ANU MOMPOLELE POTATAE NU TUMPU 11:8 - KITAB NU TUMPU ALLA LELE MA'IMAI'

⁸ Tionyo ahi' beleyum montalima kase; de mintuangmo na umun nu beleyum. Panyo o inau' ahi'; maumo beleyum pin na tumuu' i dunia, lebe mule' ahi' pin na tempo'nyo i uno nu dunia kapatean. Jadi apaa na anu daagi otaha imani? Iwi-iwi' palasuma' ka' madi'mo ko gunanyo.

ANU MOMPOLELE POTATAE NU TUMPU 11:8 ပူးပေါင်းရင်းမြစ်များ

AYUB 10:21

Madi'mo pin aku mambamo ka' madi'mo minsusule' mae, mambamo i lipu' anu pikat hondo, ka' talalo hondo liing.

AYUB 10:22

Lipu' anu pikat hondo, ka' saja' mongkohiabakon hahan anu mombau kahengge'an, tampat anu madi' opoko ala obedakon na jingka tiba pintung.”

AYUB 14:10

Panyo de manusia silakamo, madi'mo daagi' ko anu lewa' monsisik; ia silakamo lantas moyamo na ia?

AYUB 14:12

sumo aijo'mo na manusia anu sinilakamo: ia madi'mo po'ule' tumuu'. Ia madi'mo daagi' tolosikangkang de daagi' ko langit aita' ia hoyo-hoyot madi'mo daagi' toho' mobula.

AYUB 15:23

Tomonsi' bonyia' nontanda'imo pa' hipian na tempo'nyo ia silaka, aha majo'ko'mo na mongkaan bangke'nyo. Jadi sininsumbu'mo na ia taalu' pinintungmo na kantumuu'annyo anu aiya mae i ahopnyo.

AYUB 18:18

Ia i uno nu jingka i laa'mo namba i uno nu pintung; i uno nu dunia nu mian anu tumuu' ia pinateanmo.

MAZMUR 49:20

ia suele ahi' montuntuni mompolee'nyo, mamba itampat anu pikat sampe toka sidu-sidutu'.

ANU MOMPOLELE POTATAE NU TUMPU 11:2

Balanjakon na doi nu beleyum ingangahan nu badagangan; Olio na usaha jonjoo'. Kalana mian palalu saja balajaga-jaga; mau ma'isa pe'e ko balaa' montokai mae.

ANU MOMPOLELE POTATAE NU TUMPU 2:15

Sahingga binapikinmo na aku, ‘Nasib anu mongkona aha mian anu ponga' timbali ku oa'i suele. Jadi apaa na gunanyo na kapandeanku bapikin?’ Lantas tinolukumo kodo-kodo' taalu' ilimu' aijo' totu-totu'u madi' ahi' ko gunanyo.

ANU MOMPOLELE POTATAE NU TUMPU 2:17

Kalana aijo' kantumuu'an madi'mo ko gunanyo hi belengku, madi'mo ko sangga'atannyo. Iwi-iwi' madi'mo ko gunanyo aku ola ahi' taalu' mololoi' mombun.

ANU MOMPOLELE POTATAE NU TUMPU 2:19

Ka' ihe na monsumbu' pa' ia anu pande kabai anu ponga'? Panyo maumo pa' mosia ia ahi' na timbali montumpui hasin nu kalajangku anu bibinaungkumo tempo'nyo tinumuu' i dunia aiya, salaku balakat nu lawengku tiba kapandeanku bapikin. Jadi aijo' suele madi' ahi' ko gunanyo.

ANU MOMPOLELE POTATAE NU TUMPU 2:26

Tumpu na mombee'i kapandean bapikin, tiba pangatahuan, ka' mule' kabilahian hi mian anu momposanang kinyonyoa-Nyo. Panyo mian anu baladosa' pinalentah-Nyo mokalaja molio lezeki ka' mule' montambun hasinnyo da obee' hi mian anu momposanang kinyonyoa nu Tumpu. Jadi iwi-iwi' aijo' madi' ko gunanyo ola ahi' susumo mompagala mololoi' mombun.

ANU MOMPOLELE POTATAE NU TUMPU 4:16

Mian da'isan anu nu palentah ugaat madi' opokolekeng na konjoo'nyo, panyo de ia nambamo, madi' ko anu montalima kase monginau' tempo'nyo ia daagi' mokalaja. Memang iwi-iwi' madi' kogunanyo susumo usaha mololoi' mombun.

