ANU MOMPOLELE POTATAE NU TUMPU 12:13 - KITAB NU TUMPU ALLA LELE MA'IMAI'

¹³ Salatan iwi-iwi' pinotutugakonkumo; aiyamo na kasingkatannyo nu anu ihumpaku. Kabuhuk na Tumpu ka' otuluti na palentah-Nyo iwi-iwi'. Kalana makisud aijo' sahingga manusia pinotimbali-Nyomo.

ANU MOMPOLELE POTATAE NU TUMPU 12:13 ပူးပေါင်းရင်းမြစ်များ

KAJADIAN 22:12

“Boli osakiti nu belento na anak aijo' kabai opoposia nu beleyum na ia”, sumo aijo' na potatae nu Tumpu anu pinoto'i nu malaekat. “Uuka aiya sinumbu'-Kumo taalu' beleyum mongadati ka' tulu-tulutan hi beleng-Ku, kalana beleyum madi' pinanggaga na nombee' anak nu beleyum anu sa'a-sa'angu'nyomo aijo' hi beleng-Ku.”

1 TOMU-TOMUNDO' 2:3

Ka' obau apaa na anu nu palentahkon nu Tumpu Allah nu beleyum hi beleyum. O tuluti na to atu-atulan ka' to pale-palentahNyo anu tinulismo i uno nu Kitab i Musa, da momoya na kalambanan nu beleyum mingkaliangan na anu nu bau.

AYUB 28:28

Tumpu Allah nompoto'imo hi manusia, “Da ohumpak na kapandean bapikin, Tumpu Allah tionyo ahi' o'adati nu belemiu. Da timbali opangalati'i, kalakuan anu ma'idek tionyo ahi' opimpaliakon jo'o-jo'on.”

MAZMUR 111:10

Ihe na mongkahanda'i da pande tionyo ahi' moholomati Tumpu. Ia mompopangalati' mian iwi-iwi' anu tulu-tulutan. O, puji' na Tumpu sansina-sinaa!

MAZMUR 145:19

Ia momposanang kinyonyoa nu to mia-mian anu tulu-tulutan; Ia mompotombihing apaa na nu kakase nu aha ka' momposalamatmo aha.

MAZMUR 147:11

Tumpu sanang hi mian anu tulu-tulutan, hi mian anu sabole-boleh montaha'imani kalibosan-Nyo mae.

AMSAL 1:7

Da mohumpak ilimu' anu sahondo-hondonyo momonanyo mian tionyo ahi' mongadati ka' mabuhuk hi Tumpu. Mian anu ponga' madi' mongangga'i kapandean bapikin ka' madi' mongka'oho' opogulu'.

AMSAL 19:23

Oholomati na Tumpu, da kantumuu'an nu beleyum mohumpak kabilahian beleyum timbali ma'osa ka' madi' ko balaa' montokai mae.

AMSAL 23:17

Boli mongka'ideki mian anu baladosa'. Saja' o tuluti na Tumpu Allah,

ANU MOMPOLELE POTATAE NU TUMPU 2:3

Ku gantang aijo'mo na palabuatan anu kubau, anu talalo hondo ma'ima' hi manusia da mongoa'i kantumuu'annyo anu madi' pin na tumuu' i dunia aiya.

ANU MOMPOLELE POTATAE NU TUMPU 3:14

Ku sumbu' iwi-iwi na usaha nu Tumpu tataap daagi' sampe toka sidu-sidutu'. Madi' bisa' montuangi kabai mongkulangi na mian. Ka' Tumpu mombau sumo aitu da kita mabuhuk hi ia.

ANU MOMPOLELE POTATAE NU TUMPU 5:7

De montoa polaya' mongkabisa'i mian anu kasiasi boli bangang, mongagoi hak nu aha ka' madi' mombee'i aha ka adilan. Toto samian na pegawenyo nu lindungi nu atasannyo ka' ua-ua aha aijo' na aha nu lindungi nu anu lebe matangkas na pangkatnyo.

