ANU MOMPOLELE POTATAE NU TUMPU 4:1 - KITAB NU TUMPU ALLA LELE MA'IMAI'

¹ Lapas aitu pinalahatikanku mule' iwi-iwi' na anu jinadimo i dunia aiya madi adin. Batu-batu mian anu kinabisa'an i humang ka' madi' ko anu mongka'oho' montulungi aha. Madi' ko mian anu mongka'oho' montulungi, kalana anu mongkabisa'i aijo' ko kuasa anu daka' hondo.

ANU MOMPOLELE POTATAE NU TUMPU 4:1 ပူးပေါင်းရင်းမြစ်များ

AYUB 16:4

De bisuannyo belemiu aiya aku, ka' aku aiya na belemiu, aku suele timbalimo motatae sumo belemiu atina'. Mingiaba'mo na potataengku moitina' hi belemiu; ubaku ku lilo-lilokakonmo.

AYUB 35:9

To mia-mian anu pinosansalamo, motambuha'mo; aha noloboo'mo momoita da otulungi.

AYUB 6:29

Boli mombau apa-apaa madi' adin, sampamo ahi' sinsumbu'! Boli mae mongalu aku, aku na totu-totu'u ahi' madi' ko kasala'an.

AYUB 9:24

Dunia aiya binee'mo nu Tumpu Allah hi mian anu palaganta, ka' to mia-mian kopian pinopahanyomo iwi-iwi'. Aijo' iwi-iwi' Tumpu Allah na nombau, de misa' Ia, yo ihemo?

MAZMUR 12:5

anu motatae, “Jila' mami na bau pongkuasai mami! Maumo pa' apaa timbali otaloakon mami, ka' madi' ko anu moko ala timbali montewa'!”

MAZMUR 142:4

Tempo'nyo me ise-ise' madi'mo ko anu ku taha'imani, sinumbu'mo nu Belento apaa na anu tionyo ahi' ku bau. I jalan anu tionyo ahi' ku tului, anu monsampobali' mae hoko-hokot nompokonamo so'o bau pohakop aku.

MAZMUR 142:5

Salatan aku nosiloi i sohipi'ku, madi' aku nontoa anu montulungi mae aku. Madi' ko anu monjagai mae aku, kabai anu mompalahatikan mae butongku.

MAZMUR 42:3

Aku mongindimo Tumpu anu tumuu' pa' hipianje na aku mamba monsombah i Laigan-Nyo?

MAZMUR 42:9

O'amalakon da Tumpu mompotoa mae kalibosan-Nyo de sinaamo, sahingga de malomo aku manyanyimo, ka' balado'amo hi Tumpu anu pinolengkatan mae nu kantumuu'anku.

MAZMUR 69:20

Sinumbu'mo nu Belento na aku, iletakonmo, ingalumo, ka' pinobau-baumo tinoamo nu Belento iwi-iwi' na mian anu monsampobali' mae aku.

MAZMUR 69:21

Alu nu mian nonsaduakonmo da aku ihentemo na kinyonyoangku, ka' madi'mo kino pikilan pa' apaa na obau. Iliongku na anu mongkalibosi mae panyo ola pinalasuma iliongku na anu momposanang kinyonyoa panyo madi' ahi' ihumpakku.

MAZMUR 80:5

O, Tumpu Anu Daka' na Kuasa-Nyo, sampe toka hipian na kopinnyo na Belento motambuha', maumo mian anu palesayamo hi Belento balado'amo?

NOSABATMO 1:16

Pinoto'i tomundo Mesir, “De belemiu montulungimo boune nu Ibrani mohampeakonmo anak, o'inau' na uuka: De anak anu hampe mae aijo' mo'ane, patei na ia! De anak anu hampe mae aijo' boune yo bakas da ia tumuu'.”

NOSABATMO 1:22

Lantas i tomundo nombee'imo palentah sumo uuka hi iwii-iwi' na layatnyo; “Batu-batu anak mo'ane nu mian Ibrani anu sala'je hampe tionyo o alin i Kaunyo Nil, panyo iwi-iwi' na anak boune timbali opotumuu'.”

