ANU MOMPOLELE POTATAE NU TUMPU 10:12 - KITAB NU TUMPU ALLA LELE MA'IMAI'

¹² Potatae nu mian anu pande mombau ia oholomati, panyo mian anu ponga' silaka kalana nu saduakon nu potataenyo.

ANU MOMPOLELE POTATAE NU TUMPU 10:12 ပူးပေါင်းရင်းမြစ်များ

2 SAMUEL 1:16

Koonyo i Daud hi olitau nu aha Amalek aijo', “Posi beleyum na nompokona hukuman mate aiya hi butong nu beleyum kalana nongakuimo tukooyum beleyum nompateimo tomundo' anu pinile'anmo nu Tumpu!”

AYUB 16:5

Kinyonyoa nu belemiu ku pohosonmo nu ngangahan na pokinde'; potataengku aiya bau pohase'.

MAZMUR 140:9

Boli ositujui na tanga'an nu mian anu ma'idek na kinyonyoanyo, O, Tumpu, boli opobee' tongala na tanga'an nu aha.

MAZMUR 37:30

Mian anu ma'ima na kinyonyoanyo motatae na pande ahi' saja' ahi' hodi' na ia motatae.

MAZMUR 64:8

Panyo nupana'akonmo nu Tumpu na pana'-Nyo mokiijo' hi aha, ka' monti-montiik ahi' aha belaonmo.

AMSAL 10:10

Ihe na mompohowini kahondoan, mompodaagi' kasusa'an; panyo ihe na mompisala'i i aho-ahop, mompagala da mohumpak kantumuu'an ma'ima'.

AMSAL 10:8

Mian anu pande mongka'ima'i pokinde'; panyo mian anu potataenyo madi' singguan saidi' mae mohumpak kasusa'an.

AMSAL 12:18

Potatae anu madi' kopatunyo monsakiti kinyonyoa sumomo anu otobok nu bajak, panyo potatae nu mian anu pande sumomo pakuli' anu timbali mompo alin sakit.

AMSAL 15:2

Potatae nu mian anu pande mombau da ilimu' lebe oka'ima'i panyo potaate nu mian anu ponga'isinyo ola ahi kaponga'an.

AMSAL 15:23

Potatae anu otaeakon kona memang itempo'nyo mompotoka mae kasanangan nu kinyonyoa,

AMSAL 19:5

Mian anu baleko' kiijo' i pomputusian palakala, madi' ko madi'nyo tionyo ahi' o hukumo.

AMSAL 22:11

Mian anu mongka'ima'i kinyonyoa anu madi' tageo' ka' madi kasan na potataenyo, timbali bau sangalu nu tomundo.

AMSAL 26:9

Susumo anu lewa' malangu mongalinakon hii' i limanyo, sumo aijomo na mian anu ponga' montaeakon pokinde'.

AMSAL 31:26

Madi' kopesa-pesa na ia motatae; potataenyo anu ko alati'nyo ma'ima'.

ANU MOMPOLELE POTATAE NU TUMPU 12:11

Potatae nu mian anu ko ilimu' aijo' sumomo tokon anu matajom, anu nu toong nu samian na polaya' potuu'on, tokon anu nu pake monjagai dombanyo. Ibalat tiba pokinde' pinosa'angu'; sumomo paku' anu pinaku'akonmo hoso-hoson. Iwi-iwi' aijo' suele anu binee'mo nu Tumpu; polaya'to anu sa'a-sa'angu'nyomo aijo'.

ANU MOMPOLELE POTATAE NU TUMPU 4:5

Sumo aitumo na mian anu ponga' ola sumuhang nu posolung na limanyo nupojohokmo na butongnyo da mate nu ohop.

ANU MOMPOLELE POTATAE NU TUMPU 5:2

Lebe ko pikilan bata-bata lebe mule' mongipi anu ma'idek. Lebe manjoo' na potatae lebe mule' montaeakon potatae anu madi' ko kaliangannyo.

ANU MOMPOLELE POTATAE NU TUMPU 5:6

Susumo mongipi manjoo' panyo aijo' madi' ko alati'nyo, sumo aijo' mule, manjoo' na potatae madi' ko gunanyo. Panyo okabuhuk ahi' na Tumpu.

ANU MOMPOLELE POTATAE NU TUMPU 9:17

Lebe ma'ima' mohongo potatae nu samian anu ko ilimu'nyo; ka' de mule' ola loboo' nu samian anu balakuasa i uno nu sa'angu' na gombuan nu mian anu toto ponga-ponga'.

MATIUS 12:35

Mian anu ma'ima' montaloakon hahan anu ma'ima' kalana ia buke' nu ka'ima'an. Sumo aitumo na mian anu ma'idek montaloakon hahan anu ma'idek, kalana buke' nu ka'idekan.

LUKAS 19:22

Tomundo aijo' notatae hi ia, ‘Beleyum pokauhon anu ma'idek! Sumo posi potataeum aku mohukum beleyum. Nusumbu' aku mian anu masigo; aku mongala anu misa' anungku, ka' mongala hasin anu misa' i tampat anu madi' tinugalanku.

LUKAS 4:22

Potatae anu tinaloakon-Nyo ma'ima' hondo, sahingga aha binangangmo ka' nompototu'umo Ia. Aha notatae, “Te misa' Ia anak i Yusuf?”

EFESUS 4:29

De komiu basisik, boli montaeyakon potatae anu mahenyu. Anu otaeyakon potatae anu mompokopiani ka' anu montulungi mian sangga'at. Potatae sumo aijo' mompodaagi' ka'ima'an hi to mia-mian anu mohongo.

KOLOSE 4:6

Hahan anu otaloakon miu aijo' tionyo ahi' saja' momposanang kinyonyoa ka' nu ka'ima'i nu mian. Tionyo ahi' osumbu' miu mosia na sabenannyo komiu montaami hahan anu nu pokilawa nu mian.