ANU MOMPOLELE POTATAE NU TUMPU 2:22 - KITAB NU TUMPU ALLA LELE MA'IMAI'

²² Madi' ko kamingkotannyo na manusia mokalaja maboat ka' talalo susa'; lantas iyamo na hasin nu lawenyo anu nu taha'imani?

ANU MOMPOLELE POTATAE NU TUMPU 2:22 ပူးပေါင်းရင်းမြစ်များ

MAZMUR 127:2

Ola palansumo na mokalaja makeke molio anu okaan, mobula subu-subu ka' hoyot tonga' pahuje, kalana Tumpu na mompotoukai aha anu Nu kalibosi, hau-haunyo aha hoyot.

AMSAL 16:26

Mongkahanda'i mongkaan mongkakeha'i mian da bala usaha; kalana monginau' ohop sahingga talapakisa bakalaja na ia.

ANU MOMPOLELE POTATAE NU TUMPU 1:3

I uno nu kantumuu'anto kita mokalaja, mompao'i lisongu. Panyo iya na hasinnyo anu timbali okinti-kintiakonto?

ANU MOMPOLELE POTATAE NU TUMPU 2:11

Panyo imihinyo mae pagala ahi' ku selidiki na kalajangku iwi-iwi', ka' mule' lawengku iwi-iwi' kahanda' mompomingkot kalaja aijo', saba' sinumbu'kuje na iwi-iwi' aijo' taalu' madi' ahi' ko gunanyo. Usahangku aijo' madi' ko gunanyo ola susumo mololoi' mombun,

ANU MOMPOLELE POTATAE NU TUMPU 3:9

Apaa na hasin nu lawento?

ANU MOMPOLELE POTATAE NU TUMPU 4:6

Ugaat aijo' na totu'u, panyo lebe ma'ima' mau ola sangkiding na halata' panyo ohinggati ahi' oposanang na kinyonyoa da boli mule' ahi' balakaja makeheh ohua' na lima ka' mololoi' mombun.

ANU MOMPOLELE POTATAE NU TUMPU 4:8

Daagi' ko mian anu ola tumuu' sausa' madi' ko anak, kabai pe'e utus. Mau sumo aitu ia saja' makeke na mokalaja ka' kinyonyoanyo madi' toho' ma'osa na montoa halata'nyo. Obee' hi he na hasin nu kalajanyo sahingga taha-tahahumo na mokalaja ka' madi'mo mongala kasanangan? Aijo' mule' madi' kogunanyo, ka' aijo'mo na kantumuu'an anu sansala.

ANU MOMPOLELE POTATAE NU TUMPU 5:17

Sahingga nangalati'mo na aku taalu' anu talalo hondo ma'ima' hi kita aijo'mo mongkaan, monginum ka' mongoa'i hasin nu kalajanto i uno nu kantumuu'an anu binee'mo nu Tumpu hi kita; aijo'mo nasibto.

ANU MOMPOLELE POTATAE NU TUMPU 8:15

Kukodo-kodo'imo sumo uuka: saba' mian lebe ma'ima saja' lame'. Kalana kantumuu'annyo i dunia aiya, madi' ko kasanangannyo sangga'at, malaingkan mongkaan, monginum ka' balame-lame'. Olamo aijo' na timbali nu oa'i i uno nu usahanyo. Anu binee'nu Tumpu hi ia tempo'nyo daagi tutuu'.

MATIUS 16:26

Apaa na untungnyo hi toto samian de songko-songko na dunia aiya timbalimo anunyo, panyo madi'mo nu humpak na kantumuu'annyo? Timbali na kantumuu'an aijo' otolosi nu sambu-sambumo?

MATIUS 6:11

Bee'i mae sinaa aiya kaanon anu o palalui mami.

MATIUS 6:25

Kalana aijo' o inau'; boli bata-bata i kantumuu'anum apaa na anu o kaan miu ka' o inum, kabai apaa na anu o pake miu. Te misa' kantumuu'an molingkudui anu o kaan, ka' butong molingkudui pakean?

MATIUS 6:34

Kalana aijo', boli bata-bata mongkona sinaa dodop. Kalana dodop koposi bata-batanyo. Sinaa uuka sukupmo na kasusa'annyo bolimo daagi o tuangi mule'.”

LUKAS 12:22

Lantas i Yesus notatae hi anu saja' mombatuki Ia, “Aijo' na sababnyo Aku motatae, ‘Boli bata-bata mongkona kantumuu' anum, aijo'mo pa' apaa na anu okaan miu, kabai apaa na anu opake miu.’

LUKAS 12:29

Jadi, bolimo bata-bata ka' bingong mongkona apaa na anu okaan miu ka' o inum.

1 KORINTUS 16:16

Totu-totu'u kupoto'i da komiu mohongo-hongo pongatun nu to mia-mian anu sumo aijo', tiba to mia-mian sangga'at anu mompahakalaja mompolele Lele Ma'ima' ka' mongatun hingga-hinggat tiba aha.

FILIPI 4:6

Boli bata-bata maumo pa'apaa. I uno nu iwi-iwi' na han, balado'a ka' potoka na poitaon miu hi Tumpu. Apaa na anu opalalui miu, saja' opoto'i na aijo' hi Tumpu, ka' montalima kase.

1 TIMOTIUS 6:8

Jadi de daagi' ko kaanon ka' pakean, aijo' sukupmo.

1 PETRUS 5:7

Sampa' o'asanakon iwi-iwi' hi Tumpu na anu ma'isa talalo matantu i uno nu kinyonyoa nu belemiu, kalana Ia na mongkalesang komiu.