ANU MOMPOLELE POTATAE NU TUMPU 4:8

Daagi' ko mian anu ola tumuu' sausa' madi' ko anak, kabai pe'e utus. Mau sumo aitu ia saja' makeke na mokalaja ka' kinyonyoanyo madi' toho' ma'osa na montoa halata'nyo. Obee' hi he na hasin nu kalajanyo sahingga taha-tahahumo na mokalaja ka' madi'mo mongala kasanangan? Aijo' mule' madi' kogunanyo, ka' aijo'mo na kantumuu'an anu sansala.

ANU MOMPOLELE POTATAE NU TUMPU 6:11

Lebe ia mombanta lebe madi' ko alati'nyo na potataenyo, ka' mule' ia madi' mohumpak ka untungan apa-apaa.

ANU MOMPOLELE POTATAE NU TUMPU 6:6

Aijo' na lebe ma'ima' molingkudui mian anu tumuu' ua atu na taun panyo madi' toho' ko kabilahian. Te misa' ua-ua aha aijo' mamba itampat anu pokakana?

ANU MOMPOLELE POTATAE NU TUMPU 7:14

Jadi bilahimo ahi' de beleyum nohumpakmo dale'. Panyo de beleyum nu tokaimo nu balaa' boli okolilimi saba' Tumpu nombee'mo ohu-ohua' aijo'. Apaa na anu jadi mule' madi' osumbu'to.

ANU MOMPOLELE POTATAE NU TUMPU 8:12

Mau sa'atumo na palabuatan ma'idek binau nu mian baladosa', ia tataap tumuu' ka' mantan na umunnyo. De ihe na tulu-tulutan hi Tumpu Allah tantu kantumuu'annyo madi' susa'.

ANU MOMPOLELE POTATAE NU TUMPU 8:15

Kukodo-kodo'imo sumo uuka: saba' mian lebe ma'ima saja' lame'. Kalana kantumuu'annyo i dunia aiya, madi' ko kasanangannyo sangga'at, malaingkan mongkaan, monginum ka' balame-lame'. Olamo aijo' na timbali nu oa'i i uno nu usahanyo. Anu binee'nu Tumpu hi ia tempo'nyo daagi tutuu'.

ANU MOMPOLELE POTATAE NU TUMPU 9:7

Donganmo pongkaan ka' balame-lame'; inumo sana-sanang na kinyonyoa na anggur nu belemiu, Tumpu madi' kabalatan pakalaus Ia ahi' situju.

YEREMIA 13:16

Tumpu Allah nu belemiu tionyo ahi' opopodaka' nu belemiu ma'isa pe'e Ia mompotoka mae kapintungan, ka' tengke nu belemiu tosumpunmo aita' mae ibungkutnyo, ma'isa pe'e jingka anu nu taha'imani Nu bali'imo timbali kapintungan.

YOËL 2:2

Sinaa aijo' pikat hondomi' kahomo sehu' madi'mo ko sahayanyo. Suludadu kihi-kihi' singkapmo mae toka, susumo kundom anu nanintingkimo aita' i bungkutnyo. Han anu susumo aijo' ma'isa toho' jinadi ka' madi'mo daagi' po'ule' jadi sampe toka sidu-sidutu'.

MATIUS 22:13

Lantas tomundo aijo' notatae hi to poka-pokauhonnyo, ‘Segoti na tengke ka' lima nu mian aiya, ka' alin na ia i sambiha'nyo i tampat anu pikat. I kiijo' daagi' ko anu tumando' ka' sansala.’ ”

YOHANES 12:35

I Yesus nontaami, “Ola sasaingoni' na jingka aijo' daagi' aiya hi komiu. Jadi, lajangmo da tempo' u'uka komiu daagi' ko jingka, da komiu boli nukona nu kapintungan. Mian anu lumajang i uno nu pintung, madi' nusumbu' pa' iyana kalambanannyo.

PO'ULE' INGULIT 32:29

De aha pande, aha mangalati'mo, ka' mompopikilakonmo apaa na anu saidi' mae jadi i mihinyo hi aha.

YUDAS 1:18

Aha nompoto'imo momona hi komiu tukoonyo de malia'mo toka na sinaa kakiamatan lubatmo na to mia-mian anu monjojoa komiu, aijo'mo to mia-mian anu tumuu' montuluti apaa na anu nu kamilui nu aha sahingga monsaduakonmo anu moko baladosa'.