ANU MOMPOLELE POTATAE NU TUMPU 4:8 - KITAB NU TUMPU ALLA LELE MA'IMAI'

⁸ Daagi' ko mian anu ola tumuu' sausa' madi' ko anak, kabai pe'e utus. Mau sumo aitu ia saja' makeke na mokalaja ka' kinyonyoanyo madi' toho' ma'osa na montoa halata'nyo. Obee' hi he na hasin nu kalajanyo sahingga taha-tahahumo na mokalaja ka' madi'mo mongala kasanangan? Aijo' mule' madi' kogunanyo, ka' aijo'mo na kantumuu'an anu sansala.

ANU MOMPOLELE POTATAE NU TUMPU 4:8 ပူးပေါင်းရင်းမြစ်များ

KAJADIAN 2:18

Lantas Tumpu Allah notataemo, “Madi' ma'ima' na manusia tumuu' sausa'nyo. Ku-bauje na anu timbali sangalunyo anu mompahakona ka' montulungi ia.”

MAZMUR 39:6

Talalo ahi' sasaingoni' na tinantukan nu Belento na umunku! De hi Belento kopinnyo nu kantumuu'anku madi' ko alati'nyo. Memang, manusia ola susumo opuhakon nu sawo nu manusia,

MAZMUR 39:7

kantumuu'annyo ola saintomboliu susumo lolung. Iwi-iwi' na anu nu kalaja madi' mingkaliangan; ia montambun halata', panyo madi' nu sumbu' pa' ihe na mompalagunakon.

AMSAL 27:20

I dunia nu mian anu sinilakamo saja' daagi ko tampat; sumo aitu mule' na anu nu indi nu manusia madi' ko batasnyo.

ANU MOMPOLELE POTATAE NU TUMPU 1:13

Pinagala sinelidikanku ka' nonggulu'i ima-ima' apaa na anu jinadimo i dunia aiya. Nasib anu pinosadiamo nu Tumpu Allah hi kita nonsaduakonmo da kinyonyoanto sinusa'mo hondo.

ANU MOMPOLELE POTATAE NU TUMPU 1:8

Iwi-iwi' mongosaimo ka' kapa'osan madi'mo opoko ala otaeakon. Matanto aiya madi' ko kapobosuannyo na lewa' monjonohi, bihingto suele madi' kokapa'osannyo na mohongo.

ANU MOMPOLELE POTATAE NU TUMPU 2:21

Saba' manusia bakalaja talalo makeke kalana mompake kapandean bapikin, ilimu', pangatahuan ka' pande na mombau apa-apaa anu nu palalui. Panyo imihinyo mae ia tionyo ahi' mompala'i iwi-iwi' hasin nu lawenyo hi mian anu madi' hondo-hondo kino lisongunyo i han aijo'. Jadi aijo' suele madi' ahi' ko gunanyo ka' mule' ahi' madi' adin!

ANU MOMPOLELE POTATAE NU TUMPU 2:23

Maumo apaa na anu binaunyomo tempo'nyo daagi ia tutuu' ola saja' ia sinansala ka' noko pa idekan kinyonyoanyo. Maumo pihi kinyonyoanyo suele ma' idekan ahi'. Jadi iwi-iwi' aijo' madi' ko gunanyo.

ANU MOMPOLELE POTATAE NU TUMPU 4:7

Daagi' mule' ahi' anu madi' kogunanyo na kantumuu'an aiya.

ANU MOMPOLELE POTATAE NU TUMPU 5:10

Mompaka panjoo' na kakaya'an nu toto samian, mompaka panjoo' na mian sangga'at anu tionyo ahi' obee'i mongkaan. Madi' ko ka untungan nu tumpunyo ola nu sumbu' ia mian anu kaya.

ANU MOMPOLELE POTATAE NU TUMPU 5:9

Mian anu ola mompoginapa' doi madi' toho' sukup na doinyo; mian anu mangoa ihalata' madi' toho' puas i ka untungan. Iwi-iwi' aijo' madi' ko gunanyo.

YESAYA 5:8

Silakamo na belemiu anu lewa'mo nongoli ka' lewa'mo nongagoi ale' da bau pontuangi apaa na anu nu belemiu! Madi' pin mingkotmo na tampat nu aha mian sangga'at sahingga me belemiu na jojoong ilipu' aiya.

YESAYA 55:2

Bau apaa na mongoli tulu-tulumo anu madi' moko pa'osa, ka' bau apaa na mokalaja de madi' momposanang? Batukimo na palentang-Ku, da belemiu mongkaan anu ma'ima', ka' molasaimo kaanon anu matami'.

MATIUS 11:28

Tokamo mae hi beleng-Ku na komiu iwi-iwi' anu malawe, ka' anu mongoa'i koboatnyo nu boaon; Aku mompilaweije komiu.

LUKAS 12:20

Panyo Tumpu notatae hi ia, ‘O anu ponga'! Pihi uuka mule' beleyum matemo, lantas ihemo ahi' na mohumpak iwi-iwi' kakaya'an anu ilimu'umo bau kapentingan nu butongum?’

1 YOHANES 2:16

Iwi-iwi na apaa anu daagi' i uno nu dunia aiya – anu nuka'ima'i nu kalakuan nu mian baladosa', anu otoa lantas oka'ima'imo ka' anu okabubuulakon – iwi-iwi' anu madi' nolengkat mae hi Tuuma, panyo nolengkat mae i dunia.