ANU MOMPOLELE POTATAE NU TUMPU 10:19 - KITAB NU TUMPU ALLA LELE MA'IMAI'

¹⁹ Bau-bauon mompotimbali kumojo ka' mule' anggur mompotimbali lame' panyo tionyo ahi' ko doi da bau pongoli.

ANU MOMPOLELE POTATAE NU TUMPU 10:19 ပူးပေါင်းရင်းမြစ်များ

KAJADIAN 43:34

Aha binee'anmo nongkaan anu lengkat mole hi meja' i Yusuf, ka' i Benyamin piniliman na nombee'i bagi lebe manjoo' molingkudui to utu-utusnyo tu'a. Lantas aha nongkaanmo ka' nonginumo hingga-hinggat tiba i Yusuf sampe na'osa.

2 SAMUEL 13:28

To posa-posaihonnyo pinalentahnyomo, “Otoa ima-ima' de i Amnon malangumo kalana nonginumo anggur, ku bee'ije tanda lantas pateimo na ia. Boli mabuhuk, Aku na montanggung han aijo'. Babaani ka' boli bata-bata!”

1 TAWARIKH 21:24

Panyo tinaman i Tomundo' Daud, “Boli' tatap kuoli yayamo na olinyo aku madi mongkaoho mompalasombahkan hi Tumpu apaa na anu nu beleyum kabai anu la tutuk ku alamo.”

EZRA 1:6

Iwi-iwi' na Laigan anu mompaha ohani aha nontulungimo ka' nombee'mo pakakas susumo umpamanyo salaka tiba mosoni', ka' mule' anu bau mantu i jalan, binatang anu pomposake'an boaon, halata' sangga'at ka' apa-apaa na anu osombahkon i Laigan nu Tumpu.

NEHEMIA 5:8

ka' pinoto'ingkumo, “Kita binala'usahamo hondo totu-totu'u nontokongi to utu-utusto mian nu Yahudi anu paya bemanau' nompobalukmo butongnyo hi bansa anu i salipu'an. Panyo uuka aiya belemiumo mule' ahi' na mompakisa aha da mompobaluk butong nu aha hi belemiu, padahan belemiu suele bubu' mian nu Yahudi!” To pola-polaya' haha aijo' madi' noko ala nontaami maumo pe'e ola santaa'.

ESTER 1:10

I sinaa kino ipitunnyomo, i tomundo lewa'mo binatawa' sahingga ingoa'annyo i lame'mo hondo. Kalana aitu ilaganyomo na aha popitu' anu ko pangkatnyo da samata-mata momposadia ka' mongulus ia; aha aijo'mo i Mehunam, i Bizta, i Harbono, i Bigta, i Abagta, i Zetar, ka' i Karkas.

MAZMUR 104:15

ka' mohumpakmo bua'nyo nu anggur anu o'inum ka' momposanangmo. Ka' suele lanya' nu zaitun anu mompotimbali ohupnyo mabuliniasmo, ka' kaanon anu mompohosonmo butongnyo.

MAZMUR 112:9

Ia mombagi-bagiakon halata'nyo, ka' mombee'i apa-apaa hi mian anu kasiasi; ia saja' mombau anu ma'ima', kalana aijo' ia balakuasa ka' oholomati.

ANU MOMPOLELE POTATAE NU TUMPU 2:3

Ku gantang aijo'mo na palabuatan anu kubau, anu talalo hondo ma'ima' hi manusia da mongoa'i kantumuu'annyo anu madi' pin na tumuu' i dunia aiya.

ANU MOMPOLELE POTATAE NU TUMPU 9:7

Donganmo pongkaan ka' balame-lame'; inumo sana-sanang na kinyonyoa na anggur nu belemiu, Tumpu madi' kabalatan pakalaus Ia ahi' situju.

YESAYA 23:18

Ka untungan tiba tambo nu mokalaja anu nu humpak madi'mo ola nu una', panyo nu palasombahkonmo hi Tumpu. Aha to mia-mian anu monsombahmo Tumpu monggunakonmo doi aijo' bau pongoli kapalaluan nu aha pihude tiba anu nu kaan nu aha.

