ANU MOMPOLELE POTATAE NU TUMPU 3:18 - KITAB NU TUMPU ALLA LELE MA'IMAI'

¹⁸ Ku ala lia-lia' aijo'mo: Tumpu monguji' kita salaku pomponyata saba' nasibto madi' ko bedanyo tiba nasib nu binatang.

ANU MOMPOLELE POTATAE NU TUMPU 3:18 ပူးပေါင်းရင်းမြစ်များ

AYUB 15:16

Apaa mule' manusia anu palaganta ka' anu ko kasala'annyo, anu monggotup kalakuan anu ma'idek susumo uee.

AYUB 40:8

Pa' totu'u madi' nutalima nu beleyum na ka'adilan-Ku, ka' mompototu'u posi butong nu beleyum ka' mompisala'i mae aku?

MAZMUR 49:12

Aha jojoongmo i uno nu kubulan sampe toka sidu-sidutu'; aijo'mo na kajojoongan nu aha sidu-sidutu', maumo ahi' naipuan mae aha ko tano' manjoo'.

MAZMUR 49:14

Sumo aijo'mo na uki' nu mian anu montakabunakon butongnyo, ka kantumuu'an nu mian aiya mae i ahop anu ola saja' mongka'ima'i potataenyo.

MAZMUR 51:4

Baso'iakon mae na palabuatanku anu ma'idek; pobelesi'akon mae na dosa'ku.

MAZMUR 73:22

aku pinonga'mo ka' madi'mo nangalati' aku sumomo binatang i ahop nu Belento.

ROMA 3:4

Tantu misa'! Kalana manasamo Tumpu saja' totu'u, mau mule' batu-batu mian baleko'. I uno nu Kitab nu Tumpu tinulis, “Kahanda'nyo beleyum saja' o toa totu'u apaa na anu tinaloakonum, ka' mule' beleyum untung de tempo'nyomo oputusi na beleyum.”

ROMA 9:23

Tumpu mule' ko kahanda' mompotoa hi kita kabilahian anu molabi-labih binee'-Nyo hi kita anu nu Nu kalibosi. Kita tinoukaan-Nyomo mohumpak kabilahian aijo'.

IBRANI 9:27

Tumpu nontantukanmo mian silaka ola minsan ka' lapas aijo' oputusimo nu Tumpu.

1 PETRUS 1:24

I uno nu Kitab nu Tumpu tinulismo sumo uuka, “Iwi-iwi' na manusia sumo hemput, ka' iwi-iwi na katalasanggoannyo sumo buhak nu hemput. Hemput mangkaluale, buhaknyo suele mohontang;

2 PETRUS 2:12

Panyo to gulu-gulu' haha aijo', palias! Aha ola sumo binatang anu inganakakon da o hakop ka' opatei. Aha madi' ko inau'an apa-apaa; panyo ola mokalaja montuluti kabiasa'an nu dunia, sahingga nu gagakon nu aha na hahan anu madi' nu pangalati'i nu aha nu potatae haha aijo' salaku bau ponjojoa. Kalana aijo' posi kalajamo nu aha haha aijo', na aha mate susumo to bina-binatang mangahas.