ANU MOMPOLELE POTATAE NU TUMPU 12:14 - KITAB NU TUMPU ALLA LELE MA'IMAI'

¹⁴ Tumpu na saidi' mae momputusi iwi-iwi na palabuatanto, anu ma'ima' tiba anu ma'idek, ka' mule' anu sulu-suluk.

ANU MOMPOLELE POTATAE NU TUMPU 12:14 ပူးပေါင်းရင်းမြစ်များ

AYUB 19:29

Panyo, uuka aiya kabuhukmo na bajak! Kalana Tumpu Allah montambuha'i ka' mohukum mian anu baladosa'; Sahingga osumbu' miu, taalu' daagi' ko Tumpu Allah anu momputusi hukuman nu manusia.”

MAZMUR 50:21

Aijo'mo na anu sola' nu bau, panyo ola Ku hokotakon, jadi nu tutugi nu beleyum Aku sumo beleyum. Panyo uuka aiya Ku pisala'imo na beleyum, ka' iwi-iwi' aijo' Ku pojadimo da nyata' hi beleyum.

MAZMUR 90:8

Belento nompo'una'mo kasala'an mami i ahop nu Belento, dosa' mami anu sulu-suluk kinantoaanmo hi Belento.

MAZMUR 96:13

Kalana Tumpu tokamo mae mompalentah i dunia, Ia momputusimo hukuman nu to bansa-bansa, adin ka' madi' tageo'.

ANU MOMPOLELE POTATAE NU TUMPU 11:9

O belemiu to oli-olitau ka' to lalangkoyang, oa'i pe'e na kasanangan de daagi olitau ka' langkoyang! Balame-lame'mo de belemiu hau-haunyo tumimpasje. Baumo iwi-iwi' apaa na anu nu kahanda'i nu nyawa nu belemiu, ka' mule' baumo iwi-iwi' apaa na anu iniatmo nu kinyonyoa nu belemiu. Panyo o inau' ahi' na Tumpu anu kiita i suluga', Ia na momputusi saidi' mae palabuatanto iwi-iwi'.

ANU MOMPOLELE POTATAE NU TUMPU 3:17

Kututugi Tumpu momputusi mian anu ma'ima' na gau'nyo ka' mule' mian anu ma'idek na gau'nyo kalana toto sa'angu' na han ka' toto sa'angu' na han anu obau tionyo ahi' jadi i tempo anu tinantukanmo nu Tumpu.

MATIUS 10:26

“Boli mabuhuk hi mian. Madi' ko anu sulu-suluk lantas madi' kantoan, ka' madi' ko anu pinohowini lantas madi' o hongo.

MATIUS 12:36

Jadi, o inau': I Sinaa nu Kiamat, toto samian tionyo nu akui apaa na anu tinaloakonnyomo anu madi' ko gunanyo.

YOHANES 5:29

lantas mosabat lengkat mae i pinolamunan. Mian anu nombaumo anu ma'ima', saidi' mae po'ule' mobula da tumuu'. Panyo mian anu nombaumo anu ma'idek, saidi' mae po'ule' tumuu' da o hukum.”

ROMA 2:16

Sumo aijo'mo na anu saidi' mae timbali i sinaa anu tinantukanmo aijo'. I sinaa aijo' – koonyo nu Lele Ma'ima' anu kupo-kupolele – Tumpu hi Yesus Kristus na momputusi iwi-iwi' na lahasia nu kinyonyoa ka' pikilan nu mian iwi-iwi'.

1 KORINTUS 4:5

Mokonyo aijo', kalana misa' pe'e tempo'nyo, boli komiu lia-lia' montantukan batu-batu mian kosala'nyo kabai madi'. Tanda'i tokaje na Tumpu. Iaje na mompoto'i iwi-iwi' lahasia anu sulu-suluk i uno nu pintung. Iaje na mompotalang tanga'an anu sulu-suluk i uno nu kinyonyoa nu mian. Tempo'je aitu ka' batu-batu mian mohumpak pompuji' lengkat hi Tumpu anu patut nu talima.

2 KORINTUS 5:10

Kalana memang kita iwi-iwi' tionyo mangadap hi Kristus na momputusi, ka' toto samian mohumpak balosnyo pokakana tiba anu binaunyo i dunia aiya – anu binaunyo ma'ima' kabai ma'idek.