ANU MOMPOLELE POTATAE NU TUMPU 2:17 - KITAB NU TUMPU ALLA LELE MA'IMAI'

¹⁷ Kalana aijo' kantumuu'an madi'mo ko gunanyo hi belengku, madi'mo ko sangga'atannyo. Iwi-iwi' madi'mo ko gunanyo aku ola ahi' taalu' mololoi' mombun.

ANU MOMPOLELE POTATAE NU TUMPU 2:17 ပူးပေါင်းရင်းမြစ်များ

1 TOMU-TOMUNDO' 19:4

lantas ia i lumjangmo tengke nambamo i padang mateges sinansinaa na ia i lumajang sampe tinoka no kiijo' i patu nu kau' anu hopo' hondo na honnyo. I kiijo'mo na kina suhangannyo ka' gagalannyo sahanyo matemo. “Madi'mo ku poko ala mongintim O Tumpu.” Na pinoto'inyo hi Tumpu. “Alamo na nyawangku. Aku madi' lebe ma'ima' molingkudui mompole'ku mae!”

AYUB 14:13

Posulukmo mae na aku i uno nu dunia nu aha anu sinilakamo; jagaiakon mae na aku sampe Belento madi'mo daagi' motambuha'. Panyo patikolo mae ahi' na tempo'nyo sampe toka hipian na monginau' mae butongku.

MAZMUR 89:47

Hipian na kopinnyo na Belento madi'mo mae manintoa o, Tumpu? Hipian na kopinnyo na Belento motambuha' anu sumomo apu na komoaknyo?

ANU MOMPOLELE POTATAE NU TUMPU 1:14

Tinoangkumo iwi-iwi' na palabuatan nu mian i dunia aiya. Palesaya na uuka, iwi-iwi' aijo' madi' kogunanyo, sumomo mompagala mololoi' mombun.

ANU MOMPOLELE POTATAE NU TUMPU 1:17

Pinagalangku sinumbu'ku na kapandean tiba kaponga'an pa' mosia na bedanyo ka' mule' kapandean mompopikilakon apa-apaa ka' mule' anu ponga' hondo. Panyo inyata' kuje taalu' aku aiya ola ahi' susumo mimbalu-balu' mololoi mombun.

ANU MOMPOLELE POTATAE NU TUMPU 2:11

Panyo imihinyo mae pagala ahi' ku selidiki na kalajangku iwi-iwi', ka' mule' lawengku iwi-iwi' kahanda' mompomingkot kalaja aijo', saba' sinumbu'kuje na iwi-iwi' aijo' taalu' madi' ahi' ko gunanyo. Usahangku aijo' madi' ko gunanyo ola susumo mololoi' mombun,

ANU MOMPOLELE POTATAE NU TUMPU 2:22

Madi' ko kamingkotannyo na manusia mokalaja maboat ka' talalo susa'; lantas iyamo na hasin nu lawenyo anu nu taha'imani?

ANU MOMPOLELE POTATAE NU TUMPU 3:16

Daagi' mule' ko anu tinoangku i dunia aiya: sabenannyo ahi' daagi' ko ka'adilan ka' ka'ima'an.

ANU MOMPOLELE POTATAE NU TUMPU 4:2

Aku saja' hondo monginau' batu-batu mian anu pininmo na sinilaka kalana aha na lebe binilahimo molingkudui aha anu daagi' tumuu'.

ANU MOMPOLELE POTATAE NU TUMPU 4:3

Panyo anu lebe bilahi aijo'mo to mia-mian anu ma'isa i hampe, kalana aha ma'isa nontoa ka idekan anu binau i dunia aiya.

ANU MOMPOLELE POTATAE NU TUMPU 6:9

Iwi-iwi' aijo' madi' ko gunanyo, ola susumo usaha mololoi' mombun. Lebe ma'ima' kita balasanangmo nu apaa na anu aiyamo hi ktia ka' de ola mule' saja' mongindi anu lebe manjoo'.

YEHEZKIEL 3:14

Kakuasa'an nu Tumpu na tinoka mae hi belengku, ka' salatan aku ihangkatmo ka' binoamo nu Roh-Nyo kinyonyoanku ingoa'anku napakatmo ka' mule' napanasmo.

YUNUS 4:3

Uuka aiya, o Tumpu pojohokmo da aku silakamo, kalana lebe ma'ima' aku silakamo ka' bolimo tumuu'.”

YUNUS 4:8

Salatan batu nu sinaa binete'mo, Tumpu nompalentahmo mae baleba' anu mapanas anu lengkat mae i kabete'an. I Yunus kiniboli' kinotusmo na kinyonyoanyo nu batu nu sinaa anu sumomo mompapui mae ubaknyo. Madi'mo kino halapan apa-apaa na ia ka' mongka'ima'imo da sahanyo silakamo. Ia notatae, “Lebe ma'ima' aku silakamo ka' de mule' aku daagi tumuu'!”

HABAKUK 1:3

Kadaka' Belento ola mompojohok aku montoa palabuatan anu ma'idek nanjo-nanjoo'mo aijo'? Te toho' mule' ola o intim nu Belento na montoa palabuatan anu susumo aijo'mo na konjoo'nyo? Iyaya mae daagi ko kahansunan ka talalo buhingison ka' pahantuda'an ka' mule' po ualian.

NOMBILANGMO 11:15

De Tumpu saja' mombau aku sumo aiya, paya'mo na aku; sahanyo pateimo mae na aku lia-lia' da aku madi'mo mongoa'i kasansala'an anu sumo aiya.”