AMSAL 19:7

Mian anu kasiasi nu tee nu utusnyo, apaa mule' sangalunyo. Maumo pa' mosia na ia bala usaha ia madi' moko ala monggoda aha.

AMSAL 28:3

Anu balakuasa momposansala mian anu kasiasi, sumomo ujan daka' anu mongidei mo anu opadakmo.

AMSAL 29:2

De bisuannyo mian anu adin na mompalentah, mian da'isan bilahimo. Panyo de bisuannyo mian anu ma'idek na kinyonyoanyo na balakuasa, mian da'isan monta'up kasansala'an.

ANU MOMPOLELE POTATAE NU TUMPU 3:16

Daagi' mule' ko anu tinoangku i dunia aiya: sabenannyo ahi' daagi' ko ka'adilan ka' ka'ima'an.

ANU MOMPOLELE POTATAE NU TUMPU 5:8

Ka' mule' kantumuu'an nu tomundo' suele ola montaha'imani hasin nu anu opadak.

ANU MOMPOLELE POTATAE NU TUMPU 7:7

De mian anu pande mongakali, ponga' na palabuatannyo aijo'; de mian montalima doi anu pinonsogo' pikilannyo na'idekmo.

ANU MOMPOLELE POTATAE NU TUMPU 8:9

Iwi-iwi' aiya tinoangkumo salatan pinalahatikankumo iwi-iwi' na anu jinadimo i dunia aiya. Toto minsan manusia mompake kakuasa'annyo de monsilakaimo sangalunyo.

YESAYA 5:7

Kalana ale' nu anggur nu Tumpu Anu Daka na Kuasanyo aijo'mo aha mian nu Israel, ka' aha mian nu Yehuda aijo'mo na anggur anu sisinu'an-Nyomo. Aijo'mo hi aha na pontaha'imanian-Nyo ka'adilan panyo ola mule' ahi' kabuhingison. Aha na Nu taha'imani montoongi totu-totu'u anu hondo padahan ola mule' ahi ko anu aijo' hi aha na momoita ka'adilan.

YESAYA 51:23

Kasansala'an aijo' Ku bee'mo hi miana nu nonsansalamo beleyum, anu toho'mo nompalentah belemiu nale' itano', ka' nompahampeja'akonmo belemiu, sumomo lapangnyo belemiu jalan anu saja' kajalanan.”

YESAYA 59:7

Belemiu saja' balatanga' mombau anu ma'idek ka' gagalan sampa obau. Madi' bata-bata na belemiu mompatei mian anu madi' ko sala'nyo. Mau moya na belemiu mamba, belemiu mompala'i anu singkapmo ma'idek tiba kasilaka'an.

YEREMIA 16:7

Ka' madi'mo daagi' ko anu mongadatakon bau-bauon sangkiding salaku tanda bau pohibun mian anu tinokanmo nu tomate. Madi'mo daagi' ko anu suele humang mau mule' kakona hi mian anu sinilakamo na tuumanyo kabai tinanyo.

MOHAANGI 1:16

Aitu na sababnyo sahingga matangku i lolu'onmo, madi' ko anu mombee'i bau pombikas ka' mombee'i potatae anu moko sanang na kinyonyoa. Madi'mo daagi ko apa-apaa hi bansangku, kalana sampobali' na lebe balakuasa.

MOHAANGI 1:17

I hangkatku na lima da momoita tulung panyo madi' ko anu mombee'i potatae anu moko sanang. Lengkat mae iya'a Tumpu nonsaimo mae sampobali'; aha tinokamae nompahampateakonmo aku. Aku binaumo susumo duhehe, balang anu okahegati aijo' hi aha.

MOHAANGI 1:2

Sampahu toka sampahu ia humaang kalana sinusa'mo lolu'nyo jinumujumo i gagisingnyo. Madi' ko samian pe'e na to sindu-sindua'annyo na mongka'oho' mohase' ia. Ia kinabisa'anmo nu to sanga-sangalunyo anu tinimbalimo sampobali'nyo.

