ANU MOMPOLELE POTATAE NU TUMPU 12:1 - KITAB NU TUMPU ALLA LELE MA'IMAI'

¹ O inau' ahi' na anu Nompotimbalimo belemiu daagi pe'e olitau ka' daagi pe'e lalangkoyang, anu ma'isa pe'e tinoka i taun-taun anu saja'mo sinansala. Tempo'nyo aijo' belemiu notataemo, “Kantumuu'aku madi' nohumpak kabilahian.”

ANU MOMPOLELE POTATAE NU TUMPU 12:1 ပူးပေါင်းရင်းမြစ်များ

KAJADIAN 39:2

Tumpu nontulungimo i Yusuf sahingga saja' mingkaliangan na anu nu kalaja iwi-iwi'. Ia jinojoongmo i laigan nu tuannyo, mian nu Mesir aijo'.

KAJADIAN 39:23

Kapala nu talungku' aijo' madi'mo daagi' monjagai iwi-iwi' anu pinalentahkonnyomo hi Yusuf, kalana Tumpu nontulungimo ia, sahingga ningkalianganmo iwi-iwi' na anu binaunyo.

2 SAMUEL 19:35

Umunku walumpulu'mo na taun, ka' madi'mo ko anu timbali momposanang kinyonyoangku. Madi'mo ko anu ku oa'i sanang na anu ku kaan kabai ku inum, ka' madi'mo moko ala mohongo anu manyanyi. Aku monsansalamo belento Tomundo'.

2 SAMUEL 19:36

Madi'mo pantas na aku mohumpak tambo anu sumo itina' na ko daka'nyo. Aku ola monsangalui belento Tomundo' to pia-pialangkas lengkat aijo' i santoa nu Kaunyo Yordan.

1 TOMU-TOMUNDO' 14:13

Iwi-iwi' na mian da'isan nu Israel nohangimo ka' nolamunmo ia. Iamo na mian anu hi aha salaigan i Yerobeam anu ilamun pinopodaka' hondo, kalana ola ia na anu nomposanangmo kinyonyoa nu Tumpu, Tumpu Allah nu Israel.

1 TOMU-TOMUNDO' 18:12

De ku pala'imo na tampat aiya, ku gantang Roh nu Tumpu momboamo belento Tuuma i tampat anu madi' ku sumbu'! Ka de ku poto'imo hi Ahab tukoongku belento Tuuma i aiya mae, lapas mae madi'mo nu humpak na belento Tuuma, tantu nu pateimo na aku. Da osumbu' nu belento Tuuma, aku aiya totu-totu'u monsombah Tumpu salatan pe'e aku daagi' anak!

NEHEMIA 4:14

Salatan tinoangku taalu' mian da'isan nabuhukmo ahi', pinoto'ingkumo hi aha ka' hi to tu'a-tu'anyo ka' hi to pola-polaya', “Boli mabuhuk hi sampobali'! Boli okolilimi na Tumpu anu mahoson ka' baani ka' pahampatemo, tinjohakon na to utu-utus nu belemiu, to ana-anak nu belemiu, bengkele' ka' laigan nu belemiu!”

AYUB 30:2

Aha madi' ko kaliangannyo hi belengku kalana madi'mo ko kahosonan.

MAZMUR 119:55

De malomo ku inau'mo na Belento o, Tumpu, atulan nu Belento sabole-boleh ku toongi.

MAZMUR 34:11

Sadang singa suele mo ohop de madi'mo ko anu okaan panyo mian anu monsombah Tumpu na madi' ahi' kakulangan.

MAZMUR 63:6

Ku puji' na Belento nu montaligalai ka' lame'mo, kalana Belento nomposanangmo santuu'ku sumomo nongkaan kaanon anu ma'ima' hondo.

MAZMUR 90:10

Kopinnyo nu kantumuu'an mami ola pitumpulu' na taun de kami mahoson, yo montokai ualumpulu' na taun. Panyo madi' mo sanang ka' sansalamo na ota'up mami; salatan tumuu'mo sasaingoni', kami mule' madi'mo ahi' otoa-toa.

AMSAL 22:6

Pangajali na samian na anak ijala-jalan nu kantumuu'an anu patut hi ia; sahingga de toka'mo na tempo'nyo de ia langkai'mo kabai bengkele'mo kantu-kantumuu'annyo montulutimo sumo aijo.

AMSAL 8:17

Ku kalibosi na aha anu mongka'ima'i aku, ihe na molio aku timbali mongkabot aku.

