ANU MOMPOLELE POTATAE NU TUMPU 3:11 - KITAB NU TUMPU ALLA LELE MA'IMAI'

¹¹ Ia nontantukanmo tempo' anu madi' sala' hi iwi-iwi' na anu jinadimo. Ia nombee'imo anu oka'ima' into da monsumbu' apaa na aiya mae i ahop, panyo kita madi' moko ala monsumbu' palabuatan nu Tumpu daagi' pe'e i monanyo toka-toka imihinyo.

ANU MOMPOLELE POTATAE NU TUMPU 3:11 ပူးပေါင်းရင်းမြစ်များ

KAJADIAN 1:31

Tumpu nontoa iwi-iwi' apaa na anu binau-Nyomo aijo', ka' sinanangmo hondo na Ia. Tinomboliu na malom tinimbalimo na sinaa daagi subu. Aijo'mo na sinaa anu ko anomnyo.

AYUB 11:7

Te nupoko ala mule' nusumbu' nu beleyum totu-totu'u na tanga'an nu Tumpu Allah anu sahondo-hondonyo? Te nupoko ala mule' nusumbu' nu beleyum na kuasa-Nyo?

AYUB 37:23

Daka' hondo na kuasa nu Tumpu Allah-nto; madi' opoko alanto na mongohani Ia, ia madi' tageo' ka' saja' adin; ia madi' toho' monsansalai manusia.

AYUB 5:9

Iwi-iwi' na anu binaumo nu Tumpu Allah talalo hondo oka bangangi; madi' opoko ala osumbu-sumbu'to. Anu okabangangi iwi-iwi' bibinau-Nyomo madi' opoko ala osumbu'to na konjoo'nyo ka' madi' ko kamingkotannyo.

MAZMUR 104:24

Talalo hondo manjoo' na anu pinotimbalimo nu Belento, Tumpu, iwi-iwi' pinotutugakonmo nu Belento ima-ima' na nompotimbali; dunia nobuke'mo nu anu pinotimbalimo nu Belento.

AMSAL 16:4

Sinin na apaa na anu nu bau nu Tumpu ko makisud-Nyo; ka' makisud nu mian anu ma'idek na kinyonyoanyo ola kasilakan.

ANU MOMPOLELE POTATAE NU TUMPU 1:13

Pinagala sinelidikanku ka' nonggulu'i ima-ima' apaa na anu jinadimo i dunia aiya. Nasib anu pinosadiamo nu Tumpu Allah hi kita nonsaduakonmo da kinyonyoanto sinusa'mo hondo.

ANU MOMPOLELE POTATAE NU TUMPU 11:5

Tumpu na nompotimbali iwi-iwi' anu idunia aiya; ka' manusia madi' monsumbu' apaa na anu binau-Nyomo, sumo aitu mule' ia madi monsumbu' kantumuu'an anu salaje mae jadi i uno nu ma'alum nu samian na totina.

ANU MOMPOLELE POTATAE NU TUMPU 7:13

Palahatikan na pakalaja'an nu Tumpu. Kalana ihe na moko ala mompohodi' apaa anu pinotageo'mo nu Tumpu?

ANU MOMPOLELE POTATAE NU TUMPU 7:23

Iwi-iwi' aijo' inguji'kumo nu kapandeanku bapikin; panyo maumo ahi' sabole-bole ku lio na kapandean bapikin aijo' panyo ola mule' ahi' mompaka pajo'on na ia hi belengku.

ANU MOMPOLELE POTATAE NU TUMPU 7:29

Ola aiya na anu i humpaku: Tumpu nompojadimo kita, sinaimbangganmo ahi' na kino ima'nyo. Panyo posi kitamo ahi' na nombau kasusa'an ibutongto ka' palabuatan anu minggeo-geo'.

ANU MOMPOLELE POTATAE NU TUMPU 8:17

madi' opoko pangalati'into na anu kahanda' nu bau nu Tumpu. Mau mosiamo na kita bala usaha madi' opoko ala opangalati'into. Mian anu pande mangaku tukoonyo ia na monsumbu' panyo sabenannyo ia madi' ahi' monsumbu'.

MATIUS 11:27

Lantas i Yesus notatae, “Iwi-iwi na apaa pinotalimamo nu Tuuma hi beleng-Ku. Madi' ko samian pe'e monsumbu' Anak, de misa' Tuuma. Madi' mule' ko anu monsumbu' Tuuma de misa' Anak, ka' to mia-mian maumo ihe na Anak aijo' monsisikakon Tuuma.

MATIUS 13:22

Bine' anu nanabu' i totonga' nu sompinit, sumomo to mia-mian anu mohongo lele aijo', panyo bata-bata mongkona kantumuu'an nu aha, ka' mongka'oho' tumuu' molabi. Kalana aijo' lele anu lengkat mae hi Tumpu, ola o piiti i kinyonyoa nu aha, sahingga madi' mimbua'.

MARKUS 7:37

Ka' iwi-iwi' na mian anu nohongo aijo' binangang hondo. Aha notatae, “Iwi-iwi' binaunyo ima-ima'! Ka' mule' ia nombau mian ma bongon mohongo, ka' mian momo' timbali motatae!”

ROMA 1:28

Kalana mian madi'mo mongoa'i palalu monsumbu' Tumpu Allah, sahingga Tumpu mompojohok pikilan nu aha da timbali ma'idek, sahingga aha mombau hahan anu madi' timbali nubau nu aha.

ROMA 11:33

Totu'u daka' na kakaya'an nu Tumpu! Totu'u daka' na kapandean-Nyo tiba ponsumbu'an-Nyo! Ihe na moko ala monsumbu' anu pinoko potantu-Nyomo? Ihe na moko ala monsumbu' bau-baunyo nu Ia mokalaja?

PO'ULE' INGULIT 32:4

Tumpu anu baani hondo na Monsangaja'i belemiu, apaa na anu binau-Nyomo na'ima'mo hondo, ka' iwi-iwi' na atulannyo adin hondo. Tumpu Allah nu belemiu madi' baleko' ka' madi' geguan na Ia, Ia saja' mombau anu ma'ima' ka' madi' toho' sala'.