ANU MOMPOLELE POTATAE NU TUMPU 4:12 - KITAB NU TUMPU ALLA LELE MA'IMAI'

¹² Ua'aha na mamba hingga-hinggat i lumambanan moko ala montangkis pimuhuk nu sampo bali' panyo de ola sausa' dengke na nupokalah. Totolu' na hambahan nu kohohon, okahohon timbali sa'angu', susa' na obotu'i.

ANU MOMPOLELE POTATAE NU TUMPU 4:12 ပူးပေါင်းရင်းမြစ်များ

2 SAMUEL 23:16

Salatan aha totolu' na suludadu anu matangkas na pangkatnyo nohongomo aijo', aha nompokiijo'imo kemah nu mian Filistin lantas nontaukmo mae uee nu bubung aijo' ka' binoamo nu aha hi Daud. Panyo i Daud madi' nongka'oho' nonginum ola mule' ahi' binubusakonyo salaku palasombahannyo hi Tumpu.

2 SAMUEL 23:23

I uno nu gombuan aijo' i Benayamo na anu talalo talasanggo panyo ia madi' ahi' molingkudui “Triwira”. Ia i hangkatmo i Daud mongkapalai anu monjagai ia.

2 SAMUEL 23:9

Mian anu ko'ohua'nyo i Triwira aijo' aijo'mo i Eleazar anak i Dodo aha mae mian nu Ahohi. Ia nonsangalui i Daud tempo'nyo aha nongahopi mian nu Filistin anu sinihukmo kahanda'mo mahampate. Lantas tempo'nyo aitu gombuan nu suludadu nu Israel tinolo ule'mo,

ANU MOMPOLELE POTATAE NU TUMPU 4:11

De pihimo ka' mabakin, ua'aha na male' mobebe' mompaha pana-panasi, panyo mosia na mian timbali mapanas de ola samian?

ANU MOMPOLELE POTATAE NU TUMPU 4:13

Mian kasiasi timbali jadi tomundo, ka' samian na anu tinalungku' timbali o hangkat mokiita i kasuhangan nu tomundo. Panyo de umunnyo matangkasmo hondo tomundo aijo' talalo ahi' ponga' de montalima pokinde', saba' nasibnyo lebe ma'idek molingkudui olitau anu kasiasi panyo pande.

EFESUS 4:3

O'usahakon totu-totu'u da tumuu' saja' dame, da posa'angu'an anu pinodaagi'mo nu Roh nu Tumpu tataap ma'ima'.