ANU MOMPOLELE POTATAE NU TUMPU 2:23 - KITAB NU TUMPU ALLA LELE MA'IMAI'

²³ Maumo apaa na anu binaunyomo tempo'nyo daagi ia tutuu' ola saja' ia sinansala ka' noko pa idekan kinyonyoanyo. Maumo pihi kinyonyoanyo suele ma' idekan ahi'. Jadi iwi-iwi' aijo' madi' ko gunanyo.

ANU MOMPOLELE POTATAE NU TUMPU 2:23 ပူးပေါင်းရင်းမြစ်များ

KAJADIAN 3:17

Lantas Tumpu notataemo hi mo'ane aijo', “Beleyum nohongomo potatae nu bengkele' nu beleyum, lantas nongkaanmo bua' nu kau' anu tinewa'-Kumo boli okaan. Kalana apaa na anu binaumo nu beleyum aijo' sahingga tano' kinutukan-Kumo. Beleyum tionyo mokalaja make-makeke sampe toka sidu-sidutu' i uno nu kantumuu'an nu beleyum, da tano' aiya timbali mohasinakon kaanon anu sukup hi belemiu.

KAJADIAN 47:9

Tinaaman i Yakub, “Aku tinumuu'mo sa'atu ka tolumpulu'mo na taun salaku mian anu madi' tataap i sa'angu' na tampat. Kantumuu'anku saja' sinusa' ka' madi' tuu'an, de opokakanakon tiba umun nu mompolee'ku salaku mian anu madi' tataap i sa'angu' na tampat.”

ESTER 6:1

Pihi-pihi aitu suele i tomundo madi'mo tinohoyot. Kalana aijo' pinokipoitakonnyomo da o'alamo mae na kitab pinontulisan sisikon nu kalaja'an ka' pinalentahnyomo na mian nombasa'akon.

AYUB 14:1

Salatanmo pe'e manusia aijo' pinohampe madi' moko ala mombau apa-apaa, ka' madi' mahoson; umunnyo kodo' ka' saja' mongoa'i sansala.

AYUB 5:7

Misa'! Panyo lengkat mae hi manusia na anu mompotoka mae balaa' hi butongnyo, susumo bohotika' nu apu lengkat mae i apu aijo'.

MAZMUR 127:2

Ola palansumo na mokalaja makeke molio anu okaan, mobula subu-subu ka' hoyot tonga' pahuje, kalana Tumpu na mompotoukai aha anu Nu kalibosi, hau-haunyo aha hoyot.

MAZMUR 32:4

Sinaa tiba pihi Belento mompeedakon mae aku, o Tumpu hosonku ku oa'i ningkotmo sumomo ahi' anu sinosopmo nu singit anu mapengges hondo

MAZMUR 90:15

Bee'i mae na kami kantumuu'an anu ma'ima' anu sitimbangmo tiba kasansala'an mami anu ingoa'anmo mami i taun-taun kami nongoa'i kasansala'an.

ANU MOMPOLELE POTATAE NU TUMPU 1:13

Pinagala sinelidikanku ka' nonggulu'i ima-ima' apaa na anu jinadimo i dunia aiya. Nasib anu pinosadiamo nu Tumpu Allah hi kita nonsaduakonmo da kinyonyoanto sinusa'mo hondo.

ANU MOMPOLELE POTATAE NU TUMPU 1:18

Saba' mompaka pintuang na kapandean bapikin, sumo aijo' mule' mompaka pintuangmo na bata-bata. Mompaka pintuang na kapandean, mompaka pintuang mule' na kasusa'anto.

ANU MOMPOLELE POTATAE NU TUMPU 2:11

Panyo imihinyo mae pagala ahi' ku selidiki na kalajangku iwi-iwi', ka' mule' lawengku iwi-iwi' kahanda' mompomingkot kalaja aijo', saba' sinumbu'kuje na iwi-iwi' aijo' taalu' madi' ahi' ko gunanyo. Usahangku aijo' madi' ko gunanyo ola susumo mololoi' mombun,

ANU MOMPOLELE POTATAE NU TUMPU 5:12

Aku nontoa i dunia aiya daagi ko apa-apaa na anu momposusa' kinyonyoa. Samian na anu montambun halata' da bau ponginau kakulangan.

ANU MOMPOLELE POTATAE NU TUMPU 5:17

Sahingga nangalati'mo na aku taalu' anu talalo hondo ma'ima' hi kita aijo'mo mongkaan, monginum ka' mongoa'i hasin nu kalajanto i uno nu kantumuu'an anu binee'mo nu Tumpu hi kita; aijo'mo nasibto.

ANU MOMPOLELE POTATAE NU TUMPU 8:16

Salatan binala usahamo na aku da mohumpak kapandean bapikin; ka' pinalahatikankumo iwi-iwi' na anu jinadimo i dunia aiya, saba' sinumbu'kuje na aku taalu' maumo ahi' kita basusa-susa' sinaa ka' pihi madi'mo milawe,

DANIEL 6:18

Lapas aijo' sa'angu' na batu anu daka' hondo pinotonopmo i nganga' nu bolo' aijo' ka' sinapmo i tomundo' na batu aijo' nu sap nu kalaja'an ka' mule' sap numian anu to daka-daka' na pangkatnyo sahingga madi' ko samian pe'e na timbali mompobebas i Daniel da madi' nu sa'u nu singa haha aijo'.

SISIKON NU TO RASUL-RASUL 14:22

I kota-kota aijo' aha nompaka pohoson kinyonyoa nu anu saja' mombatuki Yesus ka' nompokinde'i anu saja' mombatuki aijo' da tataap palesaya hi Yesus. “Kita tionyo manjoo' na mongoa'i sansala i moonanyo, atina'je ka' kita mongoa'i ka'ima'an nu Dunia Bu'ou nu Tumpu,” sumo aitumo na to rasul-rasul aijo' mongajanakon hi anu saja' mombatuki Yesus i to kota-kota haha aijo'.