YESAYA 24:11

Aha to mia-mian maha loboo'anmo aijo' ijalan kalana anggur anu o, inum ningkotmo. Madi'mo daagi' kokalame'annyo ilipu'aijo' sampe toka sidu-sidutu'.

MATIUS 17:27

Panyo boli kita monsinggung kinyonyoa nu to mia-mian aijo'. Jadi, lako'mo pokiijo'mo i dowiwi da momeka. Ala na ikan momona i humpakum. I uno nu nganga'nyo aijo' beleyum mohumpakje doi anu sukup bau pombayan hasin nu kita ohua'. Ala na doi aijo' ka' bayan hi aha na hasin nu Laigan nu Tumpu.”

MATIUS 19:21

I Yesus notatae hi ia, “De beleyum mongkahanda'i da timbali mian anu madi' kokasala'annyo, lako' pobaluk iwi-iwi' na halata'um. Bee' na doinyo hi mian anu kasiasi, ka' beleyum mohumpakje halata' anu i suluga'. Lapas aijo', tokajemae mombatuki Aku!”

LUKAS 12:19

Lapas aijo' kutaloakonje i posi butongku, ‘Beleyum mohumpakmo dale'! Iwi-iwi' anu ma'ima' daagi'mo hi beleyum ka' madi' ko kamingkotannyo sataun toka sataun. Pingkainmo tempo' uuka! Lewa'mo pongkaan ka' ponginum ka' o'oa'i na kasanangan nu kantumuu'an!’

LUKAS 16:9

Lantas i Yesus po'ule' notatae, tukoo-Nyo, “Hongo! Pakemo na kakaya'an nu dunia aiya da mohumpak sangalu, da de kakaya'an nu dunia aiya madi'mo ko olinyo, komiu otalimaje i tampat kajojoongan anu sidu-sidutu'.

LUKAS 8:3

singkona i Yohana bengkele' i Khuza, anu ko kalaja i laigan daka' hi Herodes; i Susana, ka' manjoo' mule' na boune sangga'at. Posi ongkos nu aha na montulungi Yesus ka' anu saja' mombatuki Ia.

SISIKON NU TO RASUL-RASUL 11:29

Sahingga iwi-iwi' anu saja' mombatuki Yesus nomposa'angu'mo tanga'an da mompakatu pontulungi hi to utu-utus anu jojoong i Yudea; toto samian mompakatu yayamo anu nu poko ala.

SISIKON NU TO RASUL-RASUL 2:45

Aha nompobaluk to bala-balang ka' halata' nu aha, lantas obagi-bagimo nu aha na doinyo aijo' iwi-iwi', otoa i kapalaluan nu aha toto samian.

1 PETRUS 4:3

Tempo' anu i hikuhakonmo, sampemo na kinopinnyo na belemiu nombaumo anu nuka'ima'i nubau nu to mia-mian anu madi' monsumbu' Tumpu. Komiu tumuu' madi' ma'ima'. Komiu montuluti napisu, lewa' malangu, mompopodaka' bau-bauon, lewa' batawa' ka' monsombah pilogot tiba jalan mombau anu o kahenyui.

TO MIA-MIAN KOPIAN 14:10

Salatan tuuma i Simson nambamo i laigan nu langkoyang aijo' i Simson nombaumo bau-bauon ikiijo' mae, kalana sumo aijo' na kabiasa'an anu saja' obau nu to oli-olitau.

TO MIA-MIAN KOPIAN 9:13

Panyo tinaaman nu kau' anggur, 'Te toho'mule' aku madi'mo mohasinakon anggur anu momposanang kinyonyoa nu to pilo-pilogot tiba manusia, ola kalana timbalimo tomundo nu belemiu!'

1 SAMUEL 25:36

Salatan i Abigail ninsusule'mo hi Nabal tinokannyo kinobau-bauonmo anu kada' hondo i laigan nu aha sumomo bau-bauon nu tomundo'. Jadi kalana i Nabal nalangumo ka' talalomo i lame' na ia, sahingga bengkele'nyo ma'isa nompoto'i apa-apaa sampe tinoka dodododopnyo.