ANU MOMPOLELE POTATAE NU TUMPU 3:22 - KITAB NU TUMPU ALLA LELE MA'IMAI'

²² Kalana aitu sinumbu'kumo, saba' madi' ko anu lebe ma'ima' hi manusia, kalana anu lebe ma'ima' mongoa'i hasin nu kalajanyo. Sangga'at madi' ko anu pinoko ala binaunyo. Madi' bisa ia monsumbu' apaa na anu jadi de ia silakamo.

ANU MOMPOLELE POTATAE NU TUMPU 3:22 ပူးပေါင်းရင်းမြစ်များ

AYUB 14:21

To ana-anaknyo tinimbalimo mian anu tinalasanggomo, panyo ia madi' nonsumbu-sumbu'. Ka' de bisuannyo aha madi'mo o angga'i madi' ko anu mompoto'i hi ia.

ANU MOMPOLELE POTATAE NU TUMPU 10:14

Memang mian anu ponga' manjoo' na potatae; sinaa anu aiya mae i ahop madi' osumbu-usumbu' nu kita iwi-iwi'. Madi' ko anu moko ala mongkila-kila kajadian salatan kita i madi'anmo.

ANU MOMPOLELE POTATAE NU TUMPU 11:9

O belemiu to oli-olitau ka' to lalangkoyang, oa'i pe'e na kasanangan de daagi olitau ka' langkoyang! Balame-lame'mo de belemiu hau-haunyo tumimpasje. Baumo iwi-iwi' apaa na anu nu kahanda'i nu nyawa nu belemiu, ka' mule' baumo iwi-iwi' apaa na anu iniatmo nu kinyonyoa nu belemiu. Panyo o inau' ahi' na Tumpu anu kiita i suluga', Ia na momputusi saidi' mae palabuatanto iwi-iwi'.

ANU MOMPOLELE POTATAE NU TUMPU 2:18

Iwi-iwi' na hasin nu kalajangku ka' anu i humpakkumo madi' ko gunanyo hi belengku, kalana ku po una'mo ahi' hi mian anu mombolosakon aku.

ANU MOMPOLELE POTATAE NU TUMPU 2:24

Madi' ko anu lebe ma'ma' hi mian de misa' mongkaan ka' monginum ka' mule' molasa hasin nu kalaja. Aku iwi-iwi sumbu'je taalu' aijo' ola halala' nu Tumpu.

ANU MOMPOLELE POTATAE NU TUMPU 6:12

Mosia na mian timbali monsumbu' apaa na anu lebe ma'ima' hi ia i uno nu kantumuu'annyo anu madi' umun ka' madi' ko gunanyo, ka' motulu ola susumo lolung? Mosia na mian timbali mangalati' apaa na anu jadi saidi mae i dunia aiya de ia silakamo?

ANU MOMPOLELE POTATAE NU TUMPU 7:14

Jadi bilahimo ahi' de beleyum nohumpakmo dale'. Panyo de beleyum nu tokaimo nu balaa' boli okolilimi saba' Tumpu nombee'mo ohu-ohua' aijo'. Apaa na anu jadi mule' madi' osumbu'to.

ANU MOMPOLELE POTATAE NU TUMPU 8:15

Kukodo-kodo'imo sumo uuka: saba' mian lebe ma'ima saja' lame'. Kalana kantumuu'annyo i dunia aiya, madi' ko kasanangannyo sangga'at, malaingkan mongkaan, monginum ka' balame-lame'. Olamo aijo' na timbali nu oa'i i uno nu usahanyo. Anu binee'nu Tumpu hi ia tempo'nyo daagi tutuu'.

ANU MOMPOLELE POTATAE NU TUMPU 8:7

Madi ko samian pe'e na moko ala monsumbu' pa' nasib apaa na o ahopi; ka' madi' ko anu moko ala montaloakon apaa na anu jadi saidi' mae.

ANU MOMPOLELE POTATAE NU TUMPU 9:12

Mian madi' monsumbu' pa' hipian na tempo'nyo toka mae. Susumo tomonsi' nu konamo nu so'o ka' mule' ikan nu konamo nu buani'. Sumo aitumo na manusia de nu tokaimo mae nu balaa' isa'angu' na tempo anu madi' sinangka-sangka.

ANU MOMPOLELE POTATAE NU TUMPU 9:6

Kinyonyoa mongka'ima'i, mongka'ideki, ka' mule' napisunyo, iwi-iwi' silakamo tiba ia. Ia madi'mo daagi mongala bahagian apa-apaa; i han iwi-iwi' anu jinadimo i dunia aiya.

DANIEL 12:13

Beleyum, Daniel, tulu-tulutan ahi' sampe toka imihinyo mae. Beleyum tantu silaka, panyo po ule' tumuu' ka' montalimamo tambonyo na beleyum de tokamo na tempo'nyo nu kakiamatan.” 45

MATIUS 6:34

Kalana aijo', boli bata-bata mongkona sinaa dodop. Kalana dodop koposi bata-batanyo. Sinaa uuka sukupmo na kasusa'annyo bolimo daagi o tuangi mule'.”

PO'ULE' INGULIT 12:18

Belemiu tiba to ana-anak nu belemiu hingga-hinggat tiba to posa-posaihon nu belemiu tiba to mia-mian nu aha Lewi anu jojoong i kota nu belemiu tionyo ahi' mongkaan palasombahan aijo' i ahop nu Tumpu Allah nu belemiu, i tampat anu pinile'anmo nu Tumpu Allah nu belemiu. Ka' i tampat aijo' tionyo ahi' belemiu mongkalame'i kalana iwi-iwi' apaa na anu binaumo nu belemiu.

PO'ULE' INGULIT 12:7

Ikiijo' suele i ahop nu Tumpu Allah nu belemiu, belemiu hingga-hinggat tiba to ana-anak nu belemiu tionyo ahi' mongkaan ka' mongkalame'i usaha miu iwi-iwi' anu kino hasinnyomo kalana binalakatanmo nu Tumpu Allah nu belemiu.

PO'ULE' INGULIT 28:47

Belemiu binalakatanmo nu Tumpu Allah nu belemiu i han iwi-iwi', panyo belemiu madi' mompalesaya Ia nu kinyonyoa anu totu-totu'u ka' madi' mongoa'i sanang.