ANU MOMPOLELE POTATAE NU TUMPU 2:10 - KITAB NU TUMPU ALLA LELE MA'IMAI'

¹⁰ Sinin na anu ku ka' ima'i tionyo ku lasai sampe aku ma 'osa hondo. Madi' toho' ola kusabanakon na anu ku kahanda'imo mongoa'i kasanangan maumo pa'apaa. Sanang hondo na aku molasai hasin nu kalajangku ka' aijo'mo na tambongku.

ANU MOMPOLELE POTATAE NU TUMPU 2:10 ပူးပေါင်းရင်းမြစ်များ

KAJADIAN 3:6

Tinoa nu boune aijo' na pu'un nu kau' aijo' taalu' ma'ima' ka' bua'nyo tinoanyo ma'ima' na okaan. Ka' ia binapikinmo mosia na ko ima'nyo de ia timbalimo pande. Kalana aijo tinipunyomo na bua' nu kau' aijo' ka' kinaannyo, ka' suele binee'annyomo na langkai'nyo ka' suele nongkaanmo.

KAJADIAN 6:2

to mala-malaekat nontoamo langkoyang haha aijo' to handa-handa. Lantas aha nongosoaimo langkoyang haha aijo' iya na anu nuka'ima'i nu aha.

AYUB 31:1

Sinumpa'kumo na palajanjianku madi'mo ko napisu na aku montoa to lalangkoyang.

MAZMUR 119:37

Jagai mae na aku da boli ola mololoi' anu madi' ko kaliangannyo, bee'i mae kantumuu'an na aku susumo anu Nu kahanda'i.

MAZMUR 128:2

Beleyum mongkaanmo hasin nu anu nu kalaja, kantumuu'an sukupmo ka' mongoa'imo kasanangan.

AMSAL 23:5

Kalana, ola sangkinihap halata' nu beleyum aijo' lanyapmo sumomo ia anu ko polipiknyo ka' lumahap mokiita' i langa susumo bonyia'.

ANU MOMPOLELE POTATAE NU TUMPU 11:9

O belemiu to oli-olitau ka' to lalangkoyang, oa'i pe'e na kasanangan de daagi olitau ka' langkoyang! Balame-lame'mo de belemiu hau-haunyo tumimpasje. Baumo iwi-iwi' apaa na anu nu kahanda'i nu nyawa nu belemiu, ka' mule' baumo iwi-iwi' apaa na anu iniatmo nu kinyonyoa nu belemiu. Panyo o inau' ahi' na Tumpu anu kiita i suluga', Ia na momputusi saidi' mae palabuatanto iwi-iwi'.

ANU MOMPOLELE POTATAE NU TUMPU 2:1

Aku nontantukanmo da oposanang na butong da ku sumbu' pa' apaa na aijo' kasanangan nu kantumuu'an. Panyo inyata'je ahi taalu' madi' ko gunanyo. Aku sininsumbu'je saba' taalu' kumojo atina'mo na kaponga'an ka' mule' madi' ahi' ko gunanyo na kasanangan. Aku ko kahanda' da timbali pande hondo.

ANU MOMPOLELE POTATAE NU TUMPU 2:22

Madi' ko kamingkotannyo na manusia mokalaja maboat ka' talalo susa'; lantas iyamo na hasin nu lawenyo anu nu taha'imani?

ANU MOMPOLELE POTATAE NU TUMPU 2:24

Madi' ko anu lebe ma'ma' hi mian de misa' mongkaan ka' monginum ka' mule' molasa hasin nu kalaja. Aku iwi-iwi sumbu'je taalu' aijo' ola halala' nu Tumpu.

ANU MOMPOLELE POTATAE NU TUMPU 3:22

Kalana aitu sinumbu'kumo, saba' madi' ko anu lebe ma'ima' hi manusia, kalana anu lebe ma'ima' mongoa'i hasin nu kalajanyo. Sangga'at madi' ko anu pinoko ala binaunyo. Madi' bisa ia monsumbu' apaa na anu jadi de ia silakamo.

