ANU MOMPOLELE POTATAE NU TUMPU 3:2 - KITAB NU TUMPU ALLA LELE MA'IMAI'

² Tumpu na nontantukan tempo'nyo nu mompohampe ka' tempo' nu silaka, tempo'nyo nu mosu'an ka' tempo'nyo nu mombubut,

ANU MOMPOLELE POTATAE NU TUMPU 3:2 ပူးပေါင်းရင်းမြစ်များ

KAJADIAN 17:21

Panyo palajanjian-Ku, Ku pokonamo hi Ishak, anak nu beleyum anu nu hampe'akonje i Sara, taun aiya mae i ahop kila-kila susumo sinaa uuka aiya.”

KAJADIAN 47:29

Salatan ohanimo na tempo'nyo ia silakamo, ilaganyomo na i Yusuf anaknyo aijo', lantas pinoto'inyomo hi ia, “Potiik mae na lima nu beleyum i olot nu jalempakan nu pa'angku ka' basumpa' saba' beleyujm madi' molamun aku i Mesir aiya.

1 TOMU-TOMUNDO' 13:2

Kalana Nabi aijo' pinokau nu Tumpu sahingga ia notataemo daka-daka' i mezbah aijo' “O mezbah, o mezbah! Sumo uuka na koonyo nu Tumpu, 'Samian na anak anu osanggohije i Yosia, saidi' mae hampeje hi lee' mae i Daud. Aita' hi beleyum atina' o mezbah, nu pateije na to ima-imam anu mokalaja i tampat lewa' ponsomban pilogot, ka' anu monsombahkonmo koloban atina' hi beleyum. Ka' atina' hi beleyum mule' notatae na nabi aijo' nu papuije na to buku-buku nu mian.’ ”

2 TOMU-TOMUNDO' 4:16

Lantas pinoto'imo i Elisa hi ia, “Taun aiya mae i ahop, susumo uuka aiya belento Pontina'on montangkungmo samian na bunga mea' mo'ane.” “Kita Tuuma boli baleko'! Na koonyo nu boune aijo'. Kita Tuuma aiya posaihon nu Tumpu Allah!”

AYUB 14:14

Kalana de bisuannyo manusia silakamo te ia daagi' po'ule' tumuu'? Toka sansina-sinaa na aku montanda'i sampe tokaje na tempo'nyo madi'mo ko kasansala'anku anu sumo aiya.

AYUB 14:5

Konjoo'nyo nu umun nu manusia tinantukanmo nu Belento; konjoo'nyo nu bitu'onnyo pinatikolomo nu Belento. Ka' mule' kinoyomo nu Belento toka iya na kantumuu'annyo; ia madi' timbali moliu-liu.

AYUB 7:1

Manusia aijo' sumomo anu opakisa na montanga'i mombau apa-apaa; susa' hondo na kantumuu'annyo sumomo kantumuu'an nu mian anu mongala tambo;

MAZMUR 113:9

Ia nombalakati bengkele' anu lengke'mo da nohumpak to pia-piangkuka na anak, ka' nompotimbalimo ia totina anu nohumpakmo ka'ima'an ka' oholomati i laigannyo. O puji' na Tumpu!

MAZMUR 52:5

Sahanyo mongka'ima'i palabuatan ma'idek ka' madi'mo mongka'ima'i palabuatan anu ma'ima', sahanyo baleko' ka' madi'mo montaeakon potatae anu totu'u.

AMSAL 24:27

Boli pe'e beleyum mo'osoa de ma'isa pe'e beleyum momposadia ale'nu beleyum ka' ko polioanmo.

YESAYA 28:24

Samian na anu topo ale' madi' mesaja' mompajeko mompason ka' lewa' mongkahuk tano'nyo da osu'animo.

YESAYA 38:1

Itempo'mo aijo' na i Hizkia nasakit ka' me sangkiding sinilakamo. I Nabi Yesaya anak i Amos nambamo nontoa ia ka' nompoto'i, “Pinotuun mae nu Tumpu da belento Tomundo' mompobelesmo iwi-iwi' na ulusan, kalana belento Tomundo' madi'mo daagi' ma'alin. Madi'mo pin belento Tomundo' silakamo.”

YESAYA 38:5

da po ule' minsusule' hi Hizkia ka' opoto'i na potuunon-Ku sumo uuka, “Aku, Tumpu, Tumpu nunu sombah i Daud mompolee' nu beleyum nohongomo do'a nu beleyum ka' nontoamo lolu' nu beleyum. Daagi' Kutuangi sampulu' ka' olima' na taun na umun nu beleyum.