ANU MOMPOLELE POTATAE NU TUMPU 11:10

Bolimo daagi bata-bata ka' mongoa'i susa' i uno nu kinyonyoa nu belemiu kalana ka umolitauan tiba kalangkoyangan nu belemiu malia' hondo tombo liu.

ANU MOMPOLELE POTATAE NU TUMPU 11:2

Balanjakon na doi nu beleyum ingangahan nu badagangan; Olio na usaha jonjoo'. Kalana mian palalu saja balajaga-jaga; mau ma'isa pe'e ko balaa' montokai mae.

ANU MOMPOLELE POTATAE NU TUMPU 11:8

Tionyo ahi' beleyum montalima kase; de mintuangmo na umun nu beleyum. Panyo o inau' ahi'; maumo beleyum pin na tumuu' i dunia, lebe mule' ahi' pin na tempo'nyo i uno nu dunia kapatean. Jadi apaa na anu daagi otaha imani? Iwi-iwi' palasuma' ka' madi'mo ko gunanyo.

YESAYA 26:8

Kami montulutimo kaputusan nu Belento, o, Tumpu, ka' saja'mo montanda'i Belento; Belentomo na anu opuji ka' mule' anu o, inau'nu kinyonyoa mami.

MOHAANGI 3:27

sahanyo kita balajan sabaan tempo'nyo daagi' olitau.

DANIEL 1:17

Tumpu nombee'imo hi aha opa-opat na olitau aijo' kapandean bapikin ka' pande mule' na mombau pakalaja'an i uno nu sa'angu' na pakalaja'an. Ka' mule' i Daniel binee'an-Nyo kapandean da timbali montalangkan anu nu potoa nu Tumpu tiba anu opo'ipiakon.

HOSEA 7:9

Madi' sinumbu' nu aha saba' kalana nosa'angu'mo tiba bansa sangga'at haha aijo' sahingga kahosonan nu aha imadi'anmo. Pupusnyo nu aha kinosisikonnyo ohanimo mingkot panyo madi' nu sumbu' nu aha.

LUKAS 1:15

Pontoa nu Tumpu ia timbali daka', ka' ia madi' monginum anggur kabai inumon anu molangui. Salatanmo pe'e i hampe, ia nu kuasai nu Roh nu Tumpu.

LUKAS 18:16

Panyo i Yesus nolaga to ana-anak haha aijo', ka' notatae hi anu saja' mombatuki Ia, “Pobee' mae na to ana-anak atina' toka mae hi beleng-Ku! Boli montewa' aha, kalana mian anu sumo aiya na timbali minsoop mian anu palesayamo hi Tumpu.

EFESUS 6:4

To Utu-utus anu timbalimo tuuma! Boli mompoposia to ana-anak miu, sahingga ma'idekanmo na kinyonyoa nu aha. Ola ahi' opidaka'i na aha nu atulan ka' pangajalan nu Tumpu.

PO'ULE' INGULIT 8:18

O' inau' kalana Tumpu Allah nu belemiu na anu mombee'i kakaya'an aijo' hi belemiu.

2 TIMOTIUS 3:15

Beleyum tionyo ahi' monginau', saba' daagi' pe'e ise' beleyum nonsumbu'mo Kitab nu Tumpu. Kitab nu Tumpu aijo' timbali mombee'i beleyum pangalati'an da mohumpak kasalamatan montului jalan palesaya hi Kristus Yesus.

1 SAMUEL 1:28

kalana aijo' anak aiya ku bee'mo hi Tumpu da timbalimo Ia na tumpunyo sidu-sidutu'.” Lapas aijo' aha nonsombahmo Tumpu.

1 SAMUEL 16:7

Panyo pinoto'i nu Tumpu hi Samuel, “Boli beleyum ola montoa kalana ia olitau ka' butongnyo mule' matangkas, misa' ia na anu Ku kahanda'i. Aku madi' mongangga'i susumo pongangga'i nu manusia. Manusia montoa ola tambongnyo nu butong, panyo aku montoa kinyonyoa.”

1 SAMUEL 2:18

Hau-haunyo aijo' i Samuel anu daagi anak aijo' saja'mo nokalaja apaa na anu nu palentahkon nu Tumpu. Ia nompusokmo baju' anu opake mokalaja, lenan na kina'ut susumo baju anu nu pusok nu to ima-imam de aha monsombahmo Tumpu.

1 SAMUEL 2:26

Panyo anak aijo' i Samuel kino daka-daka'nyomo ka' nompaka kinaima'anmo nu Tumpu ka manusia ka' iwi-iwi' na mian.