ANU MOMPOLELE POTATAE NU TUMPU 2:8 - KITAB NU TUMPU ALLA LELE MA'IMAI'

⁸ Ingalangkumo na salaka tiba mosoni' hasin anu ingala hi to tomu-tomundo' lengkat mae hi lipu-lipu' anu ku palentah. Anu togu manyanyi mo'ane kabai boune nomposanangmo kinyonyoangku nu nyanyian-nyanyian nu aha. Konjoo'nyo nu to amba-amba hue'ku yayamo na anu ku ka'ima'i.

ANU MOMPOLELE POTATAE NU TUMPU 2:8 ပူးပေါင်းရင်းမြစ်များ

2 SAMUEL 19:35

Umunku walumpulu'mo na taun, ka' madi'mo ko anu timbali momposanang kinyonyoangku. Madi'mo ko anu ku oa'i sanang na anu ku kaan kabai ku inum, ka' madi'mo moko ala mohongo anu manyanyi. Aku monsansalamo belento Tomundo'.

1 TOMU-TOMUNDO' 10:10

Lapas aijo' tomundo' boune nu lipu' Syeba nombe'eimo palasen hi Salomo anu binoanyo mae kila-kila 4.000 kilogram na mosoni' ka' suele batu nu mainan manjoo' hondo ka' manjoo'na lampa-lampa. Madi'mo daagi' toho' i Salomo nohumpak manjoo'na lampa-lampa anu sumo aijo' na konjoo'nyo susumo anu bine'eje nu tomundo' boune nu lipu' Syeba hi ia. (

1 TOMU-TOMUNDO' 10:14

Sataun toka sataun i Tomundo' Salomo mohumpak mosoni' mongohanimo 23.000 kilogram,

1 TOMU-TOMUNDO' 10:21

Iwi-iwi' na pakakas bau ponginuman i Salomo, mosoni' na binau, ka' iwi-iwi' na pakakas anu pino'una' i Laigan Alas Libanon suele mosoni' anu madi' ko galo'nyo na binau. Madi' ko anu salaka na binau, kalana tempo'nyo daagi' i Salomo nompalentah mian montoa salaka aijo' madi' ko olinyo.

1 TOMU-TOMUNDO' 11:3

Aha 700 na to lalangkoyan anak nu mian daka' na ingosoan i Salomo ka' daagi' mule' ko ambahue'nyo aha 300 na boune. Boune haha aijo' na nonsaduakon i Salomo nohikumo Tumpu Allah,

1 TOMU-TOMUNDO' 14:27

Ka' salaku binau pombolosi i Tomundo' Rehabeam noki baumo to kanta-kanta tambaga ka' pinoki jagannyomo hi to sulu-suludadu anu monjagai sabatan daka' laigan nu tomundo'.

1 TOMU-TOMUNDO' 9:14

Molabi 4.000 kilogram na mosoni' anu binee'mo i Hiram hi Salomo.

1 TOMU-TOMUNDO' 9:28

Aha toho' tinalabut namba i lipu' Ofir mongala 14.000 kilogram mosoni' ka' binoamo nu aha hi Salomo.

1 TAWARIKH 25:1

Anu mongatun de monsombahmo Tumpu, i Tomundo' Daud ka' to pola-polaya' nu aha mian nu Lewi nompile'imo sa'anakan mae i Lewi aijo'mo: i Asaf, i Heman, tiba i Yedutun. Aha binee'an kalaja mompotoka potuunon nu Tumpu Allah ka' okuti'akon kasapi', gambus ka' simbal. Anu molaya' aha de monsombahmo Tumpu ka' mosia na atulannyo toto sangahan pinile'anmo ka' tinompu-tompukmo na mian sumo uuka:

1 TAWARIKH 25:6

Iwi-iwi' na anak i Heman haha aijo' mompahaikakon musik simbal kasapi' ka' gambus anu molaya' aijo'mo tuuma nu aha ka' aijo' opahaikakon de monsombahmo Tumpu i Laigan nu Tumpu. I Asaf, i Yedutun tiba i Heman binee'an kalaja susumo anu pinoto'imo i tomundo'.

2 TAWARIKH 9:11

Kau' aijo' binaumo i Salomo ojan i Laigan nu Tumpu ka' i laigan nu tomundo anu bau kajojoongannyo, ka' mule' obau kasapi ka' gambus anu o kuti' nu to mia-mian manyanyi. Ma'isa toho' ko anu sumo aijo' i lipu' Yehuda.)

ANU MOMPOLELE POTATAE NU TUMPU 1:2

Anu saja' Bapikin notatae; iwi-iwi' palasuma' madi' ko gunanyo! Kantumuu'an aijo' palasuma' iwi-iwi aijo' madi' ko alati'nyo.

DANIEL 3:15

Jadi uuka aiya, balasadia na belemiu tolodadupu ka' monsombah patong aijo' salatan musik opo onyi'mo? De belemiu madi' mongka oho' belemiu lau-laus olumbu'akonmo mokiijo' i uno nu apu hau-haunyo noakmo. Ka' pilogot iya mae na anu moko ala momposalamat belemiu i uno nu kakuasa'anku?”

DANIEL 3:5

De tolompet umonyi'mo ka' suele opo'onyi'mo na suling, kasapi', labana, serdam, ka' mule' pakakas nu musik sangga'at, to utu-utus tionyo ahi' tolodadupumo i ahop nu patong mosoni' aijo' ka' monsombah anu pipinotinjomo nu Tomundo' Nebukadnezar.

DANIEL 3:7

Sahingga salatan nohongomo pakakas nu musik haha aijo' pino onyi'mo nu mian, to mia-mian anu lengkat mae iwi-iwi na bansa tiba mule' tulunan nu bansa ka' basa' tinolodadupumo ahi' ka' nonsombahmo patong mosoni' ai-aijo'.

AMOS 6:5

Belemiu sanang na mombabali'i nyanyian susumo anu binaumo i Daud ka' belemiu mompahaikakon lagu-lagu aijo' tiba kasapi.