ANU MOMPOLELE POTATAE NU TUMPU 3:6 - KITAB NU TUMPU ALLA LELE MA'IMAI'

⁶ Tumpu na nontantukan tempo'nyo da okabot ka' tempo'nyo molapusmo, tempo'nyo da monguna' ka' tempo'nyo loyaan,

ANU MOMPOLELE POTATAE NU TUMPU 3:6 ပူးပေါင်းရင်းမြစ်များ

2 TOMU-TOMUNDO' 5:26

Panyo i Elisa notataemo, “Kinyonyoangku kiijo' mae tempo'nyo i Naaman nintatau'mo i karetanyo nonsingkaboti beleyum. Uuka misa'mo tempo'nyo na mongala doi ka' bau pongoli ale' nu zaitun, ale' nu anggur, domba ka' sapi' tiba to posa-posaihon!

2 TOMU-TOMUNDO' 7:15

Namba na aha tinoka i kaunyo nu Yordan. I tutuus na jalan pakean ka' to paka-pakakas nu aha mian Siria notanatamo iwi-iwi' aijo' memo pinaha bahetakon sumo aijo', nu aha mian Siria, kalana mian nu Siria nalaimo. To posa-posaihon ninsusule' ka' pinoto'inyomo hi tomundo'.

2 TOMU-TOMUNDO' 8:9

I Hazael nongalamo 40 na unta ka' pinaha posake'an apa-apaa na anu i humpak i kota Damsyik lantas nambamo hi Elisa. Salatan tinokamo i kajojoongan i Elisa, pinoto'imo i Hazael, “Posaihon nu belento i tomundo' Benhadad, nonsaimo mae aku da mompokilawakon pa' daagi' ia ma'alin kabai madi'mo.”

MAZMUR 112:9

Ia mombagi-bagiakon halata'nyo, ka' mombee'i apa-apaa hi mian anu kasiasi; ia saja' mombau anu ma'ima', kalana aijo' ia balakuasa ka' oholomati.

ANU MOMPOLELE POTATAE NU TUMPU 11:1

Balanjakon na doi nu beleyum isa'angu' na usaha kiijo' mae ilipu' anu isantano'an. Beleyum tionyo mohumpak kauntungan imihinyo mae.

ANU MOMPOLELE POTATAE NU TUMPU 3:5

Tempo'nyo da moduhus ka' tempo'nyo madi' timbali moduhus, tempo'nyo montanggogoli ka' tempo'nyo pagala mongintim kinyonyoa.

ANU MOMPOLELE POTATAE NU TUMPU 3:7

tempo'nyo da mombeak, ka' tempo'nyo mongka'ut, tempo'nyo ola momohokot, ka' tempo'nyo motatae.

MATIUS 19:29

Ka' batu-batu mian anu nompala'imo laigan, kabai utus mo'ane, kabai utus boune, kabai tina tuuma, kabai to ana-anak, kabai ale', kalana Aku, mian aijo' montalimaje mule' pinsa'atu lipat. Ka' ia montalimaje mule' kantumuu'an anu talakana' ka' sampe toka sidu-sidutu'.

SISIKON NU TO RASUL-RASUL 27:19

Dodododopnyo mule' anu mokalaja i kapan aijo' nongalin mule' to paka-pakakas nu kapan nokaiyong i ambai nu lima nu aha.

SISIKON NU TO RASUL-RASUL 27:38

Salatan sinukupmo iwi-iwi' na nongkaan, aha nongalinmo gandum anu sinake' nokaiyong i ambai da kapan timbali laing.