ANU MOMPOLELE POTATAE NU TUMPU 12:11 - KITAB NU TUMPU ALLA LELE MA'IMAI'

¹¹ Potatae nu mian anu ko ilimu' aijo' sumomo tokon anu matajom, anu nu toong nu samian na polaya' potuu'on, tokon anu nu pake monjagai dombanyo. Ibalat tiba pokinde' pinosa'angu'; sumomo paku' anu pinaku'akonmo hoso-hoson. Iwi-iwi' aijo' suele anu binee'mo nu Tumpu; polaya'to anu sa'a-sa'angu'nyomo aijo'.

ANU MOMPOLELE POTATAE NU TUMPU 12:11 ပူးပေါင်းရင်းမြစ်များ

KAJADIAN 49:24

Panyo i Yusuf tatap mahoson na limanyo, tataap mahoson na pana'nyo, kalana Daka' hondo na kuasa nu Anu monjagai ia, Tumpu Allah i Yakub, na anu monjagai Israel.

EZRA 9:8

Panyo uuka aiya, o Tumpu Allah mami, belento ma'isa pinin na nongkalibosimo kami. Belento nompobebasmo pa' aha sangkuka na mian aiya hi kami da madi'mo obotuani da tumuu'mo bilahi i tampat anu susi' aiya. Belento nombee'imo kantumuu'an bu'ou hi kami.

MAZMUR 23:1

Mazmur i Daud. Tumpu sumomo samian anu saja'mo nolaya' aku, madi'mo ko anu kinulang hi belengku.

MAZMUR 80:1

Anu mongkapalai panyanyi. Ingala i lagu nu nyanyian: Bunga Bakung. Mazmur mongkona han anu sinakisianmo i Asaf.

AMSAL 1:6

Tiba jalan anu sumo aijo' aha moko alamo mompangalati'i apaa na anu ma'isa sinumbu' i uno nu pokinde' ka' mule' mompangalati'imo hahan anu tinaloakonmo nu mian anu pande ka' mule' palakala anu nu posampe mae nu aha.

AMSAL 10:21

Potatae nu mian anu manonong salakumo balakat kona hi mian da'isan. Panyo kaponga'an nu mian anu ponga' monsilakai posi butongnyo.

AMSAL 22:17

Potombihing mae aku mongajanakonmo hi beleyum pokinde nu mian anu pande na bapkin. Palahatikan na pangajalanku.

ANU MOMPOLELE POTATAE NU TUMPU 10:12

Potatae nu mian anu pande mombau ia oholomati, panyo mian anu ponga' silaka kalana nu saduakon nu potataenyo.

ANU MOMPOLELE POTATAE NU TUMPU 7:5

Lebe ma'ima' nu pisala'i nu mian anu manonong; ka' de mule' nu puji' nu mian anu madi' sampa mangalati'.

YESAYA 22:23

Ia ku bee'imo pangkat anu mahoson hondo susu mo apa anu pinokona mahoson hondo i mesen. Iwi-iwi' na to utu-utusnyo mae oholomatimo kalana ia.

YESAYA 40:11

Susumo samian na polaya' nu binatang na Ia mompotuu', potuu'on-Nyo; Ia na nomposihuk aha. To ana-anak nu domba Nu tangkung mae, madi' Ia monsigohi mae na montuntuni to tina-tinanyo.

YEREMIA 23:29

Potataeng-Ku sumo apu, ka' mule' sumo pombaan anu mohansuni batu!

YEHEZKIEL 34:23

Aku mohangkatmo samian na tomundo' anu pokakana sumo posaihon-Ku i Daud da timbali bau polaya' aha, ka'iamo na mompalakai aha.

MATIUS 3:7

Manjoo' suele na mian nu Farisi tiba Saduki tinoka hi Yohanes da o palamandikan. Panyo tempo'nyo ia nontoa aha tinokamo mae ia notatae hi aha, “Komiu mian ma'idek! Ihe na nontaloakon komiu timbali molapas lengkat i hukuman nu Tumpu anu tokaje mae?

YOHANES 10:14

Akumo na polaya' anu manonong. Susumo Tuuma monsumbu' Aku, ka' Aku monsumbu' Tuuma, sumo aitumo mule' Aku monsumbu' domba-dombang-Ku ka' aha suele monsumbu' Aku. Aku mombee' nyawang-Ku, kalana monsawani aha.

YOHANES 3:10

I Yesus nontaami, “Beleyum gulu' nu Israel; ka' kadaka' madi' nusumbu'?

SISIKON NU TO RASUL-RASUL 2:37

Salatan to mia-mian aijo' nohongo han aijo', kinyonyoa nu aha madi'mo talalo sinanang. Lantas aha nompokilawamo hi Petrus ka' hi to rasul-rasul sangga'atannyo, “To Utu-utus, kami tionyo mombau apaa?”

2 KORINTUS 10:4

Posadiaon toongon anu opake mami i uno nu usaha mami misa' posadiaon toongon nu dunia aiya, panyo posadiaon toongon nu Tumpu Allah, anu matangkas na kuasa-Nyo. Tiba posadiaon toongon haha aijo' kami monggalisi to bente-benteng; pompedas mami de kami painggagamo,

IBRANI 13:20

Tumpu mompotumuu'mo Tumpunto i Yesus anu sini-sinilakamo. Kalana Ia sinilakamo, sahingga Ia tempo' uuka tinimbalimo Polaya'to anu Talasanggo aiya hi kita to domba-domba-Nyo. Ia sinilaka aijo' mompaka pompohosonmo palajanjian anu sampe toka sidu-sidutu' anu binaumo nu Tumpu hi kita.

IBRANI 4:12

Potatae nu Tumpu aijo'mo na potatae anu tumuu' ka' mahoson; molingkudui tajom nu bajak anu ko matanyo ohua'. Potatae aijo' monsusuk toka-toka i kinyonyoa ka' santuu'; toka-toka i to losu-losuan ka' touak na buku, sahingga monsumbu' totu-totu'u pikilan ka' tanga'an nu mian.

1 PETRUS 5:4

Ka' de saidi' mae Polaya' Anu Talasanggo aijo' tokamo mae, komiu mohumpakmo makota anu jongkilaban, anu madi' toho' mingkot na jongkilabannyo.