ANU MOMPOLELE POTATAE NU TUMPU 2:21 - KITAB NU TUMPU ALLA LELE MA'IMAI'

²¹ Saba' manusia bakalaja talalo makeke kalana mompake kapandean bapikin, ilimu', pangatahuan ka' pande na mombau apa-apaa anu nu palalui. Panyo imihinyo mae ia tionyo ahi' mompala'i iwi-iwi' hasin nu lawenyo hi mian anu madi' hondo-hondo kino lisongunyo i han aijo'. Jadi aijo' suele madi' ahi' ko gunanyo ka' mule' ahi' madi' adin!

ANU MOMPOLELE POTATAE NU TUMPU 2:21 ပူးပေါင်းရင်းမြစ်များ

2 TAWARIKH 34:2

Ia nombaumo anu momposanang kinyonyoa nu Tumpu; ia nombatukimo sonto' i Tomundo Daud mompolee'nyo mae ka' nontulutimo iwi-iwi' atulan nu Tumpu Allah totu-totu'u.

2 TAWARIKH 35:18

Paskah anu sumo aijo' madi'mo toho' po'ule' i lame'akon salatanmo pe'e i Nabi Semuel. To Tomu-tomundo anu momonamo nompalentah anu ma'isa pe'e kino i Yosia nompalentah salaku tomundo, ma'isa toho' nolame'akon Paskah susumo anu i lame'akonmo,

MAZMUR 39:7

kantumuu'annyo ola saintomboliu susumo lolung. Iwi-iwi' na anu nu kalaja madi' mingkaliangan; ia montambun halata', panyo madi' nu sumbu' pa' ihe na mompalagunakon.

MAZMUR 49:10

da ia madi' silaka ka' daagi' timbali tumuu' sampe toka sidu-sidutu'.

MAZMUR 49:11

Madi', memang ia montoaje saidi' mae saba' maumo ahi' mian anu pande suele ahi' mate. Mian anu talalo ahi' waweng ka' ponga' bubu' silaka, ka' mompala'imo halata'nyo baumo bagi nu mian sangga'at.

ANU MOMPOLELE POTATAE NU TUMPU 2:20

Uuka aiya aku nompele-pelemo na nokalaja talalomo nakeke.

ANU MOMPOLELE POTATAE NU TUMPU 4:4

Ku sumbu' mule' saba' manusia nakekemo hondo na nokalaja ola kalana milu montoa hasin usaha nu anu mompaha ohani na laigannyo. Iwi-iwi' aijo' madi' kogunanyo ola susumo usaha mololoi' mombun.

ANU MOMPOLELE POTATAE NU TUMPU 4:8

Daagi' ko mian anu ola tumuu' sausa' madi' ko anak, kabai pe'e utus. Mau sumo aitu ia saja' makeke na mokalaja ka' kinyonyoanyo madi' toho' ma'osa na montoa halata'nyo. Obee' hi he na hasin nu kalajanyo sahingga taha-tahahumo na mokalaja ka' madi'mo mongala kasanangan? Aijo' mule' madi' kogunanyo, ka' aijo'mo na kantumuu'an anu sansala.

ANU MOMPOLELE POTATAE NU TUMPU 9:18

Kapandean bapikin lebe ko gunanyo molingkudui toongon anu bau pahampate, panyo tua' mau ola sanjohojut mongidei susu sa'angu' na kuhon.

YEREMIA 22:15

Potombihing mae o Tomundo' Yoyakim! De beleyum mombaumo laigan nu tomundo' kau' lontio' anu ma'ima' hondo lengkat mae i Libanon, pa' aijo' timbalimo sa'angu' na bukutinyo saba' beleyumo na tomundo' anu lebe ma'ima' molingkudui tomundo'-tomundo' sangga'at? Soba tutugi na tuuma nu beleyum: Ia nolasaimo kasanangan i uno nu kantumuu'an ka' iwi-iwi' na usahanyo ihumpaknyomo kalana ia saja' hodi' na kinyonyoa ka' mule' mongulus palakala nu mian anu kasiasi adin hondo. Memang sumo aijo' ahi' na palabuatan nu mian anu monsumbu' Tumpu.

YEREMIA 22:17

Panyo beleyum, Yoyakim, sangalasan. Beleyum ola molio posi ka untungan nu beleyum. Beleyum nompateimo mian anu madi' ko sala'nyo ka' talalo ahi' monsakisa mian da'isan nu beleyum ka' talalo ahi' singgi.