ANU MOMPOLELE POTATAE NU TUMPU 2:26 - KITAB NU TUMPU ALLA LELE MA'IMAI'

²⁶ Tumpu na mombee'i kapandean bapikin, tiba pangatahuan, ka' mule' kabilahian hi mian anu momposanang kinyonyoa-Nyo. Panyo mian anu baladosa' pinalentah-Nyo mokalaja molio lezeki ka' mule' montambun hasinnyo da obee' hi mian anu momposanang kinyonyoa nu Tumpu. Jadi iwi-iwi' aijo' madi' ko gunanyo ola ahi' susumo mompagala mololoi' mombun.

ANU MOMPOLELE POTATAE NU TUMPU 2:26 ပူးပေါင်းရင်းမြစ်များ

KAJADIAN 7:1

Lantas notataemo na Tumpu hi Nuh, “Ku toa na beleyum montuluti pongka'oho'-Ku. Jadi, pinsoopmo i uno nu kapan atina' tiba bengkele' nu beleyum ka' to ana-anak nu beleyum.

AYUB 32:8

Panyo anu mombee'i kapandean bapikin hi manusia, ola Roh nu Tumpu Allah Anu Daka' hondo na kuasanyo.

AYUB 38:36

Hi he na pinonsumbu'an nu tomonsi' ibis, Kaunyo nu Nil mosawe'mo? Ihe na nompoto'i hi laki nu manuk tukoonyo ujan tudunmo?

MAZMUR 39:6

Talalo ahi' sasaingoni' na tinantukan nu Belento na umunku! De hi Belento kopinnyo nu kantumuu'anku madi' ko alati'nyo. Memang, manusia ola susumo opuhakon nu sawo nu manusia,

MAZMUR 51:6

Hi Belentomo, hi Belentomo na binaladosa'anku, ka' binaungkumo na anu nu anggap nu Belento ma'idek. Sahingga konanyomo ahi' na Belento mohukumo mae aku, adin memang na kaputusan nu Belento.

AMSAL 13:22

Mian anu manonong mombee' kakaya'annyo hi to maku-makumpunyo, panyo kakaya'an nu mian anu baladosa' opo una'mo hi mian anu hodi' na kinyonyoanyo.

AMSAL 2:6

Tumpu Allah na mombee'i kapandean bapikin; lengkat mae hi Ia na pohumpakan nu manusia ilimu' ka' timbali moko ala mangalati'.

AMSAL 28:8

Ihe na kinayamo kalana mongala bunganyo ka' talalo ahi' mongkekedi da ka'untungan, manjoo' kakaya'annyo aijo' saidi mae manabu' hi mian anu kokalibosan ka' hi mian anu kasiasi.

ANU MOMPOLELE POTATAE NU TUMPU 1:13

Pinagala sinelidikanku ka' nonggulu'i ima-ima' apaa na anu jinadimo i dunia aiya. Nasib anu pinosadiamo nu Tumpu Allah hi kita nonsaduakonmo da kinyonyoanto sinusa'mo hondo.

ANU MOMPOLELE POTATAE NU TUMPU 1:14

Tinoangkumo iwi-iwi' na palabuatan nu mian i dunia aiya. Palesaya na uuka, iwi-iwi' aijo' madi' kogunanyo, sumomo mompagala mololoi' mombun.

ANU MOMPOLELE POTATAE NU TUMPU 2:25

Ihe na anu timbali ola mongkaan ka' ola balasanang pada han madi' ko Tumpu?

ANU MOMPOLELE POTATAE NU TUMPU 3:10

Ku sumbu' saba' Tumpu nombee'imo kalaja anu maboat hi kita.

LUKAS 1:6

Kantumuu'an moto bengkele' aijo' momposanang kinyonyoa nu Tumpu. Ua-ua'aha tulut hondo i palentah ka' Atulan nu Tumpu Allah totu-totu'u.

YOHANES 16:24

Sampe tempo' uuka komiu ma'isa toho' nompoita apa-apaa momboa sanggong-Ku. Poitamo, komiu tionyo mohumpak, da kalame'an miu ma'ima'.”

YAKOBUS 3:17

Panyo mian anu daagi' ko kapandean anu nolengkat mae kiita' i bawo, ia na anu momona hondo lomas, lapas mule' mongka'ima'i dame, ma'ima' na kinyonyoa hi sangko mian, mohongo-hongo. Ia saja' mongkalibosi ka' kalakuannyo saja' ma'ima'. Ia madi' montinjohi sangga'at ka' madi' mimpula-pula.