ANU MOMPOLELE POTATAE NU TUMPU 5:10

Mompaka panjoo' na kakaya'an nu toto samian, mompaka panjoo' na mian sangga'at anu tionyo ahi' obee'i mongkaan. Madi' ko ka untungan nu tumpunyo ola nu sumbu' ia mian anu kaya.

ANU MOMPOLELE POTATAE NU TUMPU 5:17

Sahingga nangalati'mo na aku taalu' anu talalo hondo ma'ima' hi kita aijo'mo mongkaan, monginum ka' mongoa'i hasin nu kalajanto i uno nu kantumuu'an anu binee'mo nu Tumpu hi kita; aijo'mo nasibto.

ANU MOMPOLELE POTATAE NU TUMPU 5:18

De samian mohumpakmo kakaya'an tiba halata' lengkat mae hi Tumpu, ka' ia opobee' na molasai kakaya'an aijo', ia tionyo ahi' montalima kase na molasai hasin nu kalajanyo. Aijo' anu binee'mo nu Tumpu.

ANU MOMPOLELE POTATAE NU TUMPU 6:2

Toto minsan Tumpu mombee'i kakaya'an, kaholomatan, halata' hi toto samian sahingga madi'mo daagi ko anu nu kamilui. Panyo Tumpu madi' mompobee'ia da mongoa'i iwi-iwi' anu bi nee'mo aijo'. Padahan mian anu madi' Nusumbu' na mongoa'i ahi' kakaya'an aijo'. Jadi iwi-iwi' aijo' madi' ko gunanyo ka' monsusa'i kinyonyoa.

ANU MOMPOLELE POTATAE NU TUMPU 6:9

Iwi-iwi' aijo' madi' ko gunanyo, ola susumo usaha mololoi' mombun. Lebe ma'ima' kita balasanangmo nu apaa na anu aiyamo hi ktia ka' de ola mule' saja' mongindi anu lebe manjoo'.

ANU MOMPOLELE POTATAE NU TUMPU 8:15

Kukodo-kodo'imo sumo uuka: saba' mian lebe ma'ima saja' lame'. Kalana kantumuu'annyo i dunia aiya, madi' ko kasanangannyo sangga'at, malaingkan mongkaan, monginum ka' balame-lame'. Olamo aijo' na timbali nu oa'i i uno nu usahanyo. Anu binee'nu Tumpu hi ia tempo'nyo daagi tutuu'.

ANU MOMPOLELE POTATAE NU TUMPU 9:6

Kinyonyoa mongka'ima'i, mongka'ideki, ka' mule' napisunyo, iwi-iwi' silakamo tiba ia. Ia madi'mo daagi mongala bahagian apa-apaa; i han iwi-iwi' anu jinadimo i dunia aiya.

ANU MOMPOLELE POTATAE NU TUMPU 9:9

Oa'i ahi' ima-ima' na kasanangan tumuu' tiba bengkele' anu nu kalibosi; i uno nu kantumuu'an nu beleyum anu ola pinalasuma bibine' nu Tumpu hi beleyum i dunia aiya. Oa'i sansina-sinaa maumo ahi' madi' ko gunanyo. Kalana tamboonyo nu lawe nu beleyum olamo atina'.

1 YOHANES 2:16

Iwi-iwi na apaa anu daagi' i uno nu dunia aiya – anu nuka'ima'i nu kalakuan nu mian baladosa', anu otoa lantas oka'ima'imo ka' anu okabubuulakon – iwi-iwi' anu madi' nolengkat mae hi Tuuma, panyo nolengkat mae i dunia.

TO MIA-MIAN KOPIAN 14:2

Lantas ia ninsusule'mo ka' notatae hi tuuma tiba hi tinanyo, “Aku nongka'ima'imo samian na langkoyang mian nu Filistin kiijo' i Timna. Ku poita belento tuuma tiba tinangku mambamo mompokilawakon ia.”