel, tiba i Imam Daka' Yosua ka' mule' iwi-iwi' na mian anu ninsusule'mo mae lengkat itampat pinomboan ka' pinompojoongan aha da iwi-iwi' mokalajamo mombau Laigan nu Tumpu Anu Daka' Na-Kuasanyo, Tumpu Allah nu aha.

NOMBILANGMO 11:14

Madi'mo ku poko ala na mongkalesang anu sumo aijo' na ko mahannyo; talalo maboat hondo na pakalaja'anku.

MARKUS 6:7

Ia nolaga sampulu' ka' ohua' na anu saja' mombatuki Ia, lantas nonsai toto ua'aha ka' nombee'i kuasa hi aha da molaa' to roh-roh ma'idek.

YOHANES 4:36

Mian anu mompadak montampu'unimo montalima tamboonyo, ka' molimu' hasinnyo da bau kantumuu'an anu talakana' sampe toka sidu-sidutu'. Sahingga mian anu montugan tiba mian anu mompadak timbali mongoa'i kasanangan hingga-hinggat.

SISIKON NU TO RASUL-RASUL 13:2

Tempo'nyo aha hau-haunyomo mogaleja hi Tumpu ka' bapuasa', Roh nu Tumpu notatae hi aha, “Pile'imo na i Barnabas ka' i Saulus, da mokalaja hi beleng-Ku da aha mokalaja anu tinantukankumo hi aha.”

2 YOHANES 1:8

Mokonyo aijo' obala'ingati, boli sampe talabakas na komiu hi apaa na anu ingusahakonmo mami bau bagi miu. Bala usaha da komiu mohumpakje tamboonyo iwi-iwi' lengkat mae hi Tumpu.

I RUT 2:12

Ku amalakon da Tumpu mombalosi iwi-iwi' na ka'ima'an nu beleyum. Ku amalakon da beleyum mohumpak apaa na anu patut obee' hi beleyum nu Tumpu, Tumpu Allah Israel, kalana beleyum tinokamo mae mompoita da Ia na monjagai.”