ANU MOMPOLELE POTATAE NU TUMPU 6:12

Mosia na mian timbali monsumbu' apaa na anu lebe ma'ima' hi ia i uno nu kantumuu'annyo anu madi' umun ka' madi' ko gunanyo, ka' motulu ola susumo lolung? Mosia na mian timbali mangalati' apaa na anu jadi saidi mae i dunia aiya de ia silakamo?

ANU MOMPOLELE POTATAE NU TUMPU 7:18

Opimpalii na ohu-ohua' aijo'. De kita mabuhuk hi Tumpu, totu-totu'u apaa na anu obaunto jadi ma'ima'.

ANU MOMPOLELE POTATAE NU TUMPU 8:12

Mau sa'atumo na palabuatan ma'idek binau nu mian baladosa', ia tataap tumuu' ka' mantan na umunnyo. De ihe na tulu-tulutan hi Tumpu Allah tantu kantumuu'annyo madi' susa'.

ANU MOMPOLELE POTATAE NU TUMPU 8:5

Mian anu tulu-tulutan hi ia sanang ka' madi' ko anu mompoposia; sinumbu'mo nu mian anu pande, hipian ka' mosia na montuluti tomundo'.

MIKHA 6:8

Madi'! Tumpu nompoto'imo hi kita han anu ma'ima'. Anu nu tuntut hi kita aijo'mo: da kita mingkalakuan ahi' adin, ka' saja' ahi' balaniat mompahakali-kalibosi ka' mule' madi' ahi' ko bubun ka' tumuu' ahi' mosa'angu' tiba Tumpunto.

LUKAS 1:50

Mompolee' toka mompolee' Tumpu mongkalibosi mian anu mabuhuk hi bele-Nyo.

PO'ULE' INGULIT 10:12

“Uuka aiya to Utu-utus, palahatikan apaa na anu nupoita nu Tumpu Allah nu belemiu hi belemiu: O'adati na Tumpu Allah nu belemiu ka' baumo iwi-iwi' na palentah-Nyo.

PO'ULE' INGULIT 10:20

O'adati na Tumpu Allah nu belemiu, ka' ola Ia na osombah. Tionyo ahi' belemiu saja' tulu-tulutan hi Ia, ka' basumpa' ola samata-mata hi sanggo-Nyo.

PO'ULE' INGULIT 4:10

na sinaa aijo' de belemiu tuminjomo i ahop nu Tumpu Allah nu belemiu i Bungkutnyo nu Sinai. Tempo'nyo aitu Ia notataemo hi belengku, ‘Posihuk mae na bansa aijo'. Ku ka'ima'i da aha mohongo apaa na anu kahanda' Ku poto'i, da aha balagulu' tulu-tulutan hi beleng-Ku i uno nu kantumuu'an nu aha sidu-sidutu', ka' da aha mompogulu' to ana-anak nu aha da tulu-tulutan hi beleng-Ku.’

PO'ULE' INGULIT 4:2

Apaa na anu ku palentahkon, boli otuangi kabai oga'ai mau ola sangkiding. Tuluti na palentah nu Tumpu Allah nu belemiu iwi-iwi' anu binee'kumo hi belemiu.

PO'ULE' INGULIT 6:2

Belemiu ka' lee' nu belemiu tionyo ahi' mongadati Tumpu Allah nu belemiu i uno nu kantumuu'an nu belemiu ka' montuluti iwi-iwi' na atulan-Nyo anu binee'kumo hi belemiu, da belemiu pin na tumuu' i lipu' aijo'.

1 PETRUS 2:17

O'angga'i na mian iwi-iwi', ka' o kalibosi na to utu-utus miu sangko mian Kristen. O kabuhuk na Tumpu ka' o adati na Kaisar.

ANU PINOTO'I HI YOHANES 19:5

Lantas i hongo lengkat mae i kasuhangan aijo', potatae anu nontaloakon, “O puji' na Tumpu, o belemiu iwi-iwi' posaihon nu Tumpu, ka' iwi-iwi' mian – daka' ise' – anu nonsombah Tumpu!”

1 SAMUEL 12:24

O adati na Tumpu ka' otuluti na Ia, ka' ohongo-hongo ka' okinyonyoai ahi' nu belemiu totu-totu'u. Sabole-bole o inau' na hahan anu daka' anu binaumo nu Tumpu hi belemiu.