ANU MOMPOLELE POTATAE NU TUMPU 2:14 - KITAB NU TUMPU ALLA LELE MA'IMAI'

¹⁴ Mian anu pande timbali montoa mau pa' moya na patujunyo; mian anu ponga' sumomo lumajang anu maha kanyangan.” Panyo kusumbu' mule' ahi' saba nasib anu pokakana mongkona suele aha iwi-iwi'.

ANU MOMPOLELE POTATAE NU TUMPU 2:14 ပူးပေါင်းရင်းမြစ်များ

MAZMUR 19:10

Monsombah Tumpu aijo' ma'ima' sampe toka sidu-sidutu'. Atulan nu Tumpu aijo' totu'u ka' adin iwi-iwi'.

MAZMUR 49:10

da ia madi' silaka ka' daagi' timbali tumuu' sampe toka sidu-sidutu'.

MAZMUR 49:11

Madi', memang ia montoaje saidi' mae saba' maumo ahi' mian anu pande suele ahi' mate. Mian anu talalo ahi' waweng ka' ponga' bubu' silaka, ka' mompala'imo halata'nyo baumo bagi nu mian sangga'at.

AMSAL 14:8

Mian anu pande monsumbu' mompopikilakon apaa na anu tionyo obau, panyo mian anu ponga' nu akali nu kaponga'annyo.

AMSAL 17:24

Patuju nu mian anu mangalati' aijo'mo da mohumpak kapandean bapikin; panyo patuju nu mian anu ponga' madi' matantu.

ANU MOMPOLELE POTATAE NU TUMPU 2:16

Mian anu ponga' malia' okolilimi panyo mian anu ko kapandean bapikin suele madi'mo o ‘inau'’. Mamanga ahi' kita iwi-iwi' okolilimimo i uno nu pikilannyo. Kita iwi-iwi' tionyo ahi' mate mau mian anu pande mau mian anu ponga'.

ANU MOMPOLELE POTATAE NU TUMPU 3:19

Mau mosiamo na nasib nu manusia ka' binatang pokakanamo. Sa'angu' timbali ahi' mate sumo aitu mule' sangga'at. Ohu-ohua' pokakanamo anu binau nu Tumpu. Jadi manusia madi' lebe untung molingkudui binatang kalana ohu-ohua' aitu kantumuu'annyo madi' ko gunanyo.

ANU MOMPOLELE POTATAE NU TUMPU 6:6

Aijo' na lebe ma'ima' molingkudui mian anu tumuu' ua atu na taun panyo madi' toho' ko kabilahian. Te misa' ua-ua aha aijo' mamba itampat anu pokakana?

ANU MOMPOLELE POTATAE NU TUMPU 6:8

Jadi apaa na ka' untungannyo nu aha mian anu pande de o potimbang tiba mian anu ponga'? Apaa na gunanyo de mian mule' anu kasiasi na ko kalakuan ma'ima' hi aha mian da'isan?

ANU MOMPOLELE POTATAE NU TUMPU 7:2

Lebe ma'ima' mamba i laigan nu mian anu ko kasilakan; ka' de mule' ola mamba i tampat anu nombau bau-bauon. Kalana kita saja' ahi' monginau'; saba toto samian nu tanda'imo ahi' saba' toto samian nu tanda'imo ahi' nu kasilakan.

ANU MOMPOLELE POTATAE NU TUMPU 8:1

Ibeh na kosanangnyo na mian anu pande. Iwi-iwi na palakala nu sumbu' na montaami. Kapandean bapikin na nompolame'mo ia tinolomoing: sahingga ohupnyo saja' balasahaya.

ANU MOMPOLELE POTATAE NU TUMPU 9:11

I dunia aiya daagi mule' ko anu tinoangku; pailomba'an madi' saja'mo ko kamanangan na mian anu mopadeka', pahampatean madi' saja'mo ko kamanangan na mian anu mahoson. Mian anu pande madi' saja'mo mohumpak pakalaja'an polioan, ka' mian anu mangalati' madi' saja'mo mohumpak kakaya'an. Ka' mule' suele mian anu ahali madi' saja'mo talasanggo, Kalana maumo ahi' pa' ihe timbali nu tokai mae nu nasib soe'.

ANU MOMPOLELE POTATAE NU TUMPU 9:16

Jadi totu'umo apaa na anu i uno nu pikilanku taalu' kapandean bapikin molingkudui kahosonan. Maumo sumo aijo' kapandean bapikin nu mian anu kasiasi madi' opajuli. Potataenyo madi' ko anu opalahatikan.

1 YOHANES 2:11

Panyo mian anu mongka'ideki utusnyo, daagi' i uno nu kapintungan. Ia lumajang i uno nu kapintungan, ka' madi' nu sumbu' pa' moya na kalambanannyo, kalana kapintungan aijo' sahingga ia madi' moko ala montoa.