ANU MOMPOLELE POTATAE NU TUMPU 2:13 - KITAB NU TUMPU ALLA LELE MA'IMAI'

¹³ Memang kusumbu' “kapandean bapikin lebe ma'ima' molingkudui kaponga'an. Susumo jingka lebe ma'ima molingkudui pikat.

ANU MOMPOLELE POTATAE NU TUMPU 2:13 ပူးပေါင်းရင်းမြစ်များ

MAZMUR 119:105

Potatae nu Belento ponsulu'i aku malalangkas jingkanyo monjingkai aku lumajang.

MAZMUR 119:130

De otalangkan, pangajalan nu Belento mompojingka, mompopangalati' mian anu madi' talalo pande.

AMSAL 14:8

Mian anu pande monsumbu' mompopikilakon apaa na anu tionyo obau, panyo mian anu ponga' nu akali nu kaponga'annyo.

AMSAL 16:16

Mohumpak kapandean bapikin nu lingkudui na mohumpak mosini'; mohumpak ilimu' lebe ko angga'nyo nu lingkudui na mohumpak salaka.

ANU MOMPOLELE POTATAE NU TUMPU 10:10

De bangko' nu beleyum makujun ka' madi' nu boit; beleyum mokalaja lebe susa' hondo. Pake na akan nu beleyum ma'i-ma'ima', ka' pombau ahi' tanga'an momonanyo.

ANU MOMPOLELE POTATAE NU TUMPU 11:7

Jingka nu sinaa moko bilahi kantumuu'an; ibeh nako sanangnyo de moko ala ahi' mongoa'i.

ANU MOMPOLELE POTATAE NU TUMPU 7:19

Mian anu ko kapandean bapikin mompotimbali lebe baani, nu lingkudui na mian anu balakuasa aha sampulu' i sa'angu' na kota'.

ANU MOMPOLELE POTATAE NU TUMPU 9:16

Jadi totu'umo apaa na anu i uno nu pikilanku taalu' kapandean bapikin molingkudui kahosonan. Maumo sumo aijo' kapandean bapikin nu mian anu kasiasi madi' opajuli. Potataenyo madi' ko anu opalahatikan.

ANU MOMPOLELE POTATAE NU TUMPU 9:18

Kapandean bapikin lebe ko gunanyo molingkudui toongon anu bau pahampate, panyo tua' mau ola sanjohojut mongidei susu sa'angu' na kuhon.

MALEAKHI 3:18

Mian anu palesayamo hi beleng-Ku montoa mule' bedanyo mosia na mian anu manonong tiba mian anu maidek na kalakuannyo, ka' mule' mian anu monsombah Aku tiba mian anu madi' monsombah Aku.”

MATIUS 6:23

Panyo de mataum paha, songko-songko na butongum pikat. Jadi de sulu' i uno nu butongum pintung, ebeh na kopintungnyo aijo'!”

EFESUS 5:8

Komiu pe'e naipuan mae daagi' i uno nu pintung. Uuka komiu tinimbalimo mian anu palesayamo hi Tumpu, jadi komiu i unomo nu jingka. Mokonyo aijo' komiu tumuu'mo ahi' i uno nu jingka.