ANU MOMPOLELE POTATAE NU TUMPU 3:14 - KITAB NU TUMPU ALLA LELE MA'IMAI'

¹⁴ Ku sumbu' iwi-iwi na usaha nu Tumpu tataap daagi' sampe toka sidu-sidutu'. Madi' bisa' montuangi kabai mongkulangi na mian. Ka' Tumpu mombau sumo aitu da kita mabuhuk hi ia.

ANU MOMPOLELE POTATAE NU TUMPU 3:14 ပူးပေါင်းရင်းမြစ်များ

2 SAMUEL 22:31

Palabuatan nu Tumpu Allah sinukupmo hondo apaa na anu jinanji'mo nu Tumpu opalesaya! Ia sumo kanta kona hi mian iwi-iwi' anu mamba hi Ia da nu jagai.

MAZMUR 33:11

Panyo tanga'an nu Tumpu na tataap ahi' sabole-bole jadi tanga'an-Nyo otaha'imani sampe toka sidu-sidutu'.

MAZMUR 64:9

Aha silakamo kalana potatae nu aha na monsaduakon; iwi-iwi' na anu montoa kino bilok-bilokmo.

MAZMUR 76:10

Salatan Belento nobungkutmo, kahanda'mo momputusi da oposalamatmo na mian anu sinakisamo i dunia aiya.

AMSAL 19:21

Manusia talalo hondo manjoo' na tanga'an, panyo ola ahi' kaputusan nu Tumpu na jadi obau.

AMSAL 21:30

Madi' ko kapandean, ilimu', kabai kapandean mompopikilakon anu moko ala balatahan i ahop nu Tumpu.

AMSAL 30:6

De beleyum montuangi apaa na anu tinaloakon-Nyomo, saba' Nu tewa'mo na beleyum ka' Nu poto'imo saba' beleyum baleko.”

ANU MOMPOLELE POTATAE NU TUMPU 12:13

Salatan iwi-iwi' pinotutugakonkumo; aiyamo na kasingkatannyo nu anu ihumpaku. Kabuhuk na Tumpu ka' otuluti na palentah-Nyo iwi-iwi'. Kalana makisud aijo' sahingga manusia pinotimbali-Nyomo.

ANU MOMPOLELE POTATAE NU TUMPU 5:6

Susumo mongipi manjoo' panyo aijo' madi' ko alati'nyo, sumo aijo' mule, manjoo' na potatae madi' ko gunanyo. Panyo okabuhuk ahi' na Tumpu.

ANU MOMPOLELE POTATAE NU TUMPU 5:7

De montoa polaya' mongkabisa'i mian anu kasiasi boli bangang, mongagoi hak nu aha ka' madi' mombee'i aha ka adilan. Toto samian na pegawenyo nu lindungi nu atasannyo ka' ua-ua aha aijo' na aha nu lindungi nu anu lebe matangkas na pangkatnyo.

ANU MOMPOLELE POTATAE NU TUMPU 7:18

Opimpalii na ohu-ohua' aijo'. De kita mabuhuk hi Tumpu, totu-totu'u apaa na anu obaunto jadi ma'ima'.

YESAYA 46:10

Salatamo pe'e momonanyo mae pinoto'ing-Kumo na hahan anu imihinyo mae jadi, naipuan pe'e mae kinila-kilang-Kumo apaa na anu jadi aiya mae i ahop. Aku notataemo: Anu tinantukan-Kumo tinyo ahi' jadimo, anu kinahanda'an-Kumo tionyo ahi' Ku baumo!

DANIEL 8:8

Mee' lakinyo aijo' kinodaka-daka'nyomo. Panyo salatan sinukupmo hondo na kakuasa'annyo nopato'mo na tanduknyo anu daka' hondo aijo', lantas i tampat aijo' mule' tinumuu'mo opat na tanduk anu mantan, toto sa'angu' madi' pokakana na nu patui nu tanduk aijo'.

SISIKON NU TO RASUL-RASUL 2:23

Posi pongka'oho'-Nyo na Tumpu nomputusi da obee' na i Yesus hi komiu. Ka' salatan binee' na Ia, komiu nompateimo Ia ka' nompojohokmo to mia-mian ma'idek nonsalib Ia.

SISIKON NU TO RASUL-RASUL 4:28

Aha nosa'angu' da mombau apa-apaa, anu tinantukanmo nu Kita momonanyo saba' aijo' tionyo timbali. Ka' Kita montantukanmo aijo' nu kakuasa'an ka' posi Pongka'oho'-To.

SISIKON NU TO RASUL-RASUL 5:39

Panyo de aijo' nolengkat mae hi Tumpu, tantu to Utu-utus madi' moko ala mohungku'i aha. Panyo ola ahi' ugaat to Utu-utus na madi' mohongo-hongo Tumpu.” Pokinde' i Gamaliel aitu tinalima nu Mian Kopian Daka' nu Agama.

ROMA 11:36

Tumpu na nombau iwi-iwi' aijo'. Iwi-iwi' nolengkat mae hi Tumpu tiba mule' bau kapentingan nu Tumpu. Puji' na Tumpu sampe toka sidu-sidutu'! Amin.

EFESUS 3:11

Tumpu nombau aijo' pokakana tiba tanga'an-Nyo anu madi' ko kamingkotannyo, sampe toka sidu-sidutu', anu binau-Nyomo nontului jalan hi Kristus Yesus Tumpunto.

PO'ULE' INGULIT 32:4

Tumpu anu baani hondo na Monsangaja'i belemiu, apaa na anu binau-Nyomo na'ima'mo hondo, ka' iwi-iwi' na atulannyo adin hondo. Tumpu Allah nu belemiu madi' baleko' ka' madi' geguan na Ia, Ia saja' mombau anu ma'ima' ka' madi' toho' sala'.

TITUS 1:2

Pangajalan aijo' nimpu'u i anu otaha'imani, aijo'mo kita montalimaje kantumuu'an kopian ka' sampe toka sidu-sidutu'. Tumpu Allah nonjanji'mo kantumuu'an aijo' ma'isa pe'e dunia aiya tinimbali – ka' Tumpu madi' toho' baleko'.

YAKOBUS 1:17

Batu-batu taju anu ma'ima' ka' palasen anu ma'ima' pinolengkatannyo mae i suluga', tinau'akon nu Tumpu, anu Nompotimbali iwi-iwi na anu ma jingka i langit. Iamo na Tumpu anu madi' mongabali' ka' madi' mule' monsaduakon kapintungan mau mule' pa' mosiamo.

ANU PINOTO'I HI YOHANES 15:4

Ihe na anu madi' mabuhuk hi Kita Tumpu? Te ihe na madi' mongka'oho' mompolele katalasanggoan-To! Olamo Kita na anu susi'. Iwi-iwi' na bansa tokaje mae monsombah Belento kalana apa-apaa na anu binaumo nu Belento mian iwi-iwi' nontoamo.”