ANU MOMPOLELE POTATAE NU TUMPU 10:1 - KITAB NU TUMPU ALLA LELE MA'IMAI'

¹ Bangke' nu lalo mombusiki samboton na minya-minya'; kaponga'an mau ola sangkiding mongalini kapandean bapikin anu matangkas na alati'nyo.

ANU MOMPOLELE POTATAE NU TUMPU 10:1 ပူးပေါင်းရင်းမြစ်များ

2 TAWARIKH 19:2

samian na nabi sanggonyo i Yehu anak i Hanani tinokamo mae nangadap hi Tomundo. Koonyo nu nabi ai-aijo' hi ia, “Madi' minsoop i akan na belento Tomundo montulungi mian ma'idek ka' monsangaja'i mule' mian anu mongka'ideki Tumpu? Apaa na anu binaumo nu belento Tomundo, aijo' non saduakonmo i Tomundo tinambuha'anmo nu Tumpu.

NEHEMIA 13:26

Pinoto'ingkumo, “Te misa' dosa' aiya suele binaumo i Tomundo' Salomo? Madi' ko tomundo' anu i dunia aiya na lebe daka' molingkudui ia. Tumpu Allah mongkalibosi hondo ia ka' nompotimbalimo ia tomundo' nu aha songko-songko na Israel. Maumo sumo aijo' ia pagalamo sinale'an nu to bou-boune bansa anu i salipu'an da mombaumo dosa'.

NEHEMIA 6:13

Tanga'an nu aha, aijo'mo da aku mabuhuk lantas montulutimo pongka'oho' nu aha sahingga baladosa'mo. Tiba jalan anu sumo aijo' nuhumpakmo nu aha na jalan mombusiki sanggongku sahingga aku lewa'mo nu alu nu mian.

AYUB 6:3

Mokonyo aitu, bolimo okatalanggangakon de potataengku madi' talalo opotutugakon ka' mule' talalo ko sia-sia'.

NOSABATMO 30:25

ka' bau da timbali lanya' anu opake de mombalakatimo, anu opogalo' susumo minya-minya' anu manohong.

ANU MOMPOLELE POTATAE NU TUMPU 9:18

Kapandean bapikin lebe ko gunanyo molingkudui toongon anu bau pahampate, panyo tua' mau ola sanjohojut mongidei susu sa'angu' na kuhon.

HAGAI 2:12

Da bisuanyo daagi ko mian anu mongala sangkuyu na antok nu binatang anu okolobanakon bau palasombahan hi Tumpu lantas nu posulukmo i tapi'an nu juba'nyo ka' nu boamo ilaigannyo ka' lapas mae juba'nyo aijo' samantala puso-pusok ia so'mo monsala' kanyang roti kabai pa' apa-apaa na anu ingunjangmo, kabai anggur, kabai lanya' nu zaitun, kabai pa' apa-apaa na anu okaan, saba' iwi-iwi' aijo' pa' daagi ahi' susi'?” Salatan pinokilawamo i Hagai na iwi-iwi' aijo' to ima-imam nontaamimo, “Madi'mo.”

HAGAI 2:13

Lapas aijo' po ule' mule' pinokilawa i Hagai, “De bisuanyo daagi komian anu nahumimi'mo kalana ia nonsala' kanyangmo mian anu sinilakamo ka' lapas aijo' ia monsala' kanyang mule' sala'sa'angu' na anu okaan pa' kaanon aijo' suele jadimo mahumimi'?” To ima-imam nontaami, “Ii' memang ahi' nahumimi'mo!”