MOHAANGI 1:9

Inyata'mo hondo na kapahengasannyo panyo ia madi' mompajuli apaa na anu jinadimo i butongnyo. Talalo hondo ahi' na kinahansunannyo, panyo madi' ko samian pe'e na anu pohase' da sanang na kinyonyoanyo. Sahingga ia nomoitamo hi Tumpu da okalibosi mae, kalana to sampo-sampobali'nyo inguntungmo.

AMOS 3:10

Tumpu notatae, “Mian haha aijo', nongisi laigan nu aha nu to bala-balang anu ingala nu aha lewa' nompakisa ka' talalo buhingoson. Ka' mule' aha madi' ko anu monsumbu' mombau kahodi'an na kinyonyoa.

AMOS 3:9

Bebaakonmo na aiya hi to mia-mian anu jojoong i Mesir ka' Asdod i laigan nu tomundo, “Posa'angu'mo i to bungku-bungkutnyo anu atina' i Samaria ka' potoakon na kahengge'an anu talalomo hondo, lewa'mo nompakisa anu nu mian ikiijo' mae.”

MALEAKHI 2:13

Ka' mule' daagi aiya na palabuatan sangga'at nu belemiu. Mezbah nu Tumpu i ngueeanmo nu belemiu nu lolu' nu mata; belemiu ihumangmo ka' tinumando'mo kalana Tumpu madi'mo daagi' nonsitujui nontalima iwi-iwi na koloban nu belemiu.

MALEAKHI 3:18

Mian anu palesayamo hi beleng-Ku montoa mule' bedanyo mosia na mian anu manonong tiba mian anu maidek na kalakuannyo, ka' mule' mian anu monsombah Aku tiba mian anu madi' monsombah Aku.”

MALEAKHI 3:5

Notatae na Tumpu Anu Daka' na Kuasanyo, “Aku tokamo mae hi belemiu da momputusimo. Aku malia'mo timbali sakisi de momputusimo to tukang-tukang sihir, to mia-mian anu lewa' masala', anu tinimbali sakisai baleko', hi anu madi' adin na mombee'i gaji kona hi aha mian anu mongala tambo, hi aha anu madi' ko ka'adilannyo kona hi aha to balu-balu, to ana-anak anu madi'mo ko tuumanyo ka' tinanyo, ka' aha mian nu salipu'an mae, ka' mule' kona hi aha mian iwi-iwi' anu madi' mongadati Aku.”

MATIUS 26:56

Panyo memang sumo aitumo da timbali apaa na anu tinulismo nu to nabi-nabi i uno nu Kitab nu Tumpu.” Lapas aijo', iwi-iwi' na anu saja' mombatuki Ia nopadeka'mo nompala'i Yesus.

PO'ULE' INGULIT 28:33

Bansa anu lengkat mae i salipu'an na mongala isi nu ale' iwi-iwi' anu i humpak i lawe nu pakalaja'an miu. Panyo belemiu madi' nohumpak apa-apaa ola mule' ahi' kasansala'an anu ma'idek hondo na i humpak.

PO'ULE' INGULIT 28:48

Kalana aijo' belemiu tionyo ahi' ta'alukumo hi sampobali' nu belemiu anu sinaimo mae nu Tumpu mongewa belemiu. Belemiu mongoa'ije ohop, mongoa'ije megot ka' langgo' ka' iwi-iwi' na han madi'mo ko anu daagi'. Tumpu mombee'imo kasansala'an anu taha-tahahumo, sampe belemiu silakamo.

YAKOBUS 5:4

Komiu madi' nombayan tambonyo nu to mia-mian anu mokalaja i ale' nu belemiu. Uuka aiya potombihing na aha notusa'mo! To mia-mian anu nolimu'akon hasin nu ale' miu, noloobo'mo momoita tulung, ka' lobo' nu aha tinokamo i bihing nu Tumpu, Tumpu Anu Matangkas na Kuasanyo.

TO MIA-MIAN KOPIAN 4:3

I Yabin daagi' ko kareta 900 anu opake mahampate besak na binau. Inguampulu' na taun na kinopinnyo ia nompalentah aha mian nu Israel ka' talalo hondo masigo. Lapas aijo' aha nomoitamo tulung hi Tumpu.