ANU MOMPOLELE POTATAE NU TUMPU 12:7 - KITAB NU TUMPU ALLA LELE MA'IMAI'

⁷ Butongto aiya minsusule'mo; timbalimo abu i dunia aiya. Napas te kantumuu'anto minsusule'mo hi Tumpu. Ia na nombee' salaku pongkalibosi'Nyo.

ANU MOMPOLELE POTATAE NU TUMPU 12:7 ပူးပေါင်းရင်းမြစ်များ

KAJADIAN 18:27

I Abraham po'ule' mule' notatae, “Ampuniakon mae na kabaanianku mompaka potatae mule' susumo uuka, o Tumpu. Aku aiya ola manusia madi' ko hak montaloakon apa-apaa.

KAJADIAN 2:7

Lapas aijo' Tumpu Allah nongalamo sangkiding na tano', lantas kinompon-Nyomo ka' tinimbalimo samian na manusia, lantas pinuhakon-Nyomo na sawo anu mompotumuu' i uno nu bolo' nu sungnyo; sahingga tinumuu'mo na manusia aijo'.

KAJADIAN 3:19

Sansala ka' malisongu na mokalaja da tano' mohasinakon apa-apaa, sampe beleyum po'ule'mo minsusule' i tano', kalana beleyum tano' na kinompon. Beleyum tano' na binau ka' po'ule' minsusule' i tano'.”

AYUB 20:11

Maumo ia ma'isa langkai' ka' daagi' mahoson, panyo sasaidi' uuka ia timbalimo abu'.

AYUB 7:21

Te madi'mo Belento timbali mongampuni dosa'ku? Te madi'mo timbali Beleyum monsapui kasala'anku? Madi'mo pin aku male'mo i uno nu polamunan ka' de aku nulio nu Belento madi'mo daagi' nuhumpak nu Belento.”

MAZMUR 103:14

Kalana nusumbu' nu Tumpu, kita aiya apaa sabenannyo na binau, nu tutugi kita aiya ola abu' na gampanyo.

MAZMUR 104:29

De Belento molipai madi'mo montonto'i, aha mabuhukmo; de o alamo nu Belento na santuu'nyo nu aha, aha silakamo, ka' po'ule'mo timbali abu' susumo, momonanyo mae.

MAZMUR 146:4

De aha silakamo, aha minsusule'mo i tano'; sinaa' aijo' suele iwi-iwi' na tanga'an nu aha madi'mo daagi'.

MAZMUR 31:6

Ilimamo nu Belento na pongasanakonanku butongku aiya: Belento mompobebasmo aku, o Tumpu, Tumpu anu manonong.

MAZMUR 90:3

Belento nonsaimo mian ninsusule' i pinolengkatannyo mae, tinimbalimo abu' susumo salatanmo pe'e momonanyo.

YESAYA 57:16

Madi' sampe toka sidu-sidutu'mo na Aku mompisala'i mian anu palesayamo hi beleng-Ku; madi' ahi' saja'mo Aku motambuha', da boli hente na kinyonyoa nu aha, padahan Akumo aiya na mompotumuu' aha.

YEREMIA 38:16

I Tomundo' Zedekia hoko-hokot nompoto'imo palajanjian hi belengku, koonyo, “Atas sanggo nu Tumpu Allah anu tumuu', Tumpu Allah anu mombee'i kantumuu'an hi kita, aku madi' ahi' mompatei beleyum kabai mombee'mo beleyum hi to mia-mian anu kahanda'mo mompatei beleyum.”

DANIEL 12:2

Manjoo' na anu sinilakamo anu aijo' hi aha panyo po ule'mo opotumuu'; sambagian na molasai kantumuu'an anu sampe toka sidu-sidutu' ka' sambagian mule' na molasaimo kasansala'an ka' apa-apaa na anu okabuhuk hondo, sampe toka sidu-sidutu'.

ZAKHARIA 12:1

Aiyamo na potuunon nu Tumpu mongkona Israel. Tumpu anu nompotimbalimo langit ka' mule' nompotimbalimo dunia ka' nompotumuu'mo manusia notatae,

NOMBILANGMO 16:22

Panyo i Musa ka' i Harun tinolodadupu nonsombah ka' notatae, “O Tumpu Allah, Belentomo na anu nombee'i mae kantumuu'an hi iwi-iwi' na anu tumuu'. De ola samian na anu baladosa', pa' Belento montambuha'imo mian iwi-iwi'?”

NOMBILANGMO 27:16

“O Tumpu Allah, anu mombee'i mae kantumuu'an hi iwi-iwi' na anu tumuu', ku kakase, potiju'akon mae samian na anu moko ala molaya' bansa aiya;

LUKAS 23:46

Lantas i Yesus noloboo' hoso-hoson, “Tuuma! I uno nu limanto Kusimpalakonmo na butong-Ku!” Noko potatae sumo aijo' ia sinilakamo.

SISIKON NU TO RASUL-RASUL 7:59

Hau-haunyo aha mompahambunu'akon i Stefanus, i Stefanus noloboo', “Kita Tumpu Yesus, talimamo na roh-ku!”

IBRANI 12:23

Komiu mongatuhimo tampat kasingkabotan anu lame' hondo – kasingkabotan nu to ana-anak tumpe nu Tumpu, anu tinulismo na sanggonyo i uno nu kitab kiita' i suluga'. Komiu tokamo mangadap hi Tumpu, Mian Kopian nu mian iwi-iwi'. Komiu mongahopimo to roh-roh nu to mia-mian ma'ima', anu pinotimbalimo da na'ima'mo.

IBRANI 12:9

Kita ko tuuma i dunia. Ia mompokinde'i kita, da kita mongangga'i ia. Jadi sumo aitu mule' kona hi Tuuma nu rohaninto anu i suluga', tantu kita tionyo lebe mule' tulu-tulutan hi Ia da kita tumuu'.