YESAYA 54:1

O, Yeruslaem, u'utu mae beleyum sumo boune anu lengke' anu madi' moko ala monganak. Panyo uuka aiya balame-lame'mo, ka' bila-libahimo na manyanyi! Kalana to ana-anak nu beleyum manjoo' hondo, molingkudui anak nu boune anu madi' nupala'i nu langkai'nyo.

YEREMIA 1:10

Sinaa aiya Ku bee'mo hi beleyum na kusa da mongkuasai bansa-bansa tiba kalaja'an-kalaja'an – kuasa da timbali montua'akon ka' timbali mohobo'akon, da timbali mompobahangkang ka' da timbali monsilakai, da timbali mompotinjo, ka'da timbali monsu'an.”

YEREMIA 45:4

O Barukh! Aku, Tumpu hau-haunyomo mohobo'akon anu pinotinjong-Kumo ka' mule' hau-haunyomo monggautakon anu sinu'an-Kumo. Songko-songko na dunia Ku baumo susumo aijo'.

MATIUS 13:41

Anak nu Mian monsaije to mala-malaikat-Nyo molimu' miannyo iwi-iwi' anu nonsaduakonmo mian nombau dosa', ka' iwi-iwi' mian sangga'at anu nombau ka'idekan.

MATIUS 15:13

I Yesus nontaami, “Batu-batu pomulaon anu madi' sinu'an nu Tuumang-Ku i suluga' o bubutakon.

LUKAS 1:13

Panyo koonyo nu malaikat aijo', “Boli mabuhuk, Zakharia! Tumpu mohongo do'aum. Bengkele'um i Elisabet tionyo mohampeakon samian na anak mo'ane. Beleyum tionyo monsanggohi ia, i Yohanes.

LUKAS 1:20

Apaa na kutaloakon, tionyo tontimbali toka i tempo'nyo. Panyo kalana beleyum madi' palesaya, beleyum madi' moko ala basisik; beleyum tionyo momo' sampe apaa na anu tinaloakonku aijo' tontimbalimo.”

LUKAS 1:36

Inau': I Elisabet, tominsanum kiijo' pinoboamo anomo na bitu'on, mau mule' ia notu'amo, ka' mian nontaloakon tukoonyo nu aha, ia lengke'.

YOHANES 16:21

De samian na boune ohanimo na mohampeakon, ia susa' kalana tempo'nyomo na ia mongoa'i sansala. Panyo salatan anaknyo i hampemo, nukolilimimo nu boune aijo' na sansala anu ingoa'annyo, kalana lame' samian na bungamea' i hampemo i dunia.

YOHANES 7:30

Tempo'nyo aitu aha kahanda'mo mohakop i Yesus, panyo madi' ko anu baani montongi Ia, kalana ma'isa pe'e tinoka na tempo'nyo.

SISIKON NU TO RASUL-RASUL 7:17

Salatan malia'mo na tempo'nyo Tumpu mompodaagi'mo janji'-Nyo hi Abraham, bansanto i Mesir nintuangmo lebemo dina'isan.

SISIKON NU TO RASUL-RASUL 7:20

Tempo'nyomo aitu na kinahampean i Musa; ia bunga mea' anu ma'ima' hondo. Tinotolu' na bitu'on na kinopinnyo ia pinotuu' i laigan nu tuumanyo,

GALATIA 4:4

Panyo tinokamo i tempo'nyo anu tinantukanmo, Tumpu nonsaimo mae Anak-Nyo namba i dunia. Anak-Nyo aijo' i hampeakon nu samian na boune ka' tinumuu'mo i uno nu kakuasa'an nu atulan nu agama.

PO'ULE' INGULIT 34:5

Lantas sinilakamo na i Musa posaihon nu Tumpu i tano' nu Moab, susumo anu pinoto'imo nu Tumpu momonanyo.

IBRANI 9:27

Tumpu nontantukanmo mian silaka ola minsan ka' lapas aijo' oputusimo nu Tumpu.

1 SAMUEL 2:5

Mian anu u'utu mae mobosu, kalana manjoo' na kaanon, tempo' uuka aiya nongala tambomo, ola kalana da mohumpak anu okaan. Mian anu u'utu mae mo'ohop tempo uuka aiya na osamo kalana nanjoo'mo na anu okaan. Bengkele' anu lengke' tempo uuka aiya sinanangmo na kinyonyoanyo, popitu'mo na anaknyo na i hampe! Panyo bengkele' anu manjoo' na anaknyo, pinala ianmo, pinojohokmo da susa'.