ANU MOMPOLELE POTATAE NU TUMPU 2:24 - KITAB NU TUMPU ALLA LELE MA'IMAI'

²⁴ Madi' ko anu lebe ma'ma' hi mian de misa' mongkaan ka' monginum ka' mule' molasa hasin nu kalaja. Aku iwi-iwi sumbu'je taalu' aijo' ola halala' nu Tumpu.

ANU MOMPOLELE POTATAE NU TUMPU 2:24 ပူးပေါင်းရင်းမြစ်များ

1 TOMU-TOMUNDO' 4:20

Mian da'isan nu aha Yehuda ka' Israel konjoo'nyo sumomo bone' i biwi nu ambai. Sukup na anu nu kaan nu aha ka' anu nu inum ka' sanaang na kantumuu'an nu aha.

NEHEMIA 8:10

Jadi uuka pinsusule'mo; pongkaan ka' ponginum obau lame-lame' na kinyonyoa. Sambagian na anu o kaan nu belemiu ka' anggur anu o'inum nu belemiu bee' hi aha anu kinadaagi'anmo i anu o kaan, sinaa aiya sinaa anu tinantukanmo hi Tumpu Allah-nto, jadi bolimo susa' na kinyonyoa. Kalame'an nu kinyonyoa anu binee'mo nu Tumpu hi belemiu atina'mo na mompohoson belemiu.”

ANU MOMPOLELE POTATAE NU TUMPU 2:10

Sinin na anu ku ka' ima'i tionyo ku lasai sampe aku ma 'osa hondo. Madi' toho' ola kusabanakon na anu ku kahanda'imo mongoa'i kasanangan maumo pa'apaa. Sanang hondo na aku molasai hasin nu kalajangku ka' aijo'mo na tambongku.

ANU MOMPOLELE POTATAE NU TUMPU 2:25

Ihe na anu timbali ola mongkaan ka' ola balasanang pada han madi' ko Tumpu?

ANU MOMPOLELE POTATAE NU TUMPU 2:3

Ku gantang aijo'mo na palabuatan anu kubau, anu talalo hondo ma'ima' hi manusia da mongoa'i kantumuu'annyo anu madi' pin na tumuu' i dunia aiya.

ANU MOMPOLELE POTATAE NU TUMPU 3:22

Kalana aitu sinumbu'kumo, saba' madi' ko anu lebe ma'ima' hi manusia, kalana anu lebe ma'ima' mongoa'i hasin nu kalajanyo. Sangga'at madi' ko anu pinoko ala binaunyo. Madi' bisa ia monsumbu' apaa na anu jadi de ia silakamo.

ANU MOMPOLELE POTATAE NU TUMPU 5:17

Sahingga nangalati'mo na aku taalu' anu talalo hondo ma'ima' hi kita aijo'mo mongkaan, monginum ka' mongoa'i hasin nu kalajanto i uno nu kantumuu'an anu binee'mo nu Tumpu hi kita; aijo'mo nasibto.

ANU MOMPOLELE POTATAE NU TUMPU 6:12

Mosia na mian timbali monsumbu' apaa na anu lebe ma'ima' hi ia i uno nu kantumuu'annyo anu madi' umun ka' madi' ko gunanyo, ka' motulu ola susumo lolung? Mosia na mian timbali mangalati' apaa na anu jadi saidi mae i dunia aiya de ia silakamo?

ANU MOMPOLELE POTATAE NU TUMPU 6:2

Toto minsan Tumpu mombee'i kakaya'an, kaholomatan, halata' hi toto samian sahingga madi'mo daagi ko anu nu kamilui. Panyo Tumpu madi' mompobee'ia da mongoa'i iwi-iwi' anu bi nee'mo aijo'. Padahan mian anu madi' Nusumbu' na mongoa'i ahi' kakaya'an aijo'. Jadi iwi-iwi' aijo' madi' ko gunanyo ka' monsusa'i kinyonyoa.

ANU MOMPOLELE POTATAE NU TUMPU 8:15

Kukodo-kodo'imo sumo uuka: saba' mian lebe ma'ima saja' lame'. Kalana kantumuu'annyo i dunia aiya, madi' ko kasanangannyo sangga'at, malaingkan mongkaan, monginum ka' balame-lame'. Olamo aijo' na timbali nu oa'i i uno nu usahanyo. Anu binee'nu Tumpu hi ia tempo'nyo daagi tutuu'.

YESAYA 56:12

Anu topo palangu haha aijo' notatae, ‘Imbo' da kita monginum anggur ka' monginum sampe ma'osa! Dodop na lebe' mule' ma'ima' nulingkudui na sinaa uuka aiya!’ ”

MALEAKHI 2:2

O adati mae na Aku nu palabuatan nu belemiu. De belemiu madi' mongka'oho' mompotombihing potataeng-Ku, belemiu Ku kutukimo. Iwi-iwi' na anu ihumpakmo nu belemiu salaku lejeki obali'mo timbali kutuk. Memang ahi' iwi-iwi' na anu toto ima-ima' aijo' kinutukan-Kumo kalana belemiu madi' montapali palentang-Ku.

SISIKON NU TO RASUL-RASUL 14:17

Panyo Ia madi' kinolilimannyo na nombee'i to buku-bukuti' mongkona butong-Nyo, aijo'mo nombau anu ma'ima'. Ia nombee'i beleyum ujan lengkat i langit ka' hasin nu tano' toka i loonunyo. Ia mombee'i kaanon hi komiu ka' momposanang kinyonyoa miu.”

1 KORINTUS 15:32

De aijo' ola lengkat i pikilan nu mian, apaa na untungnyo hi belengku mompagala mokalaja susumo anu mongewa to bina-binatang bisa' i kota, i Efesus aiya? De totu'u mian silaka madi'mo po'ule' opotumuu', yo lebe ma'ima' obatukintomo na ande-andeon aiya: “Imbo' da kita mongkaan monginum ka' basanang-sanang kalana dodop manau' kita silakamo.”

PO'ULE' INGULIT 12:12

Okalame'i i ahop nu Tumpu Allah nu belemiu, hingga-hinggat tiba to ana-anak nu belemiu, to posa-posaihon nu belemiu ka' to mia-mian nu aha Lewi anu jojoong i iwi-iwi' na kota nu belemiu, kalana mian nu aha Lewi madi' binagian tano' i lipu' nu belemiu.

PO'ULE' INGULIT 12:18

Belemiu tiba to ana-anak nu belemiu hingga-hinggat tiba to posa-posaihon nu belemiu tiba to mia-mian nu aha Lewi anu jojoong i kota nu belemiu tionyo ahi' mongkaan palasombahan aijo' i ahop nu Tumpu Allah nu belemiu, i tampat anu pinile'anmo nu Tumpu Allah nu belemiu. Ka' i tampat aijo' tionyo ahi' belemiu mongkalame'i kalana iwi-iwi' apaa na anu binaumo nu belemiu.

1 TIMOTIUS 6:17

Hi to mia-mian anu kaya i dunia aiya tionyo ahi' nupoita nu beleyum da aha boli kobubuun, ka' boli montaha'imani to paka-pakakas anu madi' tataap – sumo hannyo nu kakaya'an. Aha tionyo montaha'imani Tumpu anu nombee'imo molabi-labi iwi-iwi na apaa hi kita